1 Pyɛ̂ɛ 3:22 - Myēnj phōn mí Zɛɛ̄mb

²² nyɛ mot tɔ̄ ɓɛ̌ jwóó, ɛ kɛ́ ɗǐ ɓɛ mbɔ́ ɛ́dóm mí Zɛɛ̄mb ɔ̂. Ɛ́chāak ɛ́, nɛ ɓeéŋgeles, nɛ idə̂ə, nɛ mɛ̄l mɛ́khul myɛ̂ɛs mɛ̄ ɗí ɓɛ̌ jwóó mák, mɛ́ tí də́ə́ yɛ̄.

1 Pyɛ̂ɛ 3:22 Iomraidhean Croise

Matyôos 22:44

“Ɗá ā lɛ́ɛ nɛ Ɗá wâm nāá: Thā ɗi mɛ́ ɓɛ mbɔ́ ɛ́dóm wâm Ī kɛ́ kum tɛ́m mí wā sila mízīzyūŋ Myɔ̂, u kálɔ̄ɔ̄ ɓɛ́ tí miló ê.”

Matyôos 28:18

Yésus ɛ ɓúzī jémbǎ ndumɛ nɛ nɔ̄ɔ̄, nyɛ nāá: «Zɛɛ̄mb ɛ́ ɛ́ jüe mɛ́ də́ə́ yɛ̂ɛs tí ɛnyɛ̌l ɓɛ̌ jwôo, ī zí kum tí iɓwaās.

Máákus 12:36

Nɛ dɔ nāá, Ɗávit nyɛ mot ték tɛ́m ā ɓɛ lwōndlā nɛ Áchāāchǎnj Sisímb e, ā lɛ́ɛ́ nāá: “Ɗá Zɛɛ̄mb ā lɛ́ɛ́ nɛ Ɗá waām nāá: Thā ɗi mɛ́ ɓɛ mbɔ́ ɛ́dóm wâm Í kɛ̄ kum tɛ́m mí wā sila mízīzyūŋ Myɔ̂, u kálɔ̄ɔ̄ ɓɛ́ tí miló ê.”

Máákus 16:19

Phúla Ɗá Yésus ā lüii nɛ nɔ̄ɔ̄ ɗyaāŋ ékɛ́, Zɛɛ̄mb ɛ ɓúzī nwɔŋ ɛ̂. Ɛ kɛ́ ɗil ɛ́ ɓɛ mbɔ́ ɛ́dóm wɛ̄.

Lókas 20:42

Tí ɛɓɛɛ nák ɛ́, tí mɛkanā mɛ̄ Mɛ́jémb mí Ɗávit ɛ́, nyɛ mot ték ɛ́ lɛ̄ɛ̄ nāá: “Ɗá Zɛɛ̄mb ā lɛ́ɛ nɛ Ɗá waām nāá: Thā ɗi mɛ́ ɓɛ mbɔ́ ɛ́dóm wâm,

Zwâŋ 13:32

Zɛ̌mb nyɛ mot ték á á lyákɛl kúm Mwân. Thɔ́k ɛ́, tɛ́m ɛlyákɛl nyɛ́, í ǐ kúnɔɔ.

Misāwā 1:11

Ɓot oték ɓɛ̄ ɓúzī lɛ́ɛ́ nɛ milwōmtwōm nāá: «Ɓot ō Galilê, ɓí ɗi náǎŋ tí ɛsisyuŋgɛ̌l jwóó tí yɛ́ e? Yésus Zɛ̌mb ɗüis ɛ́ pāká nyēn tí ɛtɔ́ nɛ nɛ̄ ɓɛ jwóó ɔ́kɛ́, á á ɓākā zyě jwok gwát ɗɛ ɓí ɓā ɓɛɛ ɛ́ tí ɛtɔ́ ê.»

