Yems 3:14 - Mian

¹⁴ Ibo ninita ye biobabo gabianiba naka maki mo gobeim blim keniba fun yatememib mole ibo mo baanibta Ni naka ayam tekein keminsabo genimibe! Ibo inangge baaib mole ibo untak nganin nakabe. Ib weng osa dimobe.

Yems 3:14 Iomraidhean Croise

Dowan Weng Olo Yone Dolanebuotabe. 16:2

Kukub olo inaminobe. Yuda naka maki ibo baabeniba Ibo Gode am temo mo lotu kemibe ge baaniba fotebe nabianiba eka mak ile funaniba Yesuse okok aleyemin nakai yemin kukub olo Gode okokobo geniba i ibo yebiam nomabiobe.

Abosel 13:45

Yuda naka maki yateniba Folwali okoko dafao ifananiba nisa inamin okoko mo okok kebobbabo ge funaib kesoa i atliaubesoa Fole weng dobo weng oha bianiba baaniba Fole wengo dim obebo gesib otane

Abosel 26:9

Nesa sino Nasalet bib sake Yesuse okoko watwat dabanano ge funai kesoa

Abosel 5:17

Gode amo kimanin nakai komok sum esa e meletani Sadyusie isa Yesuse okok dlasanin nakai okoko nabibo yateniba atliaubesoa i awa genalin nakai baabeniba Ibo naka eli klabuto ge dleb taniba klabutam tam dlaine gesiba inaniba ge dleb tam daibbua kwinoa aala bliba

Abosel 7:9

Yekobe meleli i ninge Yosebe kukub ayam namsea aalebe gobasea hekwali atemniba atliaubesoa debeb moniba naka maki waloniba monio oliba naka elita Yosebe debeb moniba Isib betan ye daiba bianea okok homono okok kebe otane i monio mo okahamin blim deiba bliba besa okok kebe otane Gode kima bianea

Fole Lom teni bainobo galini futano dola omfubesebe. 1:29

I bobol tem misiamo olota fumbianiba inamin namin kukub misiamo nabianiba naka maki afobeingo bobol waye bianoa eka naka mak unang maki misiam doka bianiba eka bobol tem misiam funyateme bianiba naka maki yebianiba eka dleb weng obianiba awa gembianiba naka maki dim oye biam bianiba i amitie kukub misiam ota nabianiba naka mak unang maki kukubo inabiobo geniba ayok oye biam blib kesoa i Gode makaabe. I naka mak unang maki sbal weng oye bianiba i ili niniino omfufu bianiba i kukub misiamo kla gobonib kesoa i kukub misiamo sino nakaia unangai mo namin blimo imaye asitem funaniba nabianiba awok aaloki wengo omdibiye biam bianiba i kukub ayamo tekein kenamino blimobe. I baaniba Nibo inanomo genimib otane i motono mo nabibbabe. Eka i naka mak unang maki mo dohalilanibta daayebibbabe.

Fole Lom teni bainobo galini futano dola omfubesebe. 13:13

Nibo kukub ayamo namomabbuo makob nakaia unangai tab dim haablibo ulab ota namomo! Nibo aa misiamo mo dowonobta kukub misiamo mo namobe! Eka taman osa mo hengamobe! Nibo dleb wengo mo obianoba eka naka maki inamin namino bobolo mo waye biam nomone!

Fole Lom teni bainobo galini futano dola omfubesebe. 2:17

Nakaia unanga ib isak temo maki baaniba Ni Yuda nakabo, ni Gode hekmel wengo wentebob kesoa Gode ni oye bianea Ibo naka ayam unang ayamobo ge oyebebo gabianiba ilib untak ngambianiba Ni Gode naka unangobo gabiobe.

Fole Lom teni bainobo galini futano dola omfubesebe. 2:8

Ina otane nakaia unangai wanita ili bobol tem funin misiam ota wafu bianiba kin alaak hembianiba i Gode wengo baanebio omdibiha bianiba kukub misiamo nabinimibo Gode nakaia unanga eli alo sum tliaubanoa i kukub misiamo nabinimibo molo yang kenea enin sumo omyamabebe.

1 Kolin 13:4

Nibo naka mak unang maki kla gobenob mole amitie daayemomo! Nibo i mo dosuan bianoba eka i inamin namino bobolo mo waye biam biota naka mak unang maki mo oye bianobta Ni kukubo ayamobo ge oye bianobta nib niniino mo omfufumobe!

1 Kolin 3:3

Ibo sin kukubo amitie wafu bianiba kukub misiamo sma ye nabiobe. Ibo ina bianiba ib nekwal maki bainobo gabibi dosuambiba ib sinwalo dleb weng obib kesoa ne tekein kebibe, ibo sin kukubo sma ye nabianiba nakaia unangai bainobo gabibbai kukub ota ibo wafu bliobe.

1 Kolin 5:2

Ibo ilib tak ngambianiba baaniba Ni Yesus Klaiste bainobo genobbio kesoa ni naka ayam unang ayamobo ge obib otane naka make hengmino hengabe ib isak temo bie kesoa ibo ilib untako mo ngambianibta seinimibe! Bobolo ilum omfubenoko! Ibo nakae ibsuo bianea kukub misiamo nabe mo deibaibta bianeta kukub misiamo amito mo namene, fotebeiba uneko!

1 Kolin 5:6

Ibo obianiba Ni Gode wengo kla wente bianoba kukub ayamo wafu biobobo ge obianiba ib niniino omfufubib kesoa ib kukubo misiamobe. Ibo funaine! E kukub misiamo nabe olo makob nakai kulani mana bianiba mato welabbe bosiba mat gamo daatnoa damo tem daak unanoa dikibanoa mat gam eta weitam dibianabe inanoa e kukub misiam olo nabeo sum anoa naka mak unang mak ib bobol tem osa alukum watwat dabenamabobe.

