Apokalîs 1:7 - Myēnj phōn mí Zɛɛ̄mb

⁷ Jüākkâ, ɛ tí ɛzye kúkūū ijuūnd! Ɓot ɓyɛ̂ɛs ɓá á ɓɛɛ ɛ̄, ísu ɓot o ɓā tūū ɛ tí iphanj ɓâk. Ikūl ɓɛ̄ íɓwaās ɓyɛ̂ɛs ɓyá á je ɛ́ɓuuɓu tí ɛsú lɛ̂. Ɛ̂ɛŋ, yá á sɛ̄ɛ̄ ɗyáŋ! Aamɛn.

Apokalîs 1:7 Iomraidhean Croise

Matyôos 16:27

Nɛ dɔ nāá, Mwán mí mot á á zye ɓá nɛ ɓeéŋgeles twóó kúm Sāŋg tí ɛsú lɛ̄ ɛ́jüe mót myána mɛ dálā nɛ isīsɛ̄ɛ̄ ɓyɛ̄ ê.»

Matyôos 16:28

Yésus ɛ ɓúzī ɓākā lɛ́ɛ́ nɛ nɔ̄ɔ̄ nāá: «Mí lɛ̄ɛ̄ ɓén twóó oceece nāá, ɓɛ̄l ɓót tí ndɔŋ ɓót ō ɗí wák ɛ́chāak ɓák, ɓá ǎ jüe ɓɔ̂ɔ ta ɓɛɛ ɛ́zye ɛ Mwán mí mot tí tɛ̄lā Ndə̂ə.»

Matyôos 24:30

Tí tɛ́m ték ɛ́, ndɛm wā lyákɛl nāá, ɛzye ɛ Mwán mí mot lī mú tí ɛkúnɔɔ ékɛ́, wá á nyén tí jwôo. Ikúl nɛ inɔŋ ɓyɛ̂ɛsa i ɗí tí sī nyík ɓík, ɓī nyɛ́l ɛ́cím nɛ ɛje mɛ́jüé tí ɛkámb ɛ́kúl lɛ̄. Ɓá á ɓɛɛ Mwán mí mot tí ɛzye tí ijūnd í jwóó nɛ thūnd də́ə́ nɛ kûm.

Matyôos 25:31

«Tɛ́m Mwán mí mot wā zye twóó kúm nyɛ ɓá nɛ ɓeéŋgeles ɓyɛ̂ɛsa ékɛ́, á á ɗi sī kwóó ɗǐ də́ə́ kúm nyɛ̄.

Matyôos 26:64

Yésus ɛ ɓúzī ɓɛ́s nɛ nɛ̄ nāá: «Ī ɗɛ ú lɛ̄ɛ̄ ɗyáŋ ê. Sá gwát mí lɛ̄ɛ̄ ɓén nāá: Tí ɛnyɛl ɛ́chāak ɛ́, ɓyá á kā ɓɛɛ Mwán mí mot ndíndiīl ɓɛ mbɔ́ ɛ́dóm mí Zɛɛ̄mb ɗí nɛ khul ɔ́, tí ɛzye tí ijūnd ī jwôo.»

Máákus 13:26

Í náǎŋ ɓɛ́ wā ɓɛɛ Mwán mí mot tí ɛzye tí ijund i jwóó nɛ thūnd də́ə́ nɛ kúm ê.

Máákus 14:62

Yésus nɛ nɛ̄ nāá: «Ɛ̂ɛŋ í kū myâm. Thɔ́k ɛ́, ɓěn ɓyɛ̂ɛs ɓyá á ɓɛɛ Mwán mí mot ndíndiīl ɓɛ mbɔ́ ɛ́dóm mí Zɛɛ̄mb ɗí nɛ khul ɔ́ tí ɛzye tí ijūnd í jwôo.»

Lókas 21:27

Í náǎŋ ɓɛ́ wā ɓɛɛ Mwán mí mot tí ɛzye tí ijuūnd ī jwóó nɛ thūnd də́ə́ nɛ kúm ê.

Zwâŋ 19:34

Sá gwát yīl sóda gwát ī dá nwɔŋ ɛ́kwɔɔ̄ŋ, ī tūū Yésus nɛ lá tí iphanj. Títɛɛ̄l ŋgwát ɛ́, chía nyī ɓúzī gbɔ́m tí nɛ mɛɗyūū.

