1 Tímotê 3:1 - Myēnj phōn mí Zɛɛ̄mb

¹ Ɛkɛ́l ɛ̄ mí mú tí ɛlɛ́ɛ́ ɗék lík ɛ́, lí oceece: Mǒt kam ɛ́ɗi tyâa ɛsɔ́k Gós-óɓúkɛl nák ɛ́, ɛ gû nāá ɛ́ ɛ́ tɔ́p tyâa ló-sɛ̄ɛ̄.

1 Tímotê 3:1 Iomraidhean Croise

Lókas 15:10

Jwok gwát nɛ gwát mí lɛ̄ɛ̄ nɛ nēn nāá, ɓeéŋgeles o mí Zɛɛ̄mb ɓɛ́ nɛ mimyaŋla tɛ́m ŋgúma áɓyóóɓyôo mot cēnj cyuk ê.»

Misāwā 1:20

Í sá gwát nɛ gwát ték Ɗávit ā lɛ́ɛ tí yīl dā yɛ̄ nāá: “Í je nāá, njāā wɛ̄ ū lîs pund, mot ta ɗi têk.” Ɛ ɓú ɓākā lɛ́ɛ́ thɔ́k nāá: “Nɔ̄l mót süís ɛ́ ɛ́ zī jila tí pyaāt ísɛ̄ɛ̄ ɓyɛ̄.”

Misāwā 20:28

Kāndɔ̄ɔ̄ká mɛnól mēn, ɓī gú jüák íthɛmbɛ i mí Zɛɛ̄mb ɓyɛ̂ɛs, nɛ Áchāāchǎnj Sisímb ā jüe ɓeēn nāá ɓī ɓákɛl ɓîk. Ɗikāná oɓakɛl ō gós-óɓúkɛl o mí Zɛɛ̄mb. A ɓwâm yɛ́ nɛ chía nyɛ̄ nyɛ mot ték tí nāá, yá á ɗi yɛ̄.

Lomɛ̂ 11:13

Mí kā lüii ɛ́chāak nɛ nēn, ɓyɔ̂ɔ ɓot o ɗí ta ɓɛ Óyúɗɛn ɓâk. Myam mi lwōmtwōm ɓɛ̄l ō ɗí ta ɓɛ Óyúɗɛn ɓâk, tí tɛ̄lā wám ték ɛ́, mi tí ɛmyaŋla ló-sɛ̄ɛ̄ wám têk.

Efezyɛ̂ŋ 4:12

Í ɗyaāŋ ték ā sá nāá, ɛyɔŋ ɛ mí Zɛɛ̄mb lī gû ɛsála isɛ̄ɛ̄ tí nāá, nól mí Kilís ɗí oɓúkɛl ékɛ́, nyī gwée kê.

Filipyɛ̂ŋ 1:1

Í myam Pɔ́l nɛ Timotê, osɛ́l ō mí Yésus Kilîs. Zí til ɓót ō mí Zɛɛ̄mb o ɗí tí ɛsú ɛ̄ mí Yésus Kilís, ɓɛ̄l ō ɗí ɓɛ̌ khandǎ Fílíp ɓák ti nɛ otyáá ɓɛ̄ ɛ́sɔ́k nɛ iɗiákɔn ɓyɔ̄ɔ̄.

1 Tesalonisyɛ̂ŋ 5:14

Ɓwán ɓɛ̄ ónaāŋg zī lɛ̄ɛ̄ nɛ nēn nāá: Lüiiká nɛ ityak-ɓɔl. Jüēká mimbīmbwɔ̌ŋ khul. Kɛmká ɓot o ɗí ɓɛ́ ɛ́ tyak tí ɛɓūklā ɓâk. Ɗiká nɛ ɛdaa ɛ̄ lyém nɛ mot nyɛ̂ɛs.

1 Tímotê 1:15

Ɛkɛ́l ɛ mí mú tí ɛlɛ́ɛ́ ɗék lík ɛ́, lí oceece. Mot nyɛ̂ɛs ɛ́ dalǎ nɛ ɛkam thɔ́k lɛ̂. Ɛkɛ́l ɛ̄ ték lí nāá: Yésus ā zye tí sī nyúk tí ɛzī kɔt ɓót o mísɛ̄m. Tí ndɔŋ wɔ̄ɔ̄ ɛ́, myam ɗí mot ɓɛ̄ ɛ́ ɛ́ ɓū thaŋ ɛ́sɛ́m ɔ̂.

