Apokalîs 12:1 - Myēnj phōn mí Zɛɛ̄mb

¹ Phúla ték ɛ́, njés sínɔŋ ī ɓúzī nyén tí jwôo: Ŋgúm múmá ɛ́ ɛ́ ɓwát ɓum ɗwóó ɗɛ mót ɓwāt kānd ê, álwǒmb sī mɛkoō mɛ̄, nɛ ɛkoo lɛ̄ ókūmāndē tí ló wɛ̄, nɛ ocwēēcwēn kām nɛ ōɓá ték.

Apokalîs 12:1 Iomraidhean Croise

Matyôos 12:38

Phúla Yésus ā síl ɛlüii ékɛ́, ɓīl íyêkle ɓɛ ílɔ́a nɛ Ofatizyɛ̂ŋ ɓɛ̄ ɓúzī jí ɛ́ nāá: «Yêkle, zī tí ɛkpɛl nāá, u sá ɓēs ŋgúma ɛ́simbā, zá á ɓɛɛ.»

Matyôos 24:30

Tí tɛ́m ték ɛ́, ndɛm wā lyákɛl nāá, ɛzye ɛ Mwán mí mot lī mú tí ɛkúnɔɔ ékɛ́, wá á nyén tí jwôo. Ikúl nɛ inɔŋ ɓyɛ̂ɛsa i ɗí tí sī nyík ɓík, ɓī nyɛ́l ɛ́cím nɛ ɛje mɛ́jüé tí ɛkámb ɛ́kúl lɛ̄. Ɓá á ɓɛɛ Mwán mí mot tí ɛzye tí ijūnd í jwóó nɛ thūnd də́ə́ nɛ kûm.

Máákus 13:25

Ocwēēcwēn ɓá á ɓîl, Idə́ə́ ī ɗí twóó ijwóó ɓík ɛ́, ɓī kûla.

Lókas 21:11

Iɓwaās ɓyá á thɛndja ɛ́ɓyóóɓyôo. Mɛza mɛ̄ sɛ̄ɛ̄ tí mīl mípák mī sī, nɛ ijum. Ɓot ɓá á ɓɛɛ íɓyǒla ɓɛ̄ ísínɔŋ tí jwóó ī sā ɓɛ́ ɓwɔ̄ŋ, ɓɛ̄ ɓɛ́ɛ́ thɔ́k isá īɗí ɓá a ɓá nyēē ɓiɓɛɛ ɓîk.

Lókas 21:25

«Tí ɓuūm ɗwóó nɛ álwǒmb nɛ īcwēēcwēn ɛ́, ɓot ɓá á ɓɛɛ ísá ī ɗí nāá, ɓá a ɓá nyēē ɓiɓɛɛ ɓík ê. Ɓot ɓɛ̄ íɓwaās ɓyɛ̂ɛs ɓá á ɓɛ nɛ milyém ɛ́caalɛ̄ tí ɓā, tí ɛgwók thínd nɛ kukuu mɛ́ɗyūū mɛ̄ mâŋ.

Zwâŋ 3:29

Mot ɗí nɛ mumá ɔ́kɛ́, í ndôm mumá. Sá gwát, sɔ̄ ndóm mumá nyɛ ɛ náǎŋ ndumɛ nɛ nɛ̄ tí ɛsú lɛ̄ ɛ́gwókɛl sá ɛ́lɛ́ɛ́ ê. Thɔ́k ɛ́, ɛ nɛ myaŋla tí ɛgwók jwōnd ndôm mumá. Ɛ́chāak ɛ́, myaŋla wám ték ú ú lwônd.

Misāwā 2:19

Má á gbɛ́s ɓɛ̌ jwóó isá ī ɗí mot a a ɓá nyēē ɓiɓɛɛ ɓîk, Mi sā ísá ī mɛ́simbā tí iɓwaās. Ɓyá á ɓɛɛ chía nɛ ɗû, nɛ mbɔŋ íjúluk.

Lomɛ̂ 13:14

Ɓaŋaká cyuk mí Ɗá Yésus Kilîs. Ta kā ɓākā ɓyét nāá, iɓyǒla i mínjeā myēn ɓī kɛ̂nd ɓěn ɓɛ ɛ́ɓyôo.

Lomɛ̂ 3:22

Zɛɛ̄mb ɛ́ nwɔŋ mót ɗakɛ̌ zwēs sɔ̂kphɔ̌mb nyɛ̄, tɛ́m mót ték ɓūklā Yésus Kilís ê. Ɛ́ sā yɛ́ tí ɛsú ɛ̄ ɓɛ̄l ɓyɛ̂ɛs o ɓūklā Kūmāndē Zɛ́mb ā kɛs ɔ́ ɓâk. Nɛ dɔ nāá, ā ā gbā mímbɔ̄k pāká ɓot.

