Yems 1:25 - Mian

²⁵ Ina otane Gode weng ayamo nakaia unangai daabenoa titilo omkayebuo ibo weng olo wente bianiba ibo mo dokobenomoba amitie fumbianiba inamib mole Gode daabenea ibo bobol tem funin ayamo omyamabebe.

Yems 1:25 Iomraidhean Croise

Dowan Weng Olo Luke Dolanebuotabe. 11:28

Yesuse baabenea Bain otane nakaia unangai Gode wengo wente bianiba wafu nimib naka unang ita kla seinine ge baabesebe.

Dowan Weng Olo Yone Dolanebuotabe. 13:17

Ibo memalo kukub olo mitmakamo tekein keibobe. Ne okok olo naia natemibo ibsa sma inanibta seinomabiobe.

Dowan Weng Olo Yone Dolanebuotabe. 8:36

Inamin kesoa Gode miin ne ib hengmino tileisonang gamio kla tileisobenia hengmino imino mo ge dlanomobabe.

Abosel 13:43

taniba bib tam bebiba nakaia unanga isa Gode amo deiboniba Yuda naka maki tenabiba eka Yudaba naka afeti Yudai kukubo wafu blibi tenaniba Fole Banabase i dabo bekebe bebiba Fole Banabase i dabo naka eli baabeniba Gode ibo daabenea e wengo kla wente bianiba e kukubo sbalma wafueine ge baabeibbua

Abosel 2:42

Yesuse okok dlasanin nakai inaniba aleyebiba bainobo galin nakaia unangai i wengo wente bianiba i sinwalo mibianiba bainobo galin naka mak unang maki daabesese bianiba Yesuse kaanebio bobolo fumbianiba imeno makob olminiba wembianiba eka Gode nganabanom gaib osa miniba i bobol tem makob omfaniba nganha biam bliba

Abosel 26:22

Gode ne amitie daatne bie kesoa nakai alukum niniin oyemin isa eka niniin oyeminba isa Gode wengo omkayebibe. Sinanggwano Moses esa eka Gode weng omkeimalin naka isa i inamin namino tam tlamabo wengo omkeima bianiba baabeniba Gode Dofakamin Nakae enin kino watenea kaanea kulila binabibi imin hana tlemino eta sin hananea Yuda isa eka Yudaba isa e bainobo galin kukubo omkeimabenamabebo ge baaniba dolaibbuo nesa olota omkeimabibo gesea

Fole Lom teni bainobo galini futano dola omfubesebe. 11:22

E inanamabe kesoa nibo tekein kebuobe, e nakaia unangai maki dohalilanea daaye bianea eka mak ile i alo tlihabua dolbiebe. Nakaia unangai e wengo omdibiha bianiba kukub misiam ota wafu blib ile dosuambebe. Eka ibo e wengo kla wente bianiba e bobolo funimibo e daayemabebe. Eka ibo e wengo klao mo wente bianiba e bobolo mo funim blim keib mole e ibsa fotebenea makob nakae atungo haketoufanamabe inabenamabebe.

Fole Lom teni bainobo galini futano dola omfubesebe. 2:13

Nakaia unangai Gode hekmel wengo wentebib otane klao mo wafu blibba ile Gode mo baabeneta I naka molot unang molotobo genemebabe. Otane nakaia unangai Gode hekmel wengo wenteniba wafu blib ita Gode oye bianea I naka molot unang molotobo ge oyebebe.

Fole Lom teni bainobo galini futano dola omfubesebe. 7:12

Ne inaibio kesoa hekmel wengo Mosese buk temo dolanebuo bain wengobe. Gode weng olo Mosese omalebio kesoa o weng molot ayamobe. Ne kukub misiamo namin nakabe.

Fole Lom teni bainobo galini futano dola omfubesebe. 8:15

Sino tosianin kukub ota ibo kima binobi otane memalo Gode Hobe ib bobol temo bibe bie kesoa tosianin kukubo ibo imino mo kima biobabe. Hobe nib bobol temo bie ele nibo daabenea Gode meme anoba E ayo ge ohabuobe.

Fole Lom teni bainobo galini futano dola omfubesebe. 8:2

Niminbabe, Yesus Klaiste bainobo gabob nibo daabenea Gode Hobe dabanea daak tenea nibo kima bie kesoa nibo Yesus Klaist etem nanoba nib bobol tem funino makob anoba afen biobobe. Sino nibo hengmino makob sa gein kenoa kima bianoa dletnoa aseinin bib unom genabob otane Gode Hobe hengmin olo tila omtlabenea nibo hengmino temo deibonobbiobe.

1 Kolin 15:58

Ne nekwal ibo ne kla gobe blibe. Ibo bainobo galin nakaia unanga nibo kaanoba imin hananomabbuo weng olo bobolo kla fumbianiba ib bainobo galino amitie sbalma wafueine! Ibo nib Sume okoko okok kebibo sbalma okok kemine! Sinanoa ibo kaaniba imin hananimibo Gode ib okok olo molo yang kenea inamin namin ayamo doyamabebe. Weng olo bain inanamabo kesoa ibo sbal maniba e okoko amitie okok kemine!

