2 Pyɛ̂ɛ 2:6 - Myēnj phōn mí Zɛɛ̄mb

⁶ Zɛɛ̄mb ɛ́ ɛ pɔ́nɛs ɓot ɓɛ̄ íkhanda ī Sɔ́ɗɔm nɛ Gɔmɔ̂ɔ tí ɛɗís ɓɛ́ nɛ ɗû, ī dākā lís mɛ́süií nɛ mɛsüiī. Yā ɓɛ tí ɛsú lɛ̄ ɛ́lyákɛ̌l ndɛm sá wā kúl ɓót ō mísɛ̄m ê.

2 Pyɛ̂ɛ 2:6 Iomraidhean Croise

Matyôos 10:15

Í ɗyaāŋ ték mɛ́ lɛ̄ɛ̄ ɓēn twóó oceece nāá, mwēs Zɛ́mb wā cyúkɛl mítɔɔ̄p pāká ɓá nɛ ɓot ékɛ́, pɔ̄nɛ́s ɓót ō khanda ték yá á thaŋ yīl ɓót ō Sɔ́ɗɔm nɛ Gɔmɔ̂ɔ.»

Matyôos 11:23

Í kā ɓɛ ɓyɔ̂ɔ ɓot ō khandǎ Kapɛtnaúm nâk, ɓí sīmsā nāá, Zɛɛ̄mb á á ɓén ɓén ɓī kɛ́ kǔm ɓɛ̌ jwóó ɛ? Kât, á á kū dā sul ɓén sul é ɓɛ̌ pyaāt mímûŋ. Nɛ dɔ nāá, mɛsimbā mā sɛ́ɛ ɓɛ yēn mák ɛ́, mɛ sɛ̄ɛ̄ ɓɛ̌ Sɔ́ɗɔm nâk, phú khanda ték ī jína yes kǔm mwēs ó mûs.

Lomɛ̂ 9:29

Izaí ŋgwát nɛ ŋgwát ték ā lɛ́ɛ tɛ́m ɛsɔ́k nāá: «Í ɓɛ̄ nāá, Zɛ̌mb mɛkhul myɛ̂ɛsa a a ɓus ɛɓīm ɛ́ ɓwán káɓīnā nâk, Phú ní í zye ká ɗakɛ íkhanda ī Sɔ́ɗɔm, nɛ Gɔmɔ̂ɔ.»

1 Kolɛ̂ŋt 10:11

Isá ɓīnɛ́ɛ̌ŋ ɓyɛ̂ɛs ɓyā kûl oɗá káɓīnā ɓík ɛ́, ɓyā ɓɛ tí nāá, ɓot ɓɛ̄ ɗí nɛ ɗyênd. Í yɛ́ ɓā til ɓyɛ́ tí nāá, ná á célɔɔ ka, nyɔ̂ɔ ká ɓot o ɗí nī mú ka ɓɛ ítɛ́m ī mɛ́sīl ɓâk.

Eɓelê 4:11

Pha, nī gbáka mɛkhul tí nāá, ná á ní ká tí ɛgbalā ɛ̄ têk. Nī sā ká ɗɛ wā ɓɛ nāá, mot ŋgwát nɛ ŋgwát tí ndɔŋ káwūnā a a ɗuma tí ɛɓyen ɛ́ɗúɛl Zɛ́mb ɗakɛ ósǎŋg-phāmb káɓīnā ê.

Yûuɗ 1:15

tí ɛzī cyúkɛl mítɔɔ̄p mi mót nyɛ̂ɛs, ɛ pɔ́nɛ̄s ɓót ō mísɛ̄m ɓyɛ̂ɛs tí iɓyǒla ɓɛ̄ ísīsɛ̄ɛ̄ ɓyɛ̂ɛs ɓā sâ zinjá nyɛ̄, nɛ tí mɛkɛ́l mɛ̄ íɓyasi myɛ̂ɛs ɓót ɓīnɛ́ɛ̌ŋ ɗí ta ɓɛ nɛ ɗūū ɓák ɓā lɛ́ɛ́ ɛ mâk.»

Yûuɗ 1:7

Sīmsāká sá yā thaŋ ɓɛ̌ Sɔ́ɗɔm nɛ Gɔmɔ̂ɔ, nɛ ɓɛ̄ íkhanda i mɛ́ɗumul ê. Ɓot ɓɛ̄ íkhanda iték ɓā ɓɛ ɓɛ́ ɛ́ lák míló thɔ́k tí cyuk ósapák ɗyaāŋ, ɓā sisáŋ ɛsá mɔlā ɗɛ ɗí ta dala nɛ ɛsɛ́ɛ́ ê. Ɛ́chāak ɛ́, ɓɛ́ tí pɔ́nɛ́s ɗú ɛ̄ kɔ̌m tí nɛ kɔ̄m. Í náǎŋ ŋgúma mɛ́chēsɛ́l tí ɛsú ɛ mót nyɛ̂ɛs.