Misāwā 3:21

Ɛ́chāak ɛ́, Yésus kilís ɛ́ dalǎ nɛ ɛɗǐ ɓɛ̌ jwôo, kum tí tɛ́m ísínɔŋ ɓyɛ̂ɛs wā ɓɛ̌ kwomblā é, ɗakɛ Zɛ́mb ā lwaa lɛ́ɛ ī gbɔ̄m tí minup mi ɓááchāāchānj ɓɛ̄ ógbɛ́sel o mítɔɔ̄p ā thes ɓâk.

Lomɛ̂ 8:34

Á í zɛ̄ ɗí nɛ khul ɛpɔ́nɛs ɓɛ̂? Yá a ɓɛ̄ nɛ mot, nɛ dɔ nāá, Yésus Kilís ā ɓɛ ɛ́ ɛ jüe, ta dā tyáá náǎŋ ɛ́, sá gwát ɛ pâs, thɔ́k ɛ́, ɛ ɓɛ mbɔ́ ɛ́dóm mí Zɛɛ̄mb tí ɛdakla tí mɛsú kámīnā.

Lomɛ̂ 8:38

Ɛ̂ɛŋ, mi tí gú ceece nāá, yá a ɓɛ̄ nɛ sá ɗí nɛ khul ɛɓɛ́s káɓiná nɛ kpɛl mí Zɛɛ̄mb ê. Tát tí ɛsüee, ī kúm tí cyuk, gú thɔ́k ɓeéŋgeles, nɛ ɓīl ídə́ə́, gú thɔ́k mɛ̄l mɛ́khul mɛ̌ jwôo, gú isá ī tháŋ mús ɓîk, gú ɓīl ī wā thaŋ ɛ́myān ɓîk.

1 Kolɛ̂ŋt 15:24

Phúla ték yá á ɓɛ mɛ́sīl mɛ̄ sī. Kūmāndē Zɛ́mb ā kɛs ɔ á á samb ídə́ə́ ɓyɛ̂ɛs, nɛ odə́ə́ ɓɔ̄ɔ̄ nɛ mɛkhul mɛ íɓyǒla ɓɛ̄ ísisímb ɓyɛ̂ɛs, phúla ték ɛ ɓúkā zī nwɔ̌ŋ Də́ə́, ɛ jüē Zɛ́mb Sāŋg.

Kolosyɛ̂ŋ 3:1

Zɛɛ̄mb ɛ́ ɛ sâ nāá, ɓyá a ɓɔɔ Kūmāndē Zɛ́mb ā kɛs ɔ́kɛ́, ɓī pás ê. Ɗyaāŋ ték ɛ́, sāŋká isá ī ɗí ɓɛ ɛ́kó ɓîk, gúmɛ̄ Kūmāndē Zɛ́mb ā kɛs ɔ́kɛ́ ɗí ndindǐl ɓɛ pák mbɔ́ ɛ́dóm mí Zɛɛ̄mb ê.

Eɓelê 1:13

Zɛ̌mb a a ɓā lɛ́ɛ́ nɛ éŋgeles ŋgwát nɛ ŋgwát ɗwóó ɛgwát nāá: «Thā ɗǐ ɓɛ mbɔ́ ɛ́dóm wâm, Má á sá nāá, U kálɔɔ mizīzyūŋ myɔ́ tí milô.»

Eɓelê 1:3

Ɛɓyakɔɔ ɛ kúm mí Zɛɛ̄mb lī thaŋ tí nyɛ tí nāá, ná á ɓɛɛ kâ. Ɛ da swōk Zɛ́mb. Ɛ́ sūk sá yɛ̂ɛs nɛ ɛkɛ́l lɛ̄ ɗí nɛ khul lîk. Phúla ā ɓɛ ɛ́ ɛ́ chánjɛl ɓót tí misɛ̄m myɔ̄ɔ̄ ékɛ́, ɛ ɓúkɛ̄ ɗi twóó ijwóó ɓɛ pák mbɔ́ ɛ́dóm mí Zɛ̌mb mot də̄ə̄ ísínɔŋ ɓyɛ̂ɛs ɔ̂.