2 Kolin 13:5

Ibo ib bobol temo inamin namin kukubo nabibo kla funaine! Ibo ib bainobo galino ibmaye funaniba Ne bain Yesus Klaiste bainobo gabia bleka ne e klao mo bainobo gabiba eso? gabianiba moton sanine! Ibo Yesus Klaiste ib bobol temo bibe bio mo tekein kebibbayo? E ib bobol temo bibe bieba mole ibo moton Yesus Klaiste bainobo galin naka unangbabe.

Galesia 5:1

Klaiste nibo daabenebio kesoa nibo Mosese hekmel wengo mo wafu biobbabe. Memalo nibo Klaiste weng ayamo wafu biob ota sbalma wafunomo! Naka maki ibo baabeniba Mosese hekmel weng ota wafueine ge baabenimibo ibo i wengo mo wentubenimibe! Niminbabe, ibo i wengo wentubeniba inaib mole ibo makob nakai sino klabutam biniba klabuto blimubenomo otane imin klabut anabib inanomabbiobe.

Galesia 6:2

Ib dimo kukub misiamo tam tloa ib bobol temo misiam ubeno mole ib sinwalo ibmaye daabose daabase nine! Ibo inaib mole Klaiste wengo baanea Naka mak unang maki gobe bianiba daayemine genebio wengo wafunomabiobe.

Kolosi 1:23

Ibo ib bainobo galino sbalma blib mole Klaiste inabenamabebe. Gode dowan weng ayamo baanoa Ibo Yesus Klaiste bainobo geib mole e dletnea moniba Gode bib ayamo amit nomabiobo genobio waisanomabiobe. Ibo sino weng olo wenteniba funaniba Bainobo, Gode inabenebiobo geniba bainobo geibbio kesoa ib bainobo galino sbalma bianiba inamin namin kukub misiamo ib dimo tam tlamo ibo tosianino deiboniba ib bainobo galino sbal maine! Bainobo galin nakaia unangai homoni moniba bib mak bib mako alukum Gode dowan wengo nakaia unangai omkayebiba Gode Fol nesa nemanea monia e dowan wengo nakaia unangai bib mak bib mako blibi omkayebibe.

1 Timoti 2:15

Otane unang ile meme ita yomiobe. I ina bianiba Gode bainobo gabianiba naka mak unang maki gobe bianiba daaye bianiba i bobol temo kining aniba kukubo fiab nimibo Gode i daayemabebe.

1 Timoti 4:16

Keb kukub nabeb osa eka nakaia unangai aleyebeb osa kla kimanale! Kobo inamebo keb kukub olo daabkenoa eka nakaia unangai keb wengo wentomabib isa daabenanobua Gode imin tlameo ibo e baka bianiba ayam anomabiobe.

Hiblu 12:15

Gode ibo daaye binabe kukubo ibo abuk waulib mole kukub olo misiam kesoa ibo klaniba ib sinwalo daabesese bianiba ib bainobo galino sbalma wafunine! Naka make ib isak temo bianea Klaiste wengo deibonea weng afet osa kukub misiam osa ota aleyebea naka homon unang homoni ib isak temo blibi e wengo wenteniba i bainobo galino deibonimibo kukub olo misiamobe. Makob nakai kulani mana bianiba mato welabbebonimibo mat game weitam dibianea kulani misiam anabib inanea e kukub misiam olo nabeo naka mak unang maki bainobo galino watwat dabenamabe kesoa ibo klaniba naka make ib isak temo bianea kukub misiam olo name mole ibo Yeye kobo kukub misiam olo mo inamebe ge baabaine!

Yems 2:12

Gode hekmel wengo memao omyia o nib hengmino bolonoa tileisenobio kesoa sinanomo Gode nib kukubo klanea elita ne hekmel wengo memao wafu bliobe, eka elita ne hekmel wengo memao mo wafu blibbabe genamabe kesoa ibo ib kukub nabib osa eka ib weng obib osa kla funaine!

1 Fita 2:16

Nakaia unanga ibo ib bobol temo kla kima bliba kukub misiamo ib bobol temo mo kimaim blim bio kesoa ibo mo funanibta Ni kukub misiamo nanomo ge funanimibe! Wentine, ibo Gode okok naka kesoa kukub misiamo deiboniba kukub ayam ota wafueine!

1 Yon 2:24

Ibo sino Gode wengo wentibbio weng olo mo baleiso nimibe! Kla wafueine! Ibo sino Gode wengo wentibbio amitie wafunib mole ibte Aye God etem e miin etem naniba ib bobol temo amitie makob nomabiobe.

Lebelesen 14:13

Ne imin wentia abilim uto weng mako baanoa Kobo weng olo dolanale! Nakaia unangai Sume bainobo gebaniba kulilaibi amitie memalosa sinanomosa i seinine gesoa wentena bia Hob esa baanea Bainobo, i kla seinomabiobe. I kaanimibo bumoloko blimobe. I singkamomabiobe. Niminbabe, sino i dabalimo binibbuo kukub ayamo nabinibbio kesoa Gode watemubenea yang kenamabebe. Kukub ayam olota dletnota monibta Gode bibo unomabiobo gesea wentibe.

Lebelesen 22:14

Nakaia unangai wanita kukub misiamo namin bobolo funino deibonib mole i makob nakaia unangai youmo fubanabibi ulab kesoa i seinine! I afen smik ase yame dowoniba moniba bib olo amito tam unomabiobe.