2 Pyɛ̂ɛ 3:2 - Myēnj phōn mí Zɛɛ̄mb

² Sīmsāká mɛkɛ́l mɛ̄ ɓááchāāchānj ógbɛ́sel o mítɔɔ̄p o mí Zɛɛ̄mb ɓā lwaa lɛ́ɛ kaɓiná mâk, nɛ ɛtyuūŋ ɛ mí Ɗá ɗí thɔ́k Cisa ɔ̂. Ɛtyuūŋ ɛ ték ɛ́, milwōmtwōm mī Zɛ́mb ā thes ɓěn myá mík doŋga ɓén lâ.

2 Pyɛ̂ɛ 3:2 Iomraidhean Croise

Lókas 1:70

Ā ɓɛ ɛ́ ɛ lwaa lɛ́ɛ isá īték tí minup mi ɓǎchāāchānj ógbɛ̄sel o mítɔɔ̄p myɛ̄.

Lókas 24:27

Yésus ɛ ɓúkā nyɛl ɛ́timbɛl ɓɛ́ ɗɛ Mɛ́kanā mɛ̄ Zɛ́mb myɛ̂ɛsa ɗí tí ɛlüǐ tɔɔ̄p wɛ̄ ê. Ɛ nyɛ́l tí mɛkanā mí Moís, ī ɗúm mɛ̄l ógbɛ́sel o mítɔɔ̄p mí Zɛɛ̄mb ɓyɛ̂ɛs.

Lókas 24:44

Phúla ték ɛ́, ɛ ɓúzī lɛ́ɛ́ nɛ nɔ̄ɔ̄ nāá: «Tɛ́m nā ɓɛ ka ndɔŋ ékɛ́, mā ɓɛ mí i lɛ́ɛ ɓeēn nāá: “Isá ī ɗí mitilā tí mɛtyuūŋ mí Moís, nɛ mɛkanā mɛ̄ Ógbɛ́sel o mítɔɔ̄p o mí Zɛɛ̄mb, nɛ Mɛkanā mɛ̄ Mɛ́jémb ɗúm nɛ naām ékɛ́, ɓí dalǎ nɛ ɛsɛ́ɛ.”»

Misāwā 10:43

Ogbɛ́sel o mítɔɔ̄p o mí Zɛɛ̄mb ɓyɛ̂ɛs ɓɛ́ ɛ́ lüǐ tɔɔ̄p wɛ̄. Nāá, mot nyɛ̂ɛs wā ɓûkla Yésus ték ɔ́kɛ́, Zɛɛ̄mb á á ju mísɛ̄m mī mót ték tí ɗín ɛ́ mí Yésus.»

Misāwā 28:23

Phúla ték ɛ́, ɓâ ɓɔɔ Pɔ́l ɓɛ̄ ɓúzī ɗi cyūŋ, ɓɛ̄ tɛ̄l mwēs wā ɓɛ nāá, ɓá á ɓākā ɓoma ê. Ɗɛ̌ mwēs ték wā ɓɛ ú ú kúl ékɛ́, ɓɛ̄ ɓúzī kɛ̄ téla, ɓɛ̄ zí ɓyela Pɔ́l pyaāt ā ɓa ɗi ɗi ê. Tí ɛnyɛl tí mɛlyám, ī kɛ́ kum ɓíkokō, Pɔ́l ā ɓɛ nje tí ɛjüe ɓɛ́ mɛtimbɛɛ̄l nɛ ɛtyáá tūnd isá ī ɗúm nɛ Də́ə́ mí Zɛɛ̄mb ê. Ɛ ɓú ɓākā lilɛ́ɛ́ ɓɛ́ tɔɔ̄p mí Yésus. Í yɛ́ ā ɓɛla nɛ lɔ́a mí Moís, nɛ mɛkanā mɛ̄ ógbɛ́sel o mítɔɔ̄p mí Zɛɛ̄mb ɓā til é, tí nāá, ɓɛ̄ kâm tɔɔ̄p mí Yésus têk.

Misāwā 3:18

Sá gwát ɛ́, Zɛɛ̄mb ā ɓyêt sá ték nāá, ī sɛ̄ɛ̄ ɗyaāŋ tí ɛlwóndɛl sá ā lwaa lɛ́ɛ ī gbɔ̄m tí minup mi ógbɛ́sel o mítɔɔ̄p ɓɛ̄ ɓyɛ̂ɛs nāá, Kūmāndē ā kɛs ɓɛ̌n nyaā ɔ́kɛ́, á á ɓɛɛ mítūŋ.

Misāwā 3:21

Ɛ́chāak ɛ́, Yésus kilís ɛ́ dalǎ nɛ ɛɗǐ ɓɛ̌ jwôo, kum tí tɛ́m ísínɔŋ ɓyɛ̂ɛs wā ɓɛ̌ kwomblā é, ɗakɛ Zɛ́mb ā lwaa lɛ́ɛ ī gbɔ̄m tí minup mi ɓááchāāchānj ɓɛ̄ ógbɛ́sel o mítɔɔ̄p ā thes ɓâk.

Galât 6:2

Vɔ̄llāká tí ɛkhɛ̂la mímbepok. Ɓí wā sá ɗyáŋ nák ɛ́, ɓī tí ɛɗúɛl lɔ́a mí Kilîs.