2 Kolɛ̂ŋt 11:2

Mi tí ɛgúɛl ɓén ɗakɛ Zɛ́mb gūɛ̄l ɓén ê. Nɛ dɔ nāá, mí í zī jí ɓén mɔlā tí ɛsú lɛ̄ ɛ́ɓá ndóm ŋgwát, ndóm ték ɛ Kūmāndē Zɛ́mb ā kɛs ɔ̂. Tɛ́m wā kúl nāá, ɓī kɛ̂ ɓyela ɛ́ ékɛ́, má á tɔ́ nɛ nēn ɓɛ yɛ̄ ɗakɛ ɛ́syés ɛ̄ ɗí ɛ́chāāchānj ta ɓā gú ɓótóm lîk.

Galât 3:27

Ɓěn ɓyɛ̂ɛs o ɗí ɓí í ɗua tí ɗín ɛ̄ mí Kūmāndē Zɛ́mb ā kɛs ɔ́ ɓák ɛ́, ɓi mú ɗakɛ nyɛ̂.

Galât 4:26

Sá gwát Yotósalɛm ɗí ɓɛ̌ jwôo ékɛ́, yɔ̂ɔ yá a ɓɛ̄ tí okwōm, í Yotósalɛm ték ɗí naāŋg káwūnā ê.

Galât 6:14

Ɓɛ wám pák ɛ́, mí da lɛ́ɛ́ nól tí kolos Ɗá káwūnā Yésus Kilîs. Í ɛsüee lɛ̄ tí kolos lā sâ nāá, sī nyɛ̂ɛsa nyī ɓômlaa tí ɛsú lám ê, myam thɔ́k mi ɓómlāā tí ɛsú ɛ̄ sī.

Efezyɛ̂ŋ 5:32

Í nɛ ɓwɔ̌kla óceece o ɗí sɔlā tí pyaāt ɗí ma a lwɔ̂ɔ lüii ɗék ê. Myam mí lɛ̄ɛ̄ nāá, í lüǐ tɔɔ̄p mí Kūmāndē Zɛ́mb ā kɛs ɔ́ nɛ Gós-óɓúkɛl.

Apokalîs 1:20

Mɛtiān mɛ̄ ócwēēcwēn tɛ̄n nɛ ōɓá ú ɓɛɛ tí mbɔ́ ɛ́dóm wám ɓák, nɛ icela ɓī ólámba tɛ̄n nɛ īɓá mɛ́ ɗêk: Ocwēēcwēn tɛ̄n nɛ ōɓá, ɓɛ́ jwoklā ɓééŋgeles Ígós ɓɛ̄ óɓúkɛl tɛ̄n nɛ īɓá. Icela ɓī ólámba tɛ̄n nɛ īɓá, ɓyɔ̂ɔ ɓí jwoklā Ígós ɓɛ̄ óɓúkɛl tɛ̄n nɛ īɓá.»

Apokalîs 11:19

Ánénén njāā Zɛ́mb ɗí ɓɛ̌ jwóó ɔ́kɛ́, ū ɓúzī ɗii. Phɔtɔ yā khikhɛ́ɛ khuu mɛkanā mɛ̄ phōn ékɛ́, yā ɓɛ tí ɛnyén twóó njāā Zɛ́mb têk. Minjües mi phī mī nyɛ́l ɛ́sâ, ijwōnd ɓī dôs, okhɛ́l ō jwóó ɓɛ̄ ɓâm, iɓwaās ɓī thɛ́nja, mɛtánɔk mɛ̄ ɓǐl ɗɛ̌ njés phī.

Apokalîs 12:3

Phúla ték ɛ́, yīl sínɔŋ ī ɓúzī ɓākā nyēn tí jwôo: Sá tīt ɗyaāŋ ta timbɛl mɛtwamb ɗɛ ɗû. Ā ɓɛ nɛ miló tɛ̄n nɛ mīmbá, nɛ ithɔ́ŋ kām. Miló mīték myɛ̂ɛs myā ɓɛ nɛ mɛkoo mɛ̄ də̄ə̄.

Apokalîs 15:1

Phúla ték ɛ́, mi ɓúzī ɓākā ɓɛɛ yīl njés sínɔŋ tí ɓū pípɔ tí jwôo: Ɓeéŋgeles tɛ̄n nɛ ōɓá, nɛ mimbi mī mítūŋ tɛ̄n nɛ mīmbā. Í mitūŋ mī mɛ́sīl nɛ dɔ nāá, i mindɛm mī mɛ́sīl mɛ̄ ɛ́ɓūk ɛ̄ mí Zɛɛ̄mb.

Apokalîs 21:14

Ipaāp ī pɛ́nj khanda ték ɓyā ɓɛ sumā kwóó mɛkɔ̄k kām nɛ mɛ̄mbá. Tí mɛkɔ̄k kām nɛ mɛ̄mbá mɛ̄ték ɛ́, í i ɓɛ nɛ mín mɛ̄ mílwōmtwōm kām nɛ mīmbá mí Mwâtɛmbɛ.

Apokalîs 21:23

Khanda ték yá a ɓɛ nɛ khós ɛɓyakɔɔ ɛ̄ jüēs gú thɔ́k līl lɛ̄ álwoōmb. Nɛ dɔ nāá, kúm mí Zɛɛ̄mb nyī tí ɛjüe ɛ́ɓyakɔɔ, Mwâthɛmbɛ ɛ ɓú ɓɛ lámba khanda têk.