Apokalîs 20:8 - Myēnj phōn mí Zɛɛ̄mb

⁸ á á tɔ́ tí ɛkɛ́ kwóŋ ókanda ɓyɛ̂ɛs tí sī mipák mīná ɓâk, okanda oték ɓɛ́: Gɔ́k nɛ Magɔ̂k. Á á gwésɛl ɓɛ́ tí ɛsú lɛ̄ ɛ́lūmūl. Ɓá á ɓǔ ɗakɛ mɛ́syɛ́ɛ́ tí mwɔ̄ŋ mâŋ.

Apokalîs 20:8 Iomraidhean Croise

Eɓelê 11:12

Í ɗyaāŋ ték ɗí nāá, tí ɛnyɛl tí mot ŋgwát ā ɓɛ ɛ līs kéké ɛ jüé ɔ́kɛ́, thūnd ɓót ɗakɛ ócwēēcwēn o jwóó, thɔ́k ɗakɛ mɛ́syɛ́ɛ́ mɛ̄ mwɔ̄ŋ mâŋ ɗí mot a a ɓɛ̄ nɛ khul ɛláŋ mák ɛ́, ɓā ɓyɛ́l ê.

Apokalîs 12:9

Sá tīt énɛ́ɛ̌ŋ ī ɓúzī gusaá ɓɛ̌ koōl. Í nyɛ ɗí ndoōmb nwɔ̂ŋ, í nyɛ ɓɛ́ ɓākā jóó nāá, Ɓyǒla mót ɔ, gú thɔ́k Sátan, mot ɗí tí ɛkwóŋ sī nyɛ̂ɛs ɔ̂. Ɓá nɛ ɓeéŋgeles ɓɛ̄ ɓɛ̄ ɓúzī gusaá ɓɛ̌ íɓwaās.

Apokalîs 16:14

Isisímb ī ték ɛ́, ɓí iɓyǒla ɓɛ̄ ísisímb ī ɗí tí ɛsá mɛ́simbā ê. Ɓī tɔ̄ tí ɛkɛ̄ gwésɛl míkūmāndē mī sī nyɛ̂ɛs tí nāá, ɓá á lûmla ɗɔ́mb tí ánénén mwēs mí Zɛɛ̄mb ɗí nɛ mɛkhul myɛ̂ɛs ɔ̂.

Apokalîs 20:10

Náǎŋ ɛ́, ɓyǒla mót ā kikwôŋ ɓɛ ɔ́kɛ́, á á gusaa twóó somb ɗú nɛ pit ɗí tí ɓū ɗísa ê, pyaāt ɓā myas tīt ɔ́nɔ́ɔ̌ŋ ɓá nɛ mgbɛ́sel mitɔɔ̄p míkɔ́ŋ ê. Pyaāŋ ɛ́, ɓá á ɗi tí mitūŋ mwěs nɛ pum ndǒmb ɗiī nɛ ndǒmb ɗî.

Apokalîs 20:3

Phúla ték ɛ́, ɛ ɓúzī gus ɛ́ twóó ɗǐmla tôŋ, ɛ pét yɛ́ nɛ ɛŋgoŋ tí nāá, sá tīt ta timbɛl a a ɓākā kwóŋ ókanda ī kɛ́ kum tɛ́m mímbú míl wā sí ê. Phúla ték ɛ́, ɓá á ɓākā ɓyét ɛ́ ɛɓīm ɛ̄ tɛ̂m.

Apokalîs 7:1

Phúla ték ɛ́, mi ɓúzī ɓɛɛ ɓééŋgeles ōná mitítɛɛ̄l tí mɛɓūs mɛ̄ sī mɛ̄nâ. Ɓā ɓɛ tí ɛmɛ́t ókhúŋ ōná ō mɛ́ɓūs mɛ̄ sī mɛ̄ná myɛ̂ɛsa Tí ɛkámb nāá, khúŋ ŋgwát nɛ ŋgwát a a pupɛl tí iɓwaās nɛ tí mâŋ, gú thɔ́k tí ilē.