Apokalîs 19:9 - Myēnj phōn mí Zɛɛ̄mb

⁹ Phúla ték ɛ́, éŋgeles ɛ ɓúzī lɛ́ɛ́ nɛ nǎm nāá: «Til ɗêk: Lɛ̄m nɛ ɓot o ɓɛ̄ ɓɛ́ ɛ́ ɓándlǎ ɓɛ̌ ɗína ɓwók ɛ́ɓá ɛ̄ Mwâthɛmbɛ ɓâk.» Éŋgeles ték ɛ ɓúzī ɓāka lɛ́ɛ́ mɛ́ nāá: «Mɛkɛ́l mák ɛ́, í mɛkɛ́l mɛ̄ Zɛ́mb nyɛ́ mot ték gbɛ̄s tí nup wɛ́ ê.»

Apokalîs 19:9 Iomraidhean Croise

Lókas 22:16

Gūká nāá, phúla yúk kɛnd ɛ́, má á dā kā ɗɛ íɗóó ɓík ɛ́, tɛ́m Zɛ́mb wā lwóndɛl mɛ́tiān mɛ̄ ɓwók ték twóó Kanda mí Zɛɛ̄mb ê.»

1 Tímotê 1:15

Ɛkɛ́l ɛ mí mú tí ɛlɛ́ɛ́ ɗék lík ɛ́, lí oceece. Mot nyɛ̂ɛs ɛ́ dalǎ nɛ ɛkam thɔ́k lɛ̂. Ɛkɛ́l ɛ̄ ték lí nāá: Yésus ā zye tí sī nyúk tí ɛzī kɔt ɓót o mísɛ̄m. Tí ndɔŋ wɔ̄ɔ̄ ɛ́, myam ɗí mot ɓɛ̄ ɛ́ ɛ́ ɓū thaŋ ɛ́sɛ́m ɔ̂.

1 Tímotê 4:9

Ɛkɛ́l ɛ̄ mí mú tí ɛlɛ́ɛ́ ɗék lík ɛ́, lí oceece. Ɛkɛ́l ɛték lí dala nāá, ɓot ɓyɛ̂ɛs ɓɛ̄ kâm lɛ̂.

2 Timotê 2:11

Mɛkɛ́l mí mú tí ɛlɛ́ɛ́ ɗék mák ɛ́, mɛ́ oceece. Mɛkɛ́l mɛ̄ték mɛ́ nāá: «Í ɓɛ̄ nāá, ná nɛ ɓɔɔ nɔ̄ɔ̄ ní í jüeká nák ɛ́, ná nɛ nɔ̄ɔ̄ ná á cyukká thɔ̂k.

Mɛkanā mɛ̄ Pɔ́l ā til Tít mâk 3:8

Ɛkɛ́l ɛ̄ mí mú tí ɛlɛ́ɛ́ ɗék lík ɛ́, lí oceece. Mí je nāá, u ɓákɛl sá ték ikɛnd ikɛnd, i zyē nāá, ɓɛ̄l ō ɗí tí ɛɓûkla Zɛ́mb ɓák ɛ́, ɓá á gbá mɛ́nól myɛ̂ɛs tí ɛsá tyâa isīsɛ̄ɛ̄. Sá ɗí tí nwɔŋ, ī ɓákā ɗi nɛ nɔm tí ɛsú ɛ̄ ɓót ɛ́ têŋ.

Apokalîs 1:1

Mɛkanā mák mɛ́ nɛ isá ī ɓyā ɓɛ misɔlā Zɛ́mb jüē Yésus Kilís tí nāá, á á lyákɛl ósɛ́l ɓɛ̄ isá ī wā sɛ́ɛ́ ɛ́kúnɔɔ kúnɔɔ ɓîk. Kilís ā kɛnd éŋgeles wɛ̄ ɓɛ ɗáá sɛ́l wɛ̄ Zwáŋ tí ɛkɛ̄ lyákɛl ɛ́ isá ī têk.

Apokalîs 1:19

Til phɛ̄ isá ú ɓɛɛ ɓîk, ɓīl ɓī ɛ́chāak ɛ́, nɛ ɓīl ī dálā nɛ ɛkúl phúla ɓízaāŋ ē.

