Yems 2:25 - Mian

²⁵ Sinanggwano Yudai komoke Yosuae Nakai dlaia moniba taman unango niniino Lehabo bibam seli yatem tliba monoba yalomo genea nakai asu dlanea moniba o bibam ye temiba o Yuda nakai wengo wentenoa o bibam seli Yuda naka eli yenanom genabibo daabenoa i unibbio deibe deibanoba afet deib eta dlanoa imin moniba ili bibam uniba Gode o kukubo watenea O unang molotobo gesebe.

Yems 2:25 Iomraidhean Croise

Matyu 1:5

Eka Salmon ele Boase dofanebiobe. Boase biem ole Lehab otabe. Boas ele Obete dofanebiobe. E biem ole Lut otabe. Eka Obet ele Yesie dofanebiobe.

Matyu 21:31

Waneta aalebe wengo wentubanebione? Hek eta bleka ning etio? gesea i baabaniba Hek etabo gesiba Yesuse baabenea Gode nakaia unangai kimanin bibo unemin osa inaminobe. Takis moni bokalin naka isa eka unangi tamano hengabib isa wanita hengmino deiboniba i bobol temo omoniba Gode omalaib ita ibo gaiseniba Gode kimanin bibo unomabiobe.

Abosel 17:7

Yeson ele dleb tanea e am tam danea aala bianiba i nib komok sume Sisae e hekmel wengo deiboniba naka asu eli baaniba Komok sume make niniino Yesus etabo gabiobo gesiba

Hiblu 11:31

Yeliko bibo taman unango niniino Lehabo funanoa Gode Isleli daabenea i Yeliko teni yalomabiobo genoa Gode bainobo gabua Islel nakai asu keniba teniba Yeliko teni yatem motomanoba enaminobe genoba motenoba tenoba yalomo geniba tlibi daabenobio kesoa Isleli teniba Yeliko teni Gode bainobo geim blimi yalom geniba tlibo i nakaia unangai alukum yalosib otane Lehab osa o meletan isa ile deibesiobe.

Yems 2:18

Naka make baanea Naka ele Sume bainobo gabea eka nele kukub ayamo wafu blibo gabe otane ne baanamabio Nakae kukub ayamo mo wafueim blim kene mole ibo mo tekein kenibta e bainobo galin nakabe genomabibbabe. Eka ne kukub ayamo wafuei mole ibo natem tekein keniba e bainobo galin nakabo genomabiobe.

Yems 2:22

Ibo tekein kebiobe, Eblahame Gode bainobo genea kukub ayamo wafu bianea e bainobo galino sbalma binebio kesoa nibo e weng sango wentenoba tekein kenoba e bainobo galin nakabe genomo!

Yems 2:24

E inanebio kesoa ibo funaine! Nakae waneta Gode bainobo genea kukubo ayam wafuneme naka eta Gode funanea E ne kin dimo hengmino blimobo genamabebe. Eka naka make baanea Ne Gode bainobo gabibo geneme otane e kukubo klayamo mo wafueim blim kene mole Gode mo funanea E ne kin dimo hengmino blimobo genamabebabe.