Eɓelê 1:6

Sá gwát, tɛ́m Zɛ́mb ā ɓɛ ɛ ɛ́ thes Mwán ɛsɔ́k wɛ̄ tí iɓwaās ékɛ́, ā lɛ̄ɛ̄ nāá: «Ɓeéŋgeles ō mí Zɛɛ̄mb ɓyɛ̂ɛs ɓɛ́ dala ɛ́ɗúɛl ɛ̂!»

Eɓelê 10:12

Kūmāndē Zɛ́mb ā kɛs ɔ́, nyɛ ā da sá nje mɛtûnka mɛ̄ phwát tí ɛsú ɛ̄ mísɛ̄m, tí ɛsú ɛ kɔ̌m tí nɛ kɔ̄m. Phúla ték ɛ́, ɛ ɓú kɛ̄ ɗî ndíndiīl ɓɛ pák mbɔ́ ɛ́dóm mí Zɛɛ̄mb.

Eɓelê 12:2

Ná a ɗüis ká mís kámīnā tí Yésus, nyɛ mot ā sá nāá, nī ɗí ka nɛ ɛɓūklā, nyɛ mot sā thɔ́k nāá, lī lwónd kɔ̂. Ɛ́ ɛ kam nāá, ɛ jüê tí kolos ta ɗú nāá, ɛsüee ɛ kólos lí ɛsüee ɛ sɔ̂n. Nɛ dɔ nāá, ā ɓɛ ɛ́ ɛ́ ɓɛɛ mímyaŋla ɓā kwom ɛ myá mîk. Ɛ́chāak ɛ́, ɛ ndíndǐl ɓɛ pák mbɔ́ ɛ́dóm ɗǐ də́ə́ mí Zɛɛ̄mb.

Eɓelê 4:14

Ní kā nɛ ánénén fata mɛ́tûnka, í Yésus Mwán mí Zɛɛ̄mb. Ɛ́ ɛ́ tɔ́ ɓɛ ɛ́kó, ɛ nī twóó ijwóó ɛ kɛ́ kǔm ɓɛ ɗá mí Zɛɛ̄mb. Ɗyaāŋ ték ɛ́, nī ɗî ka ɛ́thīn tí ɛɓūklā ní ɗí tí ɛmyam ká lîk.

Eɓelê 6:20

Gúmɛ̄ Yésus ā nî ɛsɔ́k nɛ kányīnā, tí ɛsú kálīna ê. Nɛ dɔ nāá, ɛ mú ánénén fata mɛ́tûnka tí ɛsú ɛ̄ kɔ̌m tí nɛ kɔ̄m tí tɛ̄lā mí Mɛlkiseɗɛ̂k.

Eɓelê 8:1

Sá ɗí nɛ nɔm tí sá zí kám ɛ́lɛ́ɛ́ ékɛ́, í nāá: Ní kana nɛ ánénén fata mɛ́tûnka ɗí ɗakɛ nɔ̄l ɗí zá a lwɔ̂ɔ lüǐ tɔɔ̄p wɛ̄ ɔ̂. Ɛ ndíndǐl ɓɛ pák mbɔ́ ɛ́dóm ɗiī də́ə́ mí Zɛɛ̄mb ɗí nɛ khul nyɛ̂ɛs ɔ́ twóó ijwôo.

Eɓelê 9:24

Nɛ dɔ nāá, Kūmāndē Zɛ́mb ā kɛs ɔ́kɛ́ nyɛ a a nî tí pyaāt áchāāchānj ɗí sumā ɓót ɓɛ̄ íɓwaās, ɗí mbaŋambáŋa tyâa yɛ́ ê. Sá gwát, ā ku nî ku tí jwóó, tí nāá ɛ́chāak ɛ́, á á tyáá sɔ̂kphɔɔ̄mb mí Zɛɛ̄mb tí ɛsú ɛ̄ kálīnā.