Apokalîs 10:4

Ɗɛ ókhɛ́l ō jwóó tɛ̄n nɛ ōɓá ōték ɓā ɓâm ékɛ́, mi ɓúzī wā til sá ókhɛ́l ōték ɓā lɛ́ɛ́ ê. Títɛɛ̄l ŋgwát ɛ́, mí dá gwók jwōnd tí ɛlüǐ nɛ nǎm ɓɛ̌ jwóó, ī līlɛ̄ɛ̄ nāá: «Ɓakɛl sá ókhɛ́l ō jwóó tɛ̄n nɛ ōɓá ɓīnɛ́ɛ̌ŋ lɛ̄ɛ̄ ékɛ́, tí lyém wɔ̂. Wa a til yɛ̂.»

Apokalîs 14:13

Phúla ték ɛ́, mi ɓúzī gwók jwōnd ɓɛ̌ jwóó ī līlɛ̄ɛ̄ nɛ naām nāá: «Til ɗêk: “Lɛ̄m nɛ ɓɛ̄l ō ɗí nāá, ɛsüee lī ɓyela ɓɛ́, ɓɔ̂ɔ tí ɛsála Ɗá ɓâk.” Áchāāchǎnj Sisímb ɛ́ lɛ̄ɛ̄ nāá: “Tí oceece, ɓɛ́ nɛ lɛ̄m. Ɓá á phākā gbalǎ lyěllǎ sɛ̄ɛ̄ ɓɛ́ ɓɛ̄ ték ê. Nɛ dɔ nāá, tyaa isīsɛ̄ɛ̄ ɓyɔ̄ɔ̄ ɓī tí ɛɗú ɓɛ̂.”»

Apokalîs 17:1

Phúla ték ɛ́, nɔ̄l éŋgeles ŋgwát tí ndɔŋ ɓééŋgeles tɛ̄n nɛ ōɓá ɓā ɓɛ nɛ ikɔ́p ī mítūŋ tɛ̄n nɛ īɓá ɔ́kɛ́, ɛ ɓúzī jémbǎ ndumɛ nɛ naām, nyɛ nɛ naām nāá: «Thâ, má á lyákɛl ɔ́ ɗakɛ ɓɛ́ wā cyúkɛ̌l tɔ̌p sapák nén énɛ́ɛ̌ŋ ê. Í nyɛ ɗí khanda ánénén ɗí sumā ndumɛ nɛ thūnd ɓáánénén ō mɛ́thyūū ɔ̂.

Apokalîs 17:17

Nɛ dɔ nāá, Zɛɛ̄mb ɛ́ ɛ́ gbá tí milyém myɔ̄ɔ̄ ɛ́, njeā ɛ́lwóndɛ̌l jwok yɛ̄. Ɛlwóndɛ̌l jwok yɛ̄ ték í nāá, mikūmāndē myá á ɗi cyūŋ, ɓɛ̄ ɓɛ́lā nɛ də́ə́ yɔ̄ɔ̄ tí ɛsála tí ɛsú ɛ̄ tīt, i kɛ́ kum tɛ́m sá Zɛ́mb ā lɛ́ɛ ékɛ́, wā lwónd ê.»

Apokalîs 2:1

Til éŋgeles Gós-óɓúkɛl ɗí ɓɛ̌ khandǎ Efɛ̂ɛz ɔ, u lɛ̄ɛ̄ ɛ́ ɗêk: «Mot ɗí nɛ ocwēēcwēn tɛ̄n nɛ ōɓá tí ɛkɔ́nj ɛ mbɔ́ ɛ́dóm wɛ̄, ɗí tí ɛkɛ kúkǔ icela ɓī ólámba tɛ̄n nɛ īɓá sāwā nɛ gól ɔ́kɛ́, ɛ́ lɛ̄ɛ̄ nāá:

Apokalîs 2:12

«Til éŋgeles Gós-óɓúkɛl ɗí ɓɛ̌ khandǎ Pɛɛgám é ɗêk: Mot ɗí nɛ paasɔŋ ɗó ɛ ték ɗí ɛ́cwāmblɛ̄ nɛ mimyoo mīmbá ɔ́kɛ́, lɛ̄ɛ̄ nāá:

Apokalîs 2:18

Til éŋgeles Gós-óɓúkɛl ɗí ɓɛ̌ khandǎ Tiatíi ɔ́, u lɛ̄ɛ̄ ɛ́ ɗêk: «Mwán mí Zɛɛ̄mb, mot ɗí nɛ mís ɗɛ ɗû, nɛ mɛkoō ɛ́pɛɛpɛn ɗakɛ dōō ɗí ɓá a lwɔ̂ɔ ɗüis tí ɗú e, lɛ̄ɛ̄ ɗêk.

