2 Pyɛ̂ɛ 3:4 - Myēnj phōn mí Zɛɛ̄mb

⁴ nɛ ɛjijí nāá: «Yésus ā ɓɛ ɛ́ ɛ lwāā kɛs nāá, á á zye? Á ɛ mú wɛ̄? Oɗá ɓēs ɓɛ́ ɛ́ lwāā jüe, tí ɛnyɛ̌l ɗɛ Zɛ́mb ā kus sī ékɛ́, isínɔŋ ɓyá a cēnj!»

2 Pyɛ̂ɛ 3:4 Iomraidhean Croise

Matyôos 16:27

Nɛ dɔ nāá, Mwán mí mot á á zye ɓá nɛ ɓeéŋgeles twóó kúm Sāŋg tí ɛsú lɛ̄ ɛ́jüe mót myána mɛ dálā nɛ isīsɛ̄ɛ̄ ɓyɛ̄ ê.»

Matyôos 16:28

Yésus ɛ ɓúzī ɓākā lɛ́ɛ́ nɛ nɔ̄ɔ̄ nāá: «Mí lɛ̄ɛ̄ ɓén twóó oceece nāá, ɓɛ̄l ɓót tí ndɔŋ ɓót ō ɗí wák ɛ́chāak ɓák, ɓá ǎ jüe ɓɔ̂ɔ ta ɓɛɛ ɛ́zye ɛ Mwán mí mot tí tɛ̄lā Ndə̂ə.»

Matyôos 24:28

Pyaāt múŋ tīt ɗí twóó ɗyūk ékɛ́, náǎŋ ínɔɔ̄n i ɗɛ̄ mímúŋ ɓák gwêsla ê.»

Matyôos 24:48

Sá gwát, sɛ́l ték ɛ́ wā ɓɛ ɓyǒla sɛ́l nâk, á á lɛ́ɛ́ twóó lyém wɛ̄ nāá: “Ndə̂ə waām ɛ́ ɛ́ ɓwɛɛ ta ɓúla.”

Máákus 10:6

Sá gwát tí mɛnyɛɛ̄l mɛ̄ ɛ́kus ísínɔŋ ɛ́, Zɛɛ̄mb ā sá ɓɛ “mumá nɛ motôm.”

Máákus 13:19

Tí oceece tí mɛlú mɛ̄ték ɛ́, ɓot ɓá á ɓū ɓɛɛ mítūŋ mī tháŋ mīl myɛ̂ɛs ɓót ɗí ɓɛ́ ɛ́ ɓɛɛ́, tí ɛnyɛl tí tɛ́m Zɛ́mb ā kus sī é, ī zí kum ɛ́chāak ê. Thɔ́k ɛ́, yá ǎ kā ɓākā ɓɛ nɛ mbi ték ɗwóó ɛgwát.

Lókas 12:45

Sá gwát, sɛ́l ték ɛ́ wā lɛ́ɛ́ nāá: “Ndə̂ə wǎm a á lī ɓúla ɛ́chāak”, ɛ nyɛ́l ɛ́ɗuma ósɛ́l o ndə́ə́ wɛ̄ tí mɛnôl, ɛ lōsā íɗóó nɛ mɛnɔk, ɛ tɔ́mbɔ nâk,

Misāwā 7:60

Phúla ték ɛ́, ɛ ɓúzī kút mɛ́ɓɔ̄ŋ ɛ cīm nāá: «Ɗá Yésus, wa a ɗú ɛ́ɓyóó ɛ̄ ɓɛ́ sā mɛ́ ɗék lîk!» Phúla ā lɛ́ɛ ɗyaāŋ ékɛ́, ɛ ɓúzī jüe.

1 Tesalonisyɛ̂ŋ 2:19

Í ɓyɔ̂ɔ dá ɗi mɛ́jendɛɛ̄l mēs, nɛ mimyaŋla myēs, nɛ ndɛm ɛ́ga lēs wā jüe ɓés mimyaŋla tí milyém sɔ̂kphɔɔ̄mb Ɗá káwūnā Yésus tɛ́m ɛ́ wā ɓākā zye ê.

2 Pyɛ̂ɛ 3:12

Ɓwōndká mwēs mí Zɛɛ̄mb, ɓī gbā mɛ́nól tí nāá, mwēs ték ú kpás ɛzye. Mwēs ték ɛ́, jwóó yá á dǎ ndol, isá ī ɗí tí jwóó ɓík ɓī jín tí mɛɗīsā mɛ̄ dû.

Apokalîs 3:14

«Til éŋgeles Gós-óɓúkɛl ɗí ɓɛ̌ khandǎ Laoɗisé ɔ̂. Mot ɗín lɛ̄ ɗí Aamɛn ɔ̂, nɔ̄l gū ɛ́gwók nɛ ɛɓɛɛ ísínɔŋ ɓyɛ̂ɛs ɔ, ɓɛ́ dálā ɛ́ɓûkla lɔ́ŋ wɛ̄ nɛ dɔ nāá, ɛ mot oceece ɔ̂, nɔ̄l ā ɓɛ̄ mɛtē mɛ̄ ísínɔŋ ɓyɛ̂ɛs Zɛ́mb ā kus ɓík ɛ́, ɛ́ lɛ̄ɛ̄ ɗêk: