Apokalîs 18:2 - Myēnj phōn mí Zɛɛ̄mb

² Éŋgeles ték ɛ ɓúzī lüii khûl, nyɛ nāá: «Í í ɗuma, Ɓáɓilɔn khanda ánénén í í ɗuma! Ɛ́chāak, ī mú ŋgúma óɗia tí ɛsú ɛ̄ íɓyǒla ɓī ózɛɛ̄mb, ndɔ nɛ mimbi mɛ̄ íɓyǒla ɓɛ̄ ísisímb ɓyɛ̂ɛsa, nɛ mimbi mɛ̄ ínɔɔ̄n nɛ otīt ɗí lɔk, ɓót ɗí ta kpɛl ɓâk.

Apokalîs 18:2 Iomraidhean Croise

Apokalîs 1:15

Mɛkoō mɛ̄ mā pipɛn ɗakɛ dōō ɗí tí ɗú ê. Jwōnd yɛ̄ yā ɓɛ ɗakɛ ánénén ɛsok.

Apokalîs 10:3

Ɛ ɓúzī ɓó ɛ́kāŋgā ɗakɛ̌ ziɓɔnd múŋɛl ê. Tɛ́m ā ɓô ɛkāŋgā ɛ̄ ték ékɛ́, okhɛ́l ō jwóó tɛ̄n nɛ ōɓá ɓɛ dá ɓámɓām ê.

Apokalîs 11:8

Mimúŋ myɔ̄ɔ̄ myá á lís náǎŋ tí ɛsyaŋ ɛ̄ khanda ánénén ɗí ndɛ̌m khandǎ Sɔ́ɗɔm gú thɔ́k Egíptɛn, gúmɛ̄ Ndə́ə́ wɔ̄ɔ̄ ā ɓomlaa tí kolos ê.

Apokalîs 14:15

Nɔ̄l éŋgeles ɛ ɓúzī gbɔ́m twóó ánénén njāā Zɛ́mb, ɛ lɛ̄ɛ̄ nɛ mot ā ɓɛ tí ɓúk juūnd ɔ́ ɓɛ ɛ́kó nāá: «Nwɔŋ ɛ́ɓāk lɔ̂, u nyɛ́l ɛ́ɗüis íɗóó ī pyeēmb, tɛ́m ɛɗüis íɗóó í í kûl. Nɛ dɔ nāá, iɓwaās ɓí í lěl ɗakɛ íɗóó ī pyeēmb tí ɛsú lɛ̄ ɛ́ɗüisaa!»

Apokalîs 14:8

Éŋgeles mbá ɛ ɓú ɗiɗú nɔ̄l ɛsɔ́k nɛ ɛlilɛ́ɛ́ nāá: «Ɓáɓilɔn ánénén í í ɗuma, Ɓáɓilɔn ánénén í í ɗuma! I ɓɛ̄ í í ɗésɛl ókanda ɓyɛ̂ɛs mɛnɔk mɛ phwɔ́k osapák ɓɛ̄!»

Apokalîs 16:13

Phúla ték ɛ́, mi ɓúzī ɓɛɛ íɓyǒla ɓɛ̄ ísisímb īlɛ́l ɗakɛ ɓááɗwamb tí ɛgbɔ́m tí nǔp ndoōmb nwɔ̂ŋ, nɛ tí nup tīt ɔ́nɔ́ɔ̌ŋ, nɛ tí nǔp ɓyǒla mgbɛ́sel mitɔɔ̄p.

Apokalîs 16:19

Khanda ánénén ī ɓúzī ɓóaa mɛ́kɔɔ mɛlɛ̂l. Ikhanda ɓī ókanda ɓyɛ̂ɛs ɓī sɛ̂mb. Zɛ̌mb ɛ ɓúzī sîmsǎ Ɓáɓilɔn, khanda ánénén. Ɛ jüe yɛ́ kɔ́p mɛ́nɔk lwōndlā nɛ ɓyǒla ɛ́ɓūk lɛ́ nāá, ɛ ɗɛ̂.

Apokalîs 17:18

«Phúla ték ɛ́, mumá ú ɓɛɛ ɗyáŋ ɔ́kɛ́, í khanda ánénén ɗí nɛ də́ə́ tí mikūmāndē mī sī myɛ̂ɛs ɔ̂.»

Apokalîs 17:5

Ā ɓɛ nɛ ɗín tilā tí phɔ̌mb nyɛ̄ ɗí ɓot ɓā ā gū sá ɗín ɛ ték lā kam ɛlɛ́ɛ́ ê. Tilā ték nāá: «Ɓáɓilɔn, khanda ánénén, nǎŋg isapák nɛ ilwǒkla ɓɛ̄ ísá ī sɛ̄ɛ̄ tí iɓwaās ɓîk.»

Apokalîs 18:10

Ɓá á tyáá nɛ ɛcetā, tí ɓwɔ̄ŋ mitūŋ mī khanda ték wā ɓoma nɛ myɛ́ mîk, nɛ ɛlilɛ́ɛ́ nāá: «Í wɔ́ɔ́ mbi mítūŋ! Í wɔ́ɔ́ mbi mítūŋ nɛ Ɓáɓilɔn, Khanda ánénén ɗí nɛ də́ə́ ê, Í kū dā je ɛ́wolo ɛgwát tí nāá, Zɛ̌mb ɛ sínɛl nɛ nɔɔ̄.»

Apokalîs 18:21

Phúla ték ɛ́, nɔ̄l éŋgeles ɗí nɛ khul ɔ́kɛ́, ɛ ɓúzī nwɔŋ ánénén ɛkɔ̄k lɛ̄ áɗiiɗîl, Ɛ gús lɛ́ twóó mâŋ, nyɛ nāá: «Ɓáɓilɔn, khanda ánénên, í ɗék ɓɛ́ wá gus ɔ́ nɛ khul, Mot ta ɓākā ɓɛɛ ɔ́ ɗwóó ɛgwát ê.

Apokalîs 5:2

Mi ɓúzī ɓākā ɓɛɛ nɔ̄l éŋgeles nɛ khul tí ɛtyáá tūnd ɓɛ ɛ́kó nyɛ nāá: «Í zɛ̄ ɗí nɛ khul ɛpɛs óluk, ɛ gúnj mɛ́kanā mák ɔ̂?»