Zwâŋ 19:37

Thɔ́k mīl mítilā mí ɓākā lɛ́ɛ́ ɗêk: «Ɓá á ɓɛɛ nɔ̄l ɓā lúm ɛ nɛ ɛkwɔŋ ɔ̂.»

1 Tesalonisyɛ̂ŋ 1:10

Í ɗyaāŋ ték ɓī ɗí tí ɛɓwónd nāá, Yésus Mwán wɛ̄, nɔ̄l Zɛ́mb ā gbɛl ɛ pāká mimúŋ ɔ́kɛ́, ɛ zyê tí ɛɗüǐs ɓɛ̌ jwôo. Í nyɛ ɗí tí ɛpém káɓiná tí ɛɓūk ɛ̄ mí Zɛɛ̄mb ɗí lí í kúnɔɔ lîk.

1 Tesalonisyɛ̂ŋ 4:17

Phúla ték ɛ́, nyɔ̂ɔ ká ɓot o wā ɓɛ tí ɛcyuk tí tɛ́m ték ɓák ɛ́, ná nɛ nɔ̄ɔ̄ nī ɓú kā tɔ́ ká ɓɛ ɛ́kó ndɔŋ tí ɛkɛ́ ɓoma nɛ Ɗá Yésus tí ɛjôo. Í ɗyaāŋ ték ná nɛ ɓɔɔ Ɗá wā ɓɛká ndɔŋ itɛ́m ɓyɛ̂ɛs ê.

Eɓelê 10:29

á yá á ká mɛ̄ɛ̄ ɓɛ ná, tí ɛsú ɛ nɔ̄l ɓyásī Mwán mí Zɛɛ̄mb, ɛ ɓɛ́ɛ́ nāá, chía phōn nyā chánjɛl ɛ nyík nyá a ɓɛ̄ nɛ nɔm, ɛ ɓáká ɓyasǐ Sisímb sā nāá nī gú kā ɛ́nwɔŋ ɛ lyém mí Zɛɛ̄mb ɔ̂?

Eɓelê 6:6

ɓɔ̂ɔ thɔ́k ɓākā ɓúla tí cyuk ɛ́sɔ́k yɔ̄ɔ̄, nāá, mot ɛɓáka kɛnd ɓɛ́ ɓɛ ɛcénj ɛ̄ cyuk. Tí oceece, ɓɛ̄ náǎŋ ɓɛ́ ɓākā ɓomɛl Mwán mí Zɛ̌mb ɛɓomɛl ɛsüîs, ɓɛ̄ jüe ɓót zye nāá, ɓɛ̄ kpɛ̂klɛ ɛ.

1 Zwâŋ 3:2

Osɔ̄ ō kpɛɛ̄l ɓâm, nī mú ka ɛ́chāak ɓwán ō mí Zɛɛ̄mb. Sá gwát, sá nī wā ɓɛ ká ɛ́myān ékɛ́, yá a ɓá nyên. Ɓyela yɔ̂ɔ nāá, sá ní ɗí tí gú ká ékɛ́ í nāá, tɛ́m Kūmāndē Zɛ́mb ā kɛs ɔ́ wā zye ékɛ́, ná á nɔŋla ká nɛ nɛ̄. Nɛ dɔ nāá, ná á ɓɛɛ ká nyɛ tí tɛ̄lā wɛ̄.

Yûuɗ 1:14

Í Énɔk, mot ɗí tí myā ɓót tɛ̄n nɛ mbá tí chīlā mí Áɗam ɔ́kɛ́ ā lwaa lüii tɔɔ̄p wɔ̄ɔ̄ ɗakɛ mgbɛ́sel mitɔɔ̄p mí Zɛɛ̄mb, tɛ́m ā lɛ́ɛ nāá: «Ɓɛɛká Ɗá tí ɛzye nɛ Ɓaáchāāchānj ō ɓééŋgeles ɓɛ̄ omíl mɛkām mɛ́kām,

Apokalîs 22:20

Mot ɗí tí ɛlɛ́ɛ́ nāá, isá ɓīnɛ́ɛ̌ŋ ɓí oceece ɔ́kɛ́, ɛ́ lɛ́ɛ́ nāá: «Ɛ̂ɛŋ, mi tí ɛzye ɛ́kúnɔɔ kúnɔɔ!» Aamɛn! Thâ, Ɗá Yésus!

Apokalîs 22:4

Ɓá á ɓɛɛ phɔ́mb nyɛ̄, ɗín lɛ̄ lá á ɓɛ̌ tilā tí mɛphɔɔ̄mb mɔ̄ɔ̄.