Efezyɛ̂ŋ 2:20

Ɓī mú ɗakɛ pɔtɔ pɔ̄tɔ̄ ɓɛ́ ɓīm njāā nɛ yɛ́ ê, mɛkoōnd mɛ̄ njāā ték ɛ́, í milwōmtwōm nɛ ogbɛ́sel o mítɔɔ̄p mí Zɛɛ̄mb. Yésus Kilís nyɛ mot ték ɗí ɛkond ɛ sāŋg.

Efezyɛ̂ŋ 3:5

Tí tɛ́m ɛsɔ́k ɛ́, Zɛ̌mb a a nyee lɛ́ɛ ɓot sá sɔlā têk. Sá gwát ɛ́chāak ɛ́, Zɛɛ̄mb ɛ́ ɛ́ lyákɛl ɓááchāāchānj ō mílwōmtwōm myɛ̄ nɛ ogbɛ́sel o mítɔɔ̄p ɓɛ̄ yá tí Sisímb yɛ̄.

1 Tímotê 6:14

Ɓakɛl ɛ́tyuūŋ ɛ wá ɓye lík tí ɛɗi ta ɓɛ nɛ ɛtɔ̄n, gú thɔ́k yīl sá ɛ́ɓyóó ī kɛ́ kǔm mwēs Ɗá káwūnā Yésus Kilís wā tûla ê.

2 Pyɛ̂ɛ 2:21

I ɓɛ̄ tí nwɔŋ tí mɛsú mɔ̄ɔ̄ nāá, ɓɛ̄ ɗí ta gú zyé oceece, ī tháŋ nāá, ɓɛ̄ gû zye ték ɛ́, ɓɛ̄ ɓákā lúm kɔŋ nɛ áchāāchǎnj ɛtyuūŋ ɓā lyâklaa lîk.

2 Pyɛ̂ɛ 3:15

Gūká nāá, ɓīsɔ̄ɔ̄ mí Ɗá káwūnā lí tí ɛjüe ɓén zyē nāá, ɓī pɔ́m ê. Í ɗyaāŋ mwânaāŋg kpɛɛ̄l káwūnā Pɔ́l ā lɛ́ɛ ɓēn tí mɛkanā ā til ɓēn mák nɛ pek Zɛ́mb ā jüe ɛ yá ê.

2 Pyɛ̂ɛ 3:16

Ɛ́ til ɗyáŋ tí mɛkanā mɛ̄ myɛ̂ɛs tí tɛ́m ɛ́ mú tí ɛlüií tɔɔ̄p ték ê. Twóó mɛkanā mɛ̄ték ɛ́, í nɛ ipyaāt i ɗí tí ɗía tí ɛgwôk. Miŋgwoŋg mi ɓót ɓā ɓɛ ta jés ɓák ɛ́, ɓɛ́ tí ɛlɛ́nj ípyaāt ī mɛkanā ī têk, ɗakɛ ɓɛ́ ɗí tí ɛtɔ́ nɛ ɛsá tí ɓīl ípyaāt ī mɛ́kanā mɛ̄ Zɛ́mb ê. Tɛ́m ɓɛ́ ɗí tí ɛsá ɗyáŋ ékɛ́, ɓɛ̄ tí ɛsáŋ ndīmbɛ́l nyɔ̄ɔ̄ ɓɔ̂ɔ ɓot otêk.

1 Zwâŋ 4:6

Sá gwát nyɔ̂ɔ ká, ní ka ɓot o mí Zɛɛ̄mb. Mot gū Zɛ́mb ɔ́kɛ́, gwōk káɓiná. Mot ɗí ta ɓɛ mót mí Zɛɛ̄mb ɔ́kɛ́, ā ā gwōk káɓiná. Í ɗyaāŋ ték ní ɗí nɛ khul ɛgú ká mot ɗí nɛ Sisímb óceece, gú thɔ́k mot ɗí nɛ sisímb ócāl ɔ̂.

Yûuɗ 1:17

Sá gwát, ɓyɔ̂ɔ osɔ̄ ɓám mí ɗí tí kpɛl ɓâk, sīmsāká mɛkɛ́l mɛ̄ mílwōmtwōm mí Ɗá káwūnā Yésus Kilís ɓā lwaa lɛ́ɛ ɓēn mâk.

Apokalîs 19:10

Mi ɓú kɛ̄ ɗuma ɛ́ tí mɛkoō tí ɛɗúɛl ɛ̂. Sá gwát, ɛ ɓúzī lɛ́ɛ́ nɛ naām nāá: «Wa a sâ! Myam mi thɔ́k sɛ́l ɗakɛ wɔ̂, nɛ ɗakɛ ɓwán ɓɛ̄ ónɔ̄ŋg ɓā ɓɛ ɓɛ́ ɛ́ ɗúɛl óceece o Yésus ā lyákɛl ɓâk. Í Zɛ̌mb ū dálā ɗúɛl ɔ̂!» Oceece o Yésus ā gbɛ̂s ɓák ɛ́, ī ɓɛ́ ō ɗí sisímb ɗí twóó ogbɛ́sel o mítɔɔ̄p o mí Zɛɛ̄mb ɓâk.