Yems 1:12 - Mian

¹² Eka omomom kukub misiamo ibsuo tloa ibo Gode kukubo sbalma wafueib mole ibo seinomabiobe. Sino Gode e goba biob naka nibo moton wengo baabenea Omomom kukub misiamo ibsuo tlamo ibo sbal maniba ne bobolo funib mole afen smike doboniba amit nomabiobo genebuo ibo inaniba afen smike doboniba amit nomabib kesoa ibo seinine!

Yems 1:12 Iomraidhean Croise

Matyu 10:22

Ibo ne niniino omkeimabib kesoa naka homon unang homoni bib mak betan mak olo blibi ib alo tliyebua inayemomabib otane nakaia unangai wanita sbal maniba i bainobo galino amitie wafu tatniba mubiang amo tam tlamo Gode nakaia unanga eli dleb mo danea amit nomabiobe.

Matyu 25:34

eka Komok Sum ne kweile kweita sin dae blibi baabenia Ne Aye Gode ibo inamin namin ayamo daabenea omyebio kesoa ibo tlaniba bib unine! Sinanggwano dabale mema klane dimo bib olo klanea baanea Ibmibo genebio kesoa ibo bib olo kimanomabiobe.

Dowan Weng Olo Luke Dolanebuotabe. 6:22

eka imin baabenea Sinanomo Abilim Da Tlemin Naka ne bainobo getneniba beketne haaniba naka maki yatemniba atliaubenoa ibo fotebe nabianiba weng dobo weng oye bianiba ib niniino watwat dayemibo ibo seinine!

Fole Lom teni bainobo galini futano dola omfubesebe. 5:4

Eka enino inanoa nib dimo tam tlemo nibo kukub ayamo sbalma wafunob mole Gode nibo yatenea baanea Ib kukubo ayamobo genamabebe. E nibo inangge oyeme mole nibo kining anoba makob Gode ulab anomabbuo waiso bianoba seinomabbiobe.

Fole Lom teni bainobo galini futano dola omfubesebe. 8:28

Eka Gode ele bobol tem funin ye nibo dlakanebua nibo e kla goba biobobe. Inanebio kesoa nibo tekein kebuobe, inamin namino ayam osa misiam osa alukum nib dimo tam tlebo olo Gode nibo baabenea Ne kukub olo ibo omkaye biania dosbal sambi kesoa ibo sbal manomabiobo genebiobe.

1 Kolin 2:9

Ina otane nakaia unangai Gode goba blib ita e wengo wentebiobe. Gode buk temo enangge baanoa Gode inamin namin ayamo klanea baanea Nakaia unangai ne wengo gobo blibi inamin namin ayam olo doyamabibo, eka nakaia unangai dabalim olo blibi inamin namin ayam olo watemniba o wengo wentenanamino blimobo, eka nakai inamin namin olo bobolo funanamin osa blim nabo genebiobo genobiobe.

1 Kolin 8:3

Otane nakaia unangai Gode goba blib ile i bobol tem funino ayamobe. Nakaia unanga eli Gode oye bianea I nemi kesoa ne i tekein kebibo ge oyebebe.

1 Kolin 9:25

Nakai funaniba Ni sbal manoba gigi monoba naka maki gaisenoba inamin namin ayamo dlomo ge funanimibo abilo deiboniba hang fleleng aniba gigi unaibo naka maki gaisenibta inamin namin ayamo dlomabiobe. I inaniba inamin namin ayam olo dlomabib otane o amito mo nomobabe. O un kesoa imin blimanamabobe. Otane nibo Gode okoko sbal manoba okok kebinob biamo e inamin namin ayamo blimanaminba amit nino doyamabebe.

2 Timoti 2:15

Kobo Gode okoko sbal maneba okok kemeba e keb okoko watemnea baabkenea Keb okoko molotobo ge baabkeneko! Kobo okok olo inamebo Gode kin dimo aalo genalino blimobe. Eka kobo Gode bain wengo mitmakamo kla tekein kebianeba naka mak unang maki omkayemale!

2 Timoti 4:8

Ne okok olo kla okok kebio blimano kesoa inamin namino dlonamino waiso blibe. Inamin namino dlonamino mitmakamo inaminobe. Sume nibo baabenea Ibo naka molot unang molotobo ge baabenamabebe. E naka molotobe. Sinanomo mubiang amo dimo e nakaia unangai kukubo klanang genea tlameo ne inamin namino donenea baatnenea Kobo naka molotobo ge baatnenamabebe. Eka e inanamabeo ne nenekiemo mo donamebabe. Nakaia unangai alukum Yesuse imin tlamabebo geniba waisa blib isa inamin namin olo doyenea baabenea Ibo naka molot unang molotobo ge baabenamabebe.

Hiblu 10:32

Sino ibo Gode wengo nena wenteniba bainobo geibbuo bobolo funaine! Ibo mema bainobo ge blib dimo naka maki teniba enin kino omkayebib otane ibo Gode kukubo mo deibueim blim amitie nekek ge wafu binibbuo bobolo funaine!

