Apokalîs 13:12 - Myēnj phōn mí Zɛɛ̄mb

¹² Ā ɓɛ nɛ də́ə́ tīt ɛsɔ̂k, ɛ līlyākɛ̄l də́ə́ ték sɔ̂kphɔ̌mb nyɛ̄. Ɛ ɓú titínd ɓót ō sī nyúk nāá, ɓɛ̄ ɗúɛl tīt ɛsɔ́k ā ɓɛ nɛ pyōŋ, pyōŋ ték thɔ́ jüél ɔ̂.

Apokalîs 13:12 Iomraidhean Croise

2 Tesalonisyɛ̂ŋ 2:4

Ɓyǒla Mót ónɔ́ɔ̌ŋ ɛ́, á á lûmla nɛ sá yɛ̂ɛs ɗí ɛ́chāāchānj e, nɛ sá yɛ̂ɛs ɓót o ɓûkla ê. Á á lɛ́ɛ́ nāá, ɛ́ ɛ́ thaŋ ísá ɓīnɛ́ɛ̌ŋ ɓyɛ̂ɛs. Á á sá ɗyáŋ i kɛ́ kum nāá, ɛ nî twóó njāā Zɛ́mb, ɛ kɛ́ ɗi sī, nyɛ nāá, í nyɛ ɗí Zɛɛ̄mb.

Apokalîs 13:2

Tīt mā ɓɛɛ ɔ́kɛ́, ā ɓɛ ɗɛ khɔ̂y, mɛkoō mɛ̄ ɗɛ mɛ́koō mɛ̄ jwɔɔ̄, nup wɛ̄ ɗɛ wūl ziɓɔnd. Sá tīt ta timbɛl énɛ́ɛ̌ŋ ɛ ɓúzī jüe ɛ́ khul, nɛ ɗiī də́ə́ yɛ̄, nɛ ánénén də̂ə.

Apokalîs 13:8

Ɓot o sī ɓyɛ̂ɛs o ɗí nāá, ɗɛ Zɛ́mb ā kus sī, mín mɔ̄ɔ̄ má a ɓɛ̄ tilā tí mɛkanā mɛ̄ cyuk mɛ Mwâthɛmbɛ ā dóaa ɔ́kɛ́, ɓá á ɗúɛl tīt têk.

Apokalîs 14:11

Ijúluk i ɗú ɛ̄ gbā ɓɛ́ tí mitūŋ lík ɛ́, ɓyā ɓɛ tí ɛɓéna itɛ́m ɓyɛ̂ɛs ɓɛ ɛ́kó. Ɓot o ɓā ɗiɗúɛl tīt nɛ vekle yɛ̄ ɓák, nɛ ɓot o ɓā ɓɛ nɛ ɛjüeēs ɛ ɗín lɛ̄ ɓák ɛ́, ɓā ɓɛ tí ɛɓɛɛ mítūŋ tɛ́m yɛ̂ɛs mwēs nɛ pum.»

Apokalîs 14:9

Éŋgeles lɛ́l ɛ ɓú ɗiɗú ōɓá ɓɛ̄ ɛ́sɔ̂k, ɛ līlɛ̄ɛ̄ ɓɛ ɛ́kó ɗêk: «Mot ɗūɛ̄l tīt, ɛ ɗūɛ̄l vekle yɛ̄, ɛ ɓyé ɛ́jüeēs tí phɔ̌mb gú tí mbɔ́ ɔ́kɛ́,

Apokalîs 16:2

Éŋgeles ɛsɔ́k ɛ ɓúzī tɔ́, ɛ kɛ́ so yɛ̄ kɔ́p tí iɓwaās. Ɓīl íɓyǒla ī mɛ́pyōŋ tí ɓū kpay mɛ̄ ɓúzī sá ɓót o ɓā ɓɛ nɛ ɛjüeēs ɛ tīt, ɓɛ̄ ɗūɛ̄l thɔ́k vekle yɛ̄ ɓâk.

Apokalîs 17:8

Tīt ū ɓɛɛ ɗyáŋ ɔ́kɛ́, ɛ́ ɛ ɓɛ̂. Sá gwát ɛ́, a a ká ɓɛ̂. Á gbɔ̂m tí ɗǐmla tóŋ, tí ɛsú lɛ̄ ɛ́kɛ̄ ɗîmb. Ɓot o sī ɗí mín mɔ̄ɔ̄ má a ɓɛ̄ mítilā tí khuu mɛkanā mɛ̄ cyuk tát tɛ́m Zɛ́mb ā kus sī ɓák ɛ́, ɓá á sɛ̄mɛ tí ɛɓɛɛ tīt ɔ́nɔ́ɔ̌ŋ. Nɛ dɔ nāá, ɛ́ ɛ ɓɛ̂, a a ká ɓɛ. Sá gwát ɛ́, á á ɓākā zye.»

Apokalîs 19:20

Ɓɛ̄ ɓúzī mɛ́t tīt ɔ́nɔ́ɔ̌ŋ ti nɛ mgbɛ́sel mitɔɔ̄p míkɔ́ŋ ā sisá mɛsimbā sɔ̂kphɔ̌mb nyɛ̄, tí ɛsú lɛ̄ ɛ́kɛnd ɓót ō ɓā ɓɛ ɓɛ́ ɛ́ ɓye ɛ́jüeēs ɛ tīt ték, nɛ ɓɛ̄l ō ɓā ɓiɓûkla vekle yɛ̄ ték ɓák ɛ́, ɓɛ̄ ndīmbɛ̂l. Ɓɛ̄ ɓúzī nwɔŋ ɓyɛ̂ɛs ōɓá, ɓɛ̄ gús ɓɛ́ mikǔla twóó somb ɗú nɛ pit ɗí tí ɓū ɗísa ê.

Apokalîs 20:4

Mi ɓúzī ɓākā ɓɛɛ íɗiī īdə̂ə: Ɓot o ɓā ɓɛ mindíndiīl ték ɓák ɛ́, ɓɛ̄ ɓúzī jüeaa də́ə́ ɛ́dɔ́s ɓôt. Mi ɓúzī ɓākā ɓɛɛ thɔ́k ɓot o ɓā cyûklaa miló tɔɔ̄p ɓā ɗúɛl oceece o Yésus ā gbɛ̂s ɓâk, nɛ tɔɔ̄p ɓā ɗúɛl ɛkɛ́l ɛ̄ mí Zɛɛ̄mb ê. Ɓɔ̂ɔ ɓá a ɗúɛl tīt ɔ́nɔ́ɔ̌ŋ, gú thɔ́k vekle yɛ̄. Ɓá a ɓye ɛjüeēs lɛ̄ tí phɔɔ̄mb, gú thɔ́k tí mbɔ̂. Ɓɔ̂ɔ ɛ́, ɓā ɓɛ ɓɛ́ ɛ́ pas tí nāá, ɓá nɛ ɓɔɔ Kilís ɓá á də́ə́ táŋ mimbú mîl.