Yems 5:16 - Mian

¹⁶ Inamin kesoa ibo ib nekwali gembiba daabenom gib mole ib sinwal ib hengmino nabibo omkeima tlanibta eka ginin gam ile mit dlanibta Gode nganabaibta klaubeneta ayam aine! Naka moloti Gode nganhamibo i wengo titilsa kesoa Gode wentenea klaubenamabebe.

Yems 5:16 Iomraidhean Croise

Matyu 21:22

Eka ibo ne bainobo geniba funaniba Gode bain titilsa kesoa ni inamin namino nabenamabebo ge funaniba Gode baabaniba Ni inamin namino nabenale ge baabanimibo e makob ilib weng baanimib inabenamabebo ge baabesebe.

Matyu 3:6

elekiem olokiem i hengmino omkeimabiba Yone aaye Yodane fuaye monsebe.

Dowan Weng Olo Make Dolanebuotabe. 1:5

nakaia unangai Yudia betano bib gwab bib gwabo blib isa eka bib sumo Yelusalem bibo blib isa alukum teniba Yon esu ye miniba e wengo wente bianiba elekiem olokiem i hengmino omkeimabiba Yone aaye Yodane fuaye monsebe.

Dowan Weng Olo Luke Dolanebuotabe. 9:6

i moniba bib mak bib mako Gode wengo omkaye bianiba ginin gami klaye biam monsiobe.

Dowan Weng Olo Yone Dolanebuotabe. 9:31

Nibo tekein kebuobe, Gode nakaia unangai hengminsai wengo mo wentebeba otane nakaia unangai kukub moloto wafu blib isa eka Gode baanea Inamin namino naine genemeo ele weng baaneme iwat nabib isa i weng ole Gode wentebebe.

Abosel 19:18

eka maki sin bainobo geibbue ile hengmino omkeimanasiba

Abosel 8:24

Saimone Fita esa Yon esa baabenea Ibo Gode baabaniba daatnenea kukub misiam olo ne dimo mo tam tlamone gesea

Fole Lom teni bainobo galini futano dola omfubesebe. 3:10

Gode buk temo enangge baanoa Nakae elekieme Gode kin dimo molote blimobe.

Fole Lom teni bainobo galini futano dola omfubesebe. 5:19

Niminbabe, naka elekieme Gode hekmel wengo ombiabane kesoa Gode naka homon unang homoni baabenea Ibo hengmin gamobo ge baabenebiobe. Eka naka mak ele Gode wengo kla wenteha bine kesoa Gode naka homon unang homoni e bainobo genimibi baabenea Ibo ne kin dimo naka molot unang molotobo genamabebe.

Kolosi 1:9

Ni ib weng sang olo wentob dim ye kilonoba Gode amitie nganha bianoba Kobo Kolosi bib sel eli daabeneba i keb wengo oye bianeba Ibo kukubo olota namine gabebo i kla tekein keine ge oha binabuobe. Gode tekein kemino dot sumobe. E tekein kemino dabalim sel nakaia unangai tekein kemino ulabbabe. Ni Gode baabanoba Keb Hobe i daaye bianea keb bobol tem funino i alebenea i tekein kemin osa makob kleb tekein kemino ulab aine ge ohabuobe.

1 Tesalonaika 5:17

amitie Gode nganhamine!

1 Tesalonaika 5:23

Gode bobol tem ayamo nibo omkaye binabe nakae emaye daabenea ib bobol tem funin osa afen smik osa dam osa alukum ayam aniba kining anabiba Sume Yesuse imin tlameo yatemnea baabenea Naka eli nemiobo geneko

1 Tesalonaika 5:25

Nekwal ibo ni beten keye bianiba daaye bianiba

Hiblu 11:4

Sinanggwano nakae niniino Ebele Gode wengo bainobo genea kulan maki yenanea Gode dlalebuo e kukub olo e heke Kene inamin namino Gode dokahamin kukubo gaisanebiobe. Ebele inane kesoa Gode baabanea Kobo ne wengo bainobo geneba keb inamin namin olo donebo ayam kesoa kobo ne kin dimo naka molotobo ge baabanebiobe. Ebele sinanggwan kaane bianabo otane e Gode bainobo galino sbalma binebio kesoa e kukub olo weng sango Gode buk temo dolaibbi ota nibo kibianoba Gode bainobo galin kukub ayamo aleye binabobe.

Hiblu 11:7

Nakae niniino Noae Gode bainobo gabea Gode baabanea Sinanomo ne soko omaia tlamabobo ge baabanea Noae sino soko mo tlota watemim blim otane e funanea Gode weng ele baatnene olo e bain inanamabebo genea e siib sume genea e alelo omonea eka e memei dlonea i alelwali dlonanea dletnea taniba siib tem tam uniba sok sumo tlebianoa dabalim olo aaye alukum einse otane i mo ei dolbaneta aaye mo dowonibta kaaim blimobe. Niminbabe, i siib tem tam blib kesotabe. Noae Gode wengo bainobo gabe otane naka mak unang mak ile Gode wengo mo bainobo geim blim kesoa Gode baabenea Ib kukubo misiamobo ge baabenea watwat dabenebiobe. Gode Noae baabanea Kobo ne wengo bainobo gabeb kesoa kobo ne kin dimo naka molotobo genebiobe.

Hiblu 12:13

Ibo Klaiste wengo klao mo wafueim blim keib mole naka mak unang maki i bainobo galino sbalbai ibo yateniba funaniba I bainobo galino sbal otane i kukub misiam olo nabib kesoa nisa kukub olo nanomobo ayamobo geniba inamibo i Yesuse bainobo galino deibonomabiobe. Kukub olo misiam kesoa ibo Klaiste bainobo galino sbalma bianiba kukub ayam ota wafu bliba i yateniba funaniba I Klaiste bainobo galino sbalma blib kesoa nisa inanoba Klaiste bainobo galino sbalma wafunomo ge funaniba inamine!

Hiblu 13:18

Ibo amitie ni beten keye bianiba Gode baabaniba Kobo naka eli daabenale ge ohamine! Ni funanoba Ni okok olo nabobo klayam nabuobo ge fumbianoba ni kukub ayamo wafu bioba naka mak unang maki ni kukub ayamo yateniba funaniba I naka ayamobo ge funaine gabuobe.

1 Fita 2:24

Gode Dofakamin Nakae emaye nib hengmino gokileb utnea atdimo kaanebio kesoa nibo dabalim ele biomabbuo kukub misiamo nibo imino mo dlamanamabobabe. Nibo makob nakai kaaniba smiki unaniba umo deibo unaibo o sbal manoa tanoa inamin namino denabo inanoba nibsa kukub misiamo deibonoba Gode kukubo namine gabe ota namomo! E kaanea nibo daabenebio kesoa nibo klayam bianoba kukub molot ota wafu biobobe.

1 Yon 3:22

Nibo Gode wengo wente bianoba e bobol tem funino wafu biob kesoa nibo baabanoba Kobo ni inamin namino mo daabenale genomobo e daaye binabebe.