Hiblu 11:17

Sinanggwano Gode Eblahame baabanea Sinanoa keb molobseli walaibo Aisake meme ita keb molobsel motonobe. Eka sbil keneba dofanebe e meme ile keb molobselbabo ge baabanebiobe. E inangge baabanebua sinanoa funanea Ne Eblahame naatemia e miine ananea dobname deitnenemeo atemano genea baabanea Keb miine Aisake ananeba dobnene ge baabanea naatemsebe. Eblahame Gode wengo wentenea inanea e miine ananama bianea e Gode moton wengo bobolo funanea Ne anaia kaanemeo Gode imin dofaanea hananamabebo ge funane kesoa e Gode weng olo bainobo ge fumbea Gode Aisake imin dobonea Eblahame dabalebiobe.

Hiblu 12:5

Gode ib bainobo galino omsbal mabenamin wengo naka make Gode buk temo dolanebuo dokobenoa deibueiba bleka? Ne weng olo imin baabenamabibe, e weng olo dolanebuo enangge baanoa Gode e memei baabenea Ne meme ibo kukub misiamo nabibo ib Sum ne yang kenia yenaia tekein kenomabibo inaminobe. Makob naka make e miine inamin namin kukub misiamo nasea ananea tekein kenea inamin kukubo deibonamabe inania e ande dofanamabibe. Nakaia unangai ne baabenia Ibo ne memebo ge baabeibuei kukub misiamo nanimibo ne i yemde dlania alebeia tekein keniba funaniba Ni kukubo misiam nabobtabo geniba deibueine genia inaye binabi kesoa ne ibo inabenimio ibo mo funanibta Gode ni mo gobeim blim keneta nayebebo ge funanimibe! Ne inania ibo yemde dlanimio ibo kukub olo funaniba Ni kukub olo misiam nabobta Gode alebenebo, kukub misiam olo deibonomo ge funaniba deibueine genita nabenamabibo genebiobo genobiobe.

Hiblu 6:15

Gode Eblahame baabanea Ne kobo daabkenamabibo ge baabanebuo e waisa bia daabanebiobe.

Yems 2:5

Ne nekwal ibo wenteniba funaine! Naka maki nakai inamin namino blimi yatemniba funaniba I inamin naminsababo, i besa nakabo ge fumbib otane Gode naka eli dlakanebua e daayebea bainobo gabianiba i bainobo galino sbalma blib kesoa sinanomo i e kimanin bibo unomabiobe. Makob sinanggwano e moton wengo baanea Nakae ne bobolo fumbianea ne bainobo gabe mole e ne kimanin bibo unamabebo genebio inanomabiobe.

Yems 5:11

nibo baabenoba Naka eli ayamobo ge oyebuobe. Ibo naka make niniino Yobe weng sango wentebib yotabe. E enin sumo wateme otane e kukub ayamo sbalma wafu bia Gode e kukubo atemnea goba bianea daabaseo ibo tekein kebiobe. Gode nibo dohalim bianea daayebebe.

1 Fita 3:14

Ina otane ibo kukub ayamo nabiba naka maki ib kukub olo dafao enino omyib mole ibo seinine! Ibo i tolo mo tosiam bianibta ib bobol temo usano mo keyemone!

1 Fita 4:13

Sino enin olo Klaiste dim osa tam tlubanobiobe. E enin kino watemebio kesoa Klaiste bainobo gabib naka unang ibsa inaniba i enino ibo omyomabiobe. I ibo inayemibo seinine! Ibo inaib mole Klaiste imin tlea e titilo keimanomo dimo ibo dot seinin sumo seinomabiobe.

1 Fita 4:14

Ibo Yesus Klaiste bainobo gabib kesoa naka mak unang maki ibo weng misiam oyemibo ibo seinine! Niminbabe, Gode Hobe titil sumo bibabue nibo bekebe biebe.

1 Fita 5:10

Gode ibo dlakanea baanea Sinanoa ne inamin namino ayamo ibo omyia ibte Klaist ete naniba amit nomabiobo genebiobe. Memalo ibo enin kino watememomabib otane o amito mo nomobabe. Gode daayemin kukubo mit kesoa e sinanomo kukub ayamo imin omyenea daabenea ibo dosbal manea titil sbalo omyamabebe.

1 Fita 5:4

Ibo inaib mole bainobo galin nakaia unanga nib Kimanin Naka Sume tenea e inamin namin ayam ayamo ibo omyamabeo o mo blimanomobabe. Amit namabobe.

1 Yon 4:19

Sino Gode nibo gobe binebio kesoa nibsak ina bianoba naka mak unang maki gobe biobobe.

Lebelesen 2:10

Namo namo ibo enin sumo watemomabib otane ibo mo tosianimibe! Wentine! Gululame ibo naatemang genea ib isak temo klabuto gengkamabebe. Eka amo 10 o blimanamabo dimo ibo enin kino watemomabib otane ibo bainobo galino sbalma wafunib mole ne afen smike amit nine dobyamabibe.

Lebelesen 3:19

Ne naka maki gobe blia i kukub misiamo wafueib mole ne yenania i kukub misiamo nanimibo dlo klaia tekein kenomabib kesoa ibo kukub olo kla funaniba ib bobol temo deskinaine!

Lebelesen 3:21

Nakai wanita kukub misiamo Yeye geniba ombiaib biamo ne nakaia unangai kimanamabi dimo baabenia Ibo ne biin dim ele touniba makob sino ne kukub misiamo Yeye ge ombiania Aye biin dimo toumbli inaine ge baabenamabibe.