Apokalîs 2:8

«Til éŋgeles Gós-óɓúkɛl ɗí ɓɛ̌ khandǎ Ɛsmíin ɗêk: “Mot ɗí mot ɛsɔ́k nɛ mɛsīl ɔ̂, nɔ̄l ā ɓɛ ɛ́ ɛ́ jüe, ɛ pás ɔ, ɛ́ lɛ̄ɛ̄ ɗêk:

Apokalîs 21:5

Phúla ték ɛ́, mot ā ɓɛ ndíndiīl tí ɗǐ də́ə́ ɔ́kɛ́, ɛ ɓúzī lɛ́ɛ́ nāá: «Ɛ́chāak ɛ́, mí í sá ísínɔŋ ɓyɛ̂ɛs mimyēnj nɛ mimyēnj.» Ɛ ɓúzī ɓākā lɛ́ɛ́ mɛ́ nāá: «Til ísá ɓîk, nɛ dɔ nāá, mɛkɛ́l mák má a ɓɛ̄ ócāl, mɛ́ oceece.»

Apokalîs 22:6

Phúla ték ɛ́, éŋgeles ɛ ɓúzī lɛ́ɛ́ mɛ́ nāá: «Mɛkɛ́l mák ɛ́, mɛ́ oceece, má a ɓɛ̄ ócāl. Ɗá Zɛɛ̄mb ɗí tí ɛjüe ógbɛ́sel o mítɔɔ̄p ɓɛ̄ Sisímb yɛ̄ ɔ́kɛ́, ɛ́ ɛ́ kɛnd éŋgeles wɛ̄ tí ɛsú lɛ̄ ɛ́kɛ lyákɛl ósɛ́l ɓɛ̄ sá dálā ɛ́zye ɛ́kúnɔɔ kúnɔɔ ê.»

Apokalîs 3:1

«Til éŋgeles Gós-óɓúkɛl ɗí ɓɛ̄ khandǎ Saaɗɛ́s ê: Mot ɗí nɛ isisímb ī mí Zɛɛ̄mb tɛ́n nɛ iɓá nɛ ocwēēcwēn tɛ̄n nɛ ōɓá ɔ́kɛ́, ɛ́ lɛ̄ɛ̄ nāá: Mi tí gú ísīsɛ̄ɛ̄ ɓyɔ̂. Ɓot ɓɛ́ lɛ̄ɛ̄ nāá, u tí ɛcyuk ɓyela nāá, ú ú jüe.

Apokalîs 3:14

«Til éŋgeles Gós-óɓúkɛl ɗí ɓɛ̌ khandǎ Laoɗisé ɔ̂. Mot ɗín lɛ̄ ɗí Aamɛn ɔ̂, nɔ̄l gū ɛ́gwók nɛ ɛɓɛɛ ísínɔŋ ɓyɛ̂ɛs ɔ, ɓɛ́ dálā ɛ́ɓûkla lɔ́ŋ wɛ̄ nɛ dɔ nāá, ɛ mot oceece ɔ̂, nɔ̄l ā ɓɛ̄ mɛtē mɛ̄ ísínɔŋ ɓyɛ̂ɛs Zɛ́mb ā kus ɓík ɛ́, ɛ́ lɛ̄ɛ̄ ɗêk:

Apokalîs 3:20

Myam nyɔ̌ títɛɛ̄l tí ɛgbɛ̄s, mi tí ɛkwɔ́kɛl. Mǒt gwōk jwōnd yâm, ɛ ɗíí ɛ́gbɛ̄s nák, má á ní ɓɛ yɛ̄, zá nɛ nɛ̄ zī ɗɛ̄ íɗóó gúmɛ̄ gwát.»

Apokalîs 3:7

«Til éŋgeles Gós-óɓúkɛl ɗí ɓɛ̌ khandǎ Filaɗɛlfí ɔ̂: Mot ɗí áchāāchānj nɛ oceece ɔ, nɔ̄l ɗí nɛ sap mí kūmāndē Ɗávit ɔ, nɔ̄l ɗíí ta ɓɛ nɛ mot ɗí nɛ khul ɛɗyuɛl, nɔ̄l ɗyúɛ̄l ta ɓɛ nɛ mot ɗí nɛ khul ɛɗii ɔ́kɛ́, ɛ́ lɛ̄ɛ̄ ɗêk: