2 Pyɛ̂ɛ 3:3 - Myēnj phōn mí Zɛɛ̄mb

³ Sá ɓí dálā ɛ́ nyēē gú ékɛ́ í nāá, tí mɛlú mɛ̄ mɛ́sīl ɛ́, ɓot o wā cyuk tí minjeā mī ípúnd myɔ̄ɔ̄ ɓák ɛ́, ɓá á sula tí ɛzī kpɛ̂klɛ ɓén,

2 Pyɛ̂ɛ 3:3 Iomraidhean Croise

Zwâŋ 12:48

Mot ɛ́ lūm kɔŋ nɛ naām, ɛ ɓyén ɛ́gwók mɛ́kɛ́l mám nâk, tɔɔ̄p wɛ̄ ú ú cyês. Nɛ dɔ nāá, mɛkɛ́l mám mɛ̄ték wā dɔ́s ɛ́ tí ɛlú ɛ̄ mɛ́sīl.

2 Kolɛ̂ŋt 4:2

Zī tí ɛɓyěn sāwā ísínɔŋ ɓót ō sā ɓyɛ́ tí sɔɔ̄ ī jüē sɔ́n ɓîk. Zyɔ̂ɔ zí kɛ̄ twóó oceece, thɔ́k ɛ́, zā ā lɛ̄nj ɛ́kɛ́l ɛ̄ mí Zɛɛ̄mb. Sá gwát ɛ́, zyɔ̂ɔ zí lyākɛ̄l óceece ɛ́kpɛŋlɛm. Ɗyaāŋ ték ɛ́, zí sā nāá, sɔ̂kphɔɔ̄mb mí Zɛɛ̄mb ɓot ɓɛ̄ gû nāá, sá zí lɛ́ɛ́ ékɛ́, í oceece.

2 Timotê 3:1

Gū nāá, tí itɛ́m ī mɛ́sīl ɛ́, itɛ́m ɓyá á ɓɛ ɛ́ɗíaɗía.

Eɓelê 1:2

sá gwát ɛ́chāak tí itɛ́m ī mɛ́sīl ɓík ɛ́, ɛ thaŋ tí nup Mwán wɛ̄ tí ɛlüii nɛ kányīnā. Í tí kɔŋ Mwán wɛ̄ ték Zɛ́mb ā kus jwóó nɛ iɓwaās ê. Ī thɔ́k nyɛ Zɛ́mb ā tɛ́l tí nāá, á á ɗi Ndə́ə́ tí isá ɓyɛ̂ɛs ɔ̂.

2 Pyɛ̂ɛ 1:20

Nyēē gúká nāá, mot a a ɓɛ̄ nɛ khul ɛtimbɛl mɛ́kɛ́l mɛ̄ ógbɛ́sel o mítɔɔ̄p o mí Zɛɛ̄mb ɓā til mák nɛ ɛcélɔɔ lɛ̄ nyɛ mot têk.

2 Pyɛ̂ɛ 2:10

Á á ɓū thaŋ ɛ́pɔ́nɛs ɓɛ̄l ō dá ɗú ílwɔ̌kla ī mínjeā mī ípúnd, ɓɛ̄ ɓyásī də́ə́ mí Zɛɛ̄mb ɓâk. Iɓyǒla ɓɛ̄ íyêkle iték ɓɛ́ nɛ ɛɓén ɛ̄ nôl, thɔ́k ɛ́, ɓā ā kāmb ɛ́lə́ə́ ɓɛ̄l ō ɗí nɛ kúm ɓɛ̌ jwóó ɓâk.

1 Zwâŋ 2:18

Ɓwán ɓâm, ī mú tí itɛ́m ī mɛ́sīl. Ɓyā ɓɛ ɓí í gwók nāá, zīzyǔŋ Kūmāndē Zɛ́mb ā kɛs ɔ́kɛ́, á á zye. Tí ɛká ɓɛɛ nák ɛ́, ɛ́chāak ɛ́, thūnd mízīzyǔŋ Kūmāndē Zɛ́mb ā kɛs ɔ́kɛ́, mí í túula. Í náǎŋ ní gū ká nāá, nī mú ka tí itɛ́m ī mɛ́sīl ê.

Yûuɗ 1:16

Ɓot oték ɓɛ́ tɛ́m yɛ̂ɛs tí mɛɓūk, ɓā ā myáŋlā tɛ̄lā wɔ̄ɔ̄. Ɓɛ́ sā sá ɓɔ̂ɔ ɓot oték kpɛ́l ê. Ilüii ɓyɔ̄ɔ̄ ɓí lwōndlā nɛ ɛɓén ɛ nôl. Ɓɛ́ kwɔ̄ŋ ɓót nɛ mɛkɛ́l tí nāá, ɓá á nyúl ɓɛ̂.

Yûuɗ 1:18

Ɓā lɛ́ɛ ɓēn nāá: «Tí itɛ́m ī mɛ́sīl ɛ́, yá á ɓɛ nɛ ɓot o wā kpɛ̂klɛ ɓén, ɓá á lúm kɔŋ nɛ Zɛɛ̄mb, ɓɛ̄ dá cicyuk tí ɛɗǘa nɛ iɓyǒla i mínjeā myɔ̄ɔ̄.»