2 Kolin 12:20

Ne monia ibsu natlania yatemamabio ibo kukub ayam wafu blibta yatemamabia bleka? Malobe. Ne tenia ibo yatemia ibo sma kukub misiam wafu blib mole ne bobolo ilum omfutnenoa ibo sbal weng baabenamabibe. Ne inai mole ibsa bobolo ilum omfubenoa Ni Fole kukub olo gobo biobbabo genomabiobe. Ibo ib sinwalo dleb weng baasese bianiba naka mak unang maki afobeingo bobol waye biambua bleka? Ibo atliyebua? Ibo inamin namino bobolsa kebianiba naka mak unang maki dim oye bianiba weng dobo weng oye biam bianiba ilib untak ngambianiba Gode wengo omdibihabiba bleka? Ne funania I kukub olo nabibo misiamobo genia aglol dubutnebiobe.

Galesia 5:15

Ina otane ibo ib sinwalo alo mo tliaubesese bianibta dleb wengo mo baasese nimibe! Ibo klaine! Ibo inamib mole ilib skil watwat danomabiobe.

Galesia 5:20

god dim omini niniino dotouleb nin kukub osa kel walin kukub osa usem genalin kukub osa eka nakaia unangai mo gobeninbao kukub osa naka mak unang maki dosuan bianiba dleb weng oyemin kukub osa eka bobol wayemin kukub osa atliyemin kukub osa Ninita ye biobabo galin kukub osa makaalaniba afetubesese nin kukub osa

Galesia 5:21

eka naka maki bobol tem misiam fun yatememin kukub osa eka aay misiamo dowoniba gabam tol temo mima fubenamin kukub osa nabianiba eka kukub misiamo afet afet osa namin kukub osa otabe. Nakaia unangai ili bobol tem funino wafu blibi kukub misiam olo nabinabiobe. Sino ne ibo baabenia Ibo kukub olo mo wafu nimibe ge baabeibio kesoa ne memalo imin baabenamabibe, ibo kukub olo mo wafu nimibe! Nakaia unangai kukub olo wafu blibi mo monibta Gode kimanin bibo mo nomabibbabe.

Galesia 5:26

Nibo ninib tako mo ngambianobta Ni naka ayamobo gabianoba nib sinwalo atliyemin kukubo mo omyensese bianobta maki inamin namino bobolo mo wabesese nomone!

Galesia 6:13

Nakai aalo waketoubibi Mosese hekmel wengo alukumo mo wafu blibba otane i funaniba Galesia teni ni wengo wenteniba i aalo wetlaib mole ni Yuda naka mak unang maki baabenoba Galesia teni ni wengo wenteniba i aalo wetlaibobo ge baabenoba i ni wengo wenteniba ni niniino omfabeniba funaniba Ib kukub olo ayamobo geine ge funanibta i aalo weketoubiobe.

Filibai 1:15

Naka maki Klaiste wengo naka mak unang maki omkayebib otane i ne okoko bobolo wabesoa i funaniba Ni Fole dobtlanoba nita bainobo galin nakaia unangai kimanomo gabiobe.

Filibai 2:3

Ib okoko sbal okok kemibo mo funanibta Ni inanoba sbal okok kemoba naka mak unang maki yateniba ni niniino dotouleb nine ge funanimibe! Eka ib okok ayamo okok kemibo naka mak unang maki mo baabenibta Ni okoko ayam okok kebuobo genimibe! Eka ibo mo funanibta Naka maki ayam otane nita i gaisenobbiobo ge funanimibe! Ib bobol temo fumbianiba naka mak unang maki ni gaiseibbiobo ge funine!

1 Timoti 2:4

E bobol temo fumbeo Nakaia unangai hengmino temo blibo ne alukum dotlaia i ne weng moton ota wente bianiba kla tekein keine ge fumbebe.

Taitas 3:3

Sino nibo Yesus Klaiste wengo mo wente bianoba wafu nim blim binobbio dimo nibo bobol tem misiam fumbinobbiobe. Nibo inaboba kukub misiam ota nibo yafubua Gode wengo omdibiha bianoba dim omin weng ota wente bianoba ninib bobol tem funin misiam ota wafu bianoba kukub misiam ota nabinobbiobe. Nibo naka mak unang maki kukub misiam omkayemomo gabianoba i inamin namino bobolo wayebua nibo i mo gobenim blim kenoba eka isak nibo mo gobenim blim kesib binobbiobe.

Yems 1:18

Gode emaye ele bobol tem funanea Ne weng ayamo i bobol temo omabbebeia i bainobo geine ge funanea inanea nibo e melel ananobbuo makob imen sano dolmanobbua mikiktemo elekiem elekiem damanoa omito alukum damanabo inaminobe. Nibo sin e bainobo genobta mitdata naka mak unang mak isak bainobo genomabiobe.

Yems 3:16

Ibo naka maki dosuam bianiba ib bobol temo funaniba Ninita ye biobabo gabiam nib mole ib bobol tem daako kukub ayamo blimu benoa ibo kukubo misiamo olota namomabiobe.

Yems 5:19

Ne nekwal ibo wentine! Gode e deib ayame alebenebue bainobo galin naka make deib ayame deibanea hengmino henganea eka bainobo galin naka make naka ele daabanea imin debeb metenea God esu dane mole e kukubo ayamobe.