Apokalîs 19:4 - Myēnj phōn mí Zɛɛ̄mb

⁴ Phúla ték ɛ́, mindǒmb mɛkām mɛ̄mbá nɛ mīná, zí ká nwɔŋ ísá īná ɗí tí ɛcyuk ɓík ɛ́, Ɓī ɓúzī kút mɛ́ɓɔ̄ŋ sī tí ɛɗúɛl Zɛ́mb ɗí ndíndiīl tí ɗiī də́ə́ yɛ́ ɔ̂. Ɓɛ̄ ɓú lilɛ́ɛ́ nāá: «Aamɛn! Álelúya!»

Apokalîs 19:4 Iomraidhean Croise

Matyôos 28:20

Ɓī lyākɛ̄l ɓɛ́ ɛ ɗúɛl sá yɛ̂ɛs mā lɛ̄ɛ̄ ɓeēn ê. Ɓī gū nāá, níka ndɔŋ mɛlú myɛ̂ɛs ī kɛ́ kum mɛ́sīl mɛ̄ sī.»

Matyôos 6:13

Wa a ɓyét nāá, zī ɗúma tí mɛphūɛ̂l, [Tii ɓēs tí mɛɓɔ́ mɛ̄ ɓyǒla Môt. Nɛ dɔ nāá, í wɔ ɗí nɛ də́ə́, nɛ khul, Nɛ kúm itɛ́m ɓyɛ̂ɛs. Aamɛn!]”»

1 Kolɛ̂ŋt 14:16

Ú wā dakla nɛ Zɛɛ̄mb tí ɛmyaŋla nɛ nɛ̄ ti ilüiī i ɗí ɓot ɓyɛ̂ɛs ɓā ā gwók é, ī ɓyélā nāá, í nɛ njóŋ náǎŋ twóó gós ték nâk, á á lɛ́ɛ́ «Aamɛn» náǎŋ nā, tí mindakla ú sā tí ɛmyaŋla nɛ Zɛɛ̄mb, ɓyela nāá, ā ā gwōk sá ú lɛ́ɛ́ ê?

Apokalîs 15:7

Yīl sá gwát tí ndɔŋ ísá īná ī ɗí tí ɛcyuk ɓík ɛ́, ī ɓúzī jüe ɓééŋgeles tɛ̄n nɛ ōɓá ōték ikɔ́p sāwā nɛ gól, lwōndlā nɛ ɛɓūk ɛ̄ mí Zɛɛ̄mb ɗí tí ɛcyuk kɔ̌m tí nɛ kɔ̄m ɔ̂.

Apokalîs 19:1

Phúla ték ɛ́, mi ɓúzī gwók jwōnd tí ɛlüii khúl twóó jwóó wɔ nāá, ī ɛtap ɛ mɛ́thum mɛ ɓôt. Jwōnd ték ī ɓúzī lɛ́ɛ́ nāá: «Álelúya! Í Zɛɛ̄mb káwūnā ɗí tí ɛkot, nyɛ ɗí nɛ kûm, nɛ də̂ə!

Apokalîs 19:3

Mɛthum mɛ ɓót mɛ̄ték mɛ̄ ɓúzī ɓākā lɛ́ɛ́ nāá: «Aamɛn! Álelúya! Ijúluk i mɛ́ɗyúk mɛ̄ khanda ték ɛ́, ɓī tí ɛɓéna ítɛ́m ɓyɛ̂ɛs!»

Apokalîs 19:6

Mi ɓúzī ɓākā gwók jwōnd ɗɛ mót ké ī mɛthum mɛ ɓót mā lilüii, Gú ɗɛ mɛ́sok, gú thɔ́k ɗakɛ mínjés mī ókhɛ́l ō jwôo. Jwōnd ték ī ɓú lilɛ́ɛ́ nāá: «Álelúya! Nɛ dɔ nāá, Ɗá Zɛɛ̄mb káwūnā ɗí nɛ mɛkhul myɛ̂ɛsa ɔ́kɛ́, ɛ́ ɛ́ tɛ́l də́ə́ yɛ̄!

Apokalîs 5:14

Isá īná ɓīnɛ́ɛ̌ŋ ɗí tí ɛcyuk ɓík ɓī ɓú jijɛɛ dêk: «Aamɛn!» Mindoōmb mī kūt mɛ́ɓɔ̄ŋ, ɓɛ̄ ɗūɛ̄l ɛ̂.