Yems 1:26 - Mian

²⁶ Ibo amitie teniba lotu kebianiba Gode niniino dobtouleb biobobo gabib otane weng misiamo omino ib sitalo klao mo kimaim blim keib mole ib bobol tem funino molotba kesoa ibo Gode niniino dobtouleb blib osa molotbabe.

Yems 1:26 Iomraidhean Croise

Matyu 15:9

i dabalim nakai hekmel weng ota wafu bianiba nakaia unangai aleye bianiba Olo Gode hekmel wengobo galomabib kesoa i ne lotu kenemibo ne i wengo mo wentamibabo genebiobo ge baabesebe.

Dowan Weng Olo Make Dolanebuotabe. 7:7

i dabalim nakai hekmel weng ota wafu bianiba nakaia unangai aleye bianiba olo Gode hekmel wengobo galomabib kesoa i ne lotu kenemibo ne i wengo mo wentamibabo genebiobo ge baanea dolanebuo

Dowan Weng Olo Luke Dolanebuotabe. 8:18

Ibo ne wengo wenteniba kla funaine! Nakai ne wengo wenteniba kukub ayamo wafunib mole Gode daabenea i bainobo galino sbal manomabib otane nakai funaniba Ni bainobo galino sbalobo ge funaniba i kukub ayamo mo wafunim blim keib mole Gode i bainobo galino omtlabenamabebo ge baabesebe.

1 Kolin 15:15

Ni ibo baabenoba Klaiste kaanea Gode imin dofaanea hananebiobo ge oye binabob otane naka maki ib isak temo blibi baaniba Nakaia unangai kulilaibbuei imino mo hananomabibbabo gabiobe. I weng olota bain obib mole ni wengo Gode dim oha binabuobe. Otane bain ye Gode Klaiste imin dofaanea hananebiobe.

1 Kolin 15:2

Sino ibo hengmino temo bliba Gode dotlanebio kesoa ibo Klaiste dowan weng olo amitie kla wafu blib mole Gode kukub ayamo omyia ibo amit nomabiobe. Eka ibo weng olo klao mo bainobo geim blim blib mole ibo amito mo nomabibbabe.

1 Kolin 3:18

(-)

Galesia 2:6

Bainobo galin naka mak unang maki baaniba Gode wengo kimanin nakai niniin sumobo geib otane ne funania I niniin blimobe. Gode funanea Ne kin dimo i makobobo ge fumbebo ge funaibiobe. Ne wengo alukum molot kesoa Gode wengo kimanin naka eli weng afeto mo omnenibta baatnenibta Kobo weng olosa nakaia unangai omkayemale ge baatneim blimobe.

Galesia 2:9

Sino bainobo galin nakaia unangai kimanin nakai niniino Yems esa Fita esa Yon esa i tekein keniba Gode Fole dofakanea daabanebua e Klaiste dowan weng ayamo nakaia unangai Yudabai omkayebe kesoa Fol esa Banabas esa nisa Gode okok olo okok kebuobo geniba i ni heitdabeib ole ni sinwalo weng obianoba ni baanoba Ni monoba nakaia unangai Yudabai Gode weng ayamo omkayemomabbiobo ge baabenoba eka Fitawal isak baaniba Nile monoba Yuda nakaia unangai Gode weng ayamo omkayemomabbiobo genaibbiobe.

Galesia 3:4

Sino inamin namin kukub ayamo Gode omyebio yo mitmakam blima bleka? Yeye inamin namin kukub olo mitmakamsabe.

Galesia 6:3

Naka maki funaniba Ni naka sumobo, nimaye biobobo, ni naka mak unang maki mo daabenomobbabo ge funaib mole i dim baanomabiobe. I bobol tem funin olo misiamobe. I besa nakabe.

Efesas 4:29

Ibo naka maki wengo misiamo mo oyemibe! Ibo weng ayamo olota obianiba naka mak unang maki i bainobo galino dosbal sambiba eka nakaia unangai ib wengo wentebibi bobol ayam fumbianiba kukub ayamo wafueine! Ibo kukub olo inaib mole i daabenomabiobe.

Efesas 5:4

Ibo kukub misiamo namin weng osa eka weng misiam omin osa eka atliyemin weng osa mo omibe! Kukub olo ibo mo daabenamaboba kesoa ibo deiboniba Gode oha bianiba Kobo ayam kesoa keb kukub nabeb osa ayamobo ge oha bianiba e niniino dobtouleb nine!

Kolosi 4:6

Nakaia unanga ib sital dimo wengo klayamo olota obiba naka mak unang maki Gode tal walin wengo kil baabenimibo ibo i wengo ayam yang kebeine!

Yems 1:19

Ne nekwal ibo ne kla gobe blibe. Ibo ne weng olo kla wenteniba funaine! Ibo weng ole hebmamsab wentine! Otane weng ole hebmamsabo mo baaniba eka alo hebmamsabo mo tliaubenanomone!

Yems 1:22

Ibo weng olo wentaibo mo dokobenota deibonimibe! Ibo wengo wenteniba dokobenoa deiboniba ib bobol temo funaniba Ne ayamobo geib mole ib bobol tem funin olo molotbabe. Ibo Gode ele wengo baabeneme iwat namine!

Yems 2:20

Nakai bobol tem funin blim ibo wentine! Ib bobol temo funaniba Ni bainobo gabuobo genimib otane ibo kukubo ayamo mo wafueim blim keib mole ib bainobo galino blimobe. Ibo mo tekein kebibba kesoa ne alebenamabibe.

1 Fita 3:10

Gode buk tem wengo baanoa Nakaia unangai funaniba Ni afen smik ayame dobonoba seinomo ge funaib mole i weng misiam osa dim omin weng osa mo omibe!