Efesas 6:9 - Mian

⁹ Kimanin naka ibsa kukub ayamo ib okok nakai omkaye bianiba makob i naniba ib wengo wente bianiba kukub ayam wafu blib inayemine! Ibo kukub misiamo mo naye bianibta tosianino mo omkayemibe! Ibo funaine! Gode abilim ut bie ibsa ib okok naka isa ib Sumobe. Gode nib kukubo klanemeo e mo funaneta Naka ele okok nakabe, eka naka ele kimanin nakabe gabebabe. E funino nibo makobobe.

Efesas 6:9 Iomraidhean Croise

Matyu 22:10

i moniba deib deibo hen haabianiba nakaia unangai ayam isa misiam isa homoni baa dleb motemniba imen unalin amo dinbianiba imena kulanao wembinibbiobe.

Matyu 22:8

komoke e okok nakai maki baabenea Ne falo gaibu otane nakai baabenia Tliba falo tila dowonomo geibio nakai misiam naib kesoa

Matyu 24:48

Otane okok naka misiam ele funanea Ne kimanin nakae hebmamsabo mo tlamabebabo genea okoko debianea

Matyu 24:51

ande dofanea dabanea monea bib misiamo nakaia unangai dim omin sitalsai tena bianiba enin kino sum wateme bianiba memin sumo memomabiobo ge baabesebe.

Matyu 7:12

Ibo funaniba Naka maki ni kukubo yota nayemine gabib mole ibsak kukub olota i nayemine! Mosese hekmel weng osa Gode weng omkeimalin naka isa weng olo inangge baaniba dolaibbiobo ge baabesebe.

Dowan Weng Olo Luke Dolanebuotabe. 6:31

Ibo funaniba Naka maki ni kukubo yota nayemine gabib mole ibsak kukub olota i nayemine!

Dowan Weng Olo Yone Dolanebuotabe. 13:13

Ibo ne Aleyemin Nakao ge one bianiba Sumo ge one biam blibo, olo bainobe. Ne ib Sum eka ib aleyemin naka nabe. Otane ne nene niniino omfufumin kukubo mo wafu binabiba kesota ne ib skilono aayo fubabeiobe. Ibsa inanibta ib niniino omfufumino deibo bianibta ib sinwalo inaniba maki daabesese bianiba eka okok afet osa inaniba dabesese nine!

Abosel 10:34

Fitae baabenea Ne fumbio memalo Gode nakaia unangai mito mo fumbianea eka nakai niniinsai bobolo mo fumbiam biebabe.

Fole Lom teni bainobo galini futano dola omfubesebe. 2:11

Niminbabe, Gode nakaia unangai kukubo nabinimibo klanang gameo e makob kimin klanamabe kesoa e Yuda isa Yudaba isa i kukubo makob yang kenamabebe.

1 Kolin 1:2

Ae Gode meletani Yesuse bainobo galin nakaia unangai Kolin bibo blib ibo ne Sostenise ni dabta ib futan olo dola omfubenomabbiobe. Sino Gode ibo dlakanea baabenea Ibo Yesus Klaiste wengo wenteniba bainobo geniba kukub misiamo deiboniba kukub ayam ota wafuniba nemi aine ge baabenebiobe. Bib mak bib mak seli naka homon unang homoni Nib Sume Yesus Klaiste niniino sumobo ge baaniba e niniino dobtouleb blibi ib sinwalo emibe. Yesus Klaiste nib Sumobe.

1 Kolin 7:22

Nakaia unangai naka maki ge dleb mo daibbua bianiba moni okokba besa okoko okok keyebib ibo bobol ilumo mo omfubenomone! Niminbabe, sino ibo kukub misiamo nabibo ge dlabu otane Sume Gode dlakanea ibo e wengo wenteniba bainobo geib dimo e ibo hengmino temo blibo dotlanebio kesoa kukub olo ibo imino mo ge dlanomobabe. Eka nakai inamin namino ibmaye kima bianiba okok kebib naka ibsa Gode dlakanea ibo Klaiste wengo wenteniba bainobo geniba e okoko okok kebib kesoa ibo makob Klaiste okoko besa okok kehamin nakabe.

Kolosi 3:25

Eka nakaia unangai kukub misiamo nabib ile Gode i kukub misiamo yang kenea enin kino omyamabebe. Gode nib kukubo klanang gameo e mo funaneta Ne kimanin naka ele e kukub misiamo molo yang kenamino deibania okok naka eta e kukub misiamo molo yang kenano ge funanemebabe. E funanea I makob kesoa ne i kukub misiamo molo makob yang kenano ge funanamabebe.

Kolosi 4:1

Kimanin naka ibo ib kimanin nakae abilim ut bianea ib kukubo nabibo watemeyebe kesoa ibsak inaniba ib okok nakai kla kima bianiba kukub ayam omkayemine!

Yems 2:13

Ibo naka mak unang maki mo dohalilaniba daabeim blim keibbio mole sinanomo God esa ibo mo dohalilanemebabe. Otane ibo naka mak unang maki dohalilaniba daabeibbio mole sinanomo God esa inanea ibo dohalilanea daabenea ibo e nakaia unangai kukubo klanang game dimo ibo mo tosianimibbabe.

Yems 2:8

Sinanggwano Gode hekmel wengo e buk temo dolanea baanea Ibo ilib unaalo gobo blib inaniba naka mak unang maki ibo baka blib isa gobeine ge baanea dolanebuo ibo wenteniba inaib mole kukub olo ayamobe.

Yems 5:4

Ibo ib okok nakai memin wengo wentine! I okok monio atosino ibma oleb une bianiba atosin ota okayebiba i moni dafao mebibo abiseli Sume Gode i memin wengo wentebe kesoa sinanomo e yang kenea ibo enin kino watemomabiobe.