1 Tímotê 4:9

Ɛkɛ́l ɛ̄ mí mú tí ɛlɛ́ɛ́ ɗék lík ɛ́, lí oceece. Ɛkɛ́l ɛték lí dala nāá, ɓot ɓyɛ̂ɛs ɓɛ̄ kâm lɛ̂.

2 Timotê 2:11

Mɛkɛ́l mí mú tí ɛlɛ́ɛ́ ɗék mák ɛ́, mɛ́ oceece. Mɛkɛ́l mɛ̄ték mɛ́ nāá: «Í ɓɛ̄ nāá, ná nɛ ɓɔɔ nɔ̄ɔ̄ ní í jüeká nák ɛ́, ná nɛ nɔ̄ɔ̄ ná á cyukká thɔ̂k.

Mɛkanā mɛ̄ Pɔ́l ā til Tít mâk 1:7

Tí oceece e, tyáá ɛsɔ́k Gós-óɓúkɛl, nyɛ mot nwɔ́ŋ ɛ́kɔɔ nɛ isá í mí Zɛɛ̄mb ɔ́kɛ́, ɛ́ dala ɛ́ɗǐ ta ɓɛ nɛ yīl sá ɛ́ɓyôo, ta ɓén nôl, ta kpás ɛ́gwók ɛ́ɓūk, ta ɗɛ mɛ́nɔk, ta ɗuŋ ítumb, ta sá íɓyǒla ɓɛ̄ ísínɔŋ tí nāá, á á ɓyě mɔnī.

Mɛkanā mɛ̄ Pɔ́l ā til Tít mâk 3:8

Ɛkɛ́l ɛ̄ mí mú tí ɛlɛ́ɛ́ ɗék lík ɛ́, lí oceece. Mí je nāá, u ɓákɛl sá ték ikɛnd ikɛnd, i zyē nāá, ɓɛ̄l ō ɗí tí ɛɓûkla Zɛ́mb ɓák ɛ́, ɓá á gbá mɛ́nól myɛ̂ɛs tí ɛsá tyâa isīsɛ̄ɛ̄. Sá ɗí tí nwɔŋ, ī ɓákā ɗi nɛ nɔm tí ɛsú ɛ̄ ɓót ɛ́ têŋ.

Eɓelê 12:15

Ɓī gú kâlke, nāá mot a a lúm kɔŋ nɛ ɛnwɔŋ ɛ mí Zɛɛ̄mb. Mot ā ā dálā ɛɗǐ ɗakɛ ɓyǒlǎ phɛk ɗí tí ɛpas, i jwɔ́k thūnd ɓót ê.

1 Pyɛ̂ɛ 2:25

Tɛ́m ɛsɔ́k ɛ́, ɓyā ɓɛ ɗakɛ ítaa i ɗí ɓí í ɗímb ɓîk, sá gwát ɛ́chāak ɛ́, ɓí í ɓúlǎ ɓɛ ɗáá mbákɛl wēn, mot ɗí tí ɛnón ɓén ɔ̂.

1 Pyɛ̂ɛ 4:15

Yā ā je nāá, mot ŋgwát tí ndɔŋ wēn ɛ ɓɛɛ mitūŋ tɔɔ̄p nāá, ɛ́ ɛ́ dó môt, gú thɔ́k nāá, ɛ́ ɛ́ jyûu, gú ɛ tí ɛsá sá ɛ́ɓyôo, gú thɔ́k ɛ gbā nup wɛ̄ tí mitɔɔ̄p mi ɓôt.

1 Pyɛ̂ɛ 5:2

Gū jüákká khāl itaa Zɛ́mb ā jüe ɓěn mbepok ték ô. Ɓyá a sá sɛ̄ɛ̄ ték wɔ nāá, ɓɛ́ kā mál ɓén māl ê, sá gwát sāká yɛ́ nɛ tyaa lyém ɗakɛ Zɛ́mb kpɛ́l ê. Ɓyá a sá yɛ́ thɔ́k tí ɛsú lɛ̄ ɛ́sáŋ ɛ́ɓyûk, sá gwát sāká yɛ́ nɛ milyém myēn myɛ̂ɛs.