Efesas 2:7 - Mian

⁷ Gode fatnaneta nibo inabenebue? E Yesus Klaiste dabanea daakenea nibo hengmino temo biobo dotlanebio kesoa nakaia unangai memalo blib isa eka sinanoa walo unomabib isa e kukub olo wateniba funaniba Gode kla gobe bianeta daabenebiobo ge funomabiobe.

Efesas 2:7 Iomraidhean Croise

Fole Lom teni bainobo galini futano dola omfubesebe. 2:4

Ibo tekein kebiobe, Gode ibo dohalim bianea daayebebe. E mo funaneta Ne i kukub misiamo nabibo hebmamsab yang kenano gabeba kesoa ibo mo funanibta Kukub olo besabo genimibe! Gode funanea I hengmino deiboniba bobol temo deskinaniba ne omnine ge fumbe kesoa e ib kukub misiamo hebmamsabo mo yang kenemebabe. E ibo waise biebe.

Efesas 1:7

Yesus Klaiste kaanea e ileme singanea nib hengmino walubenebiobe. Gode daayemin kukubo sum kesoa e inanea nibo daabenea nib hengmino omtlabenebiobe. Gode bobol tem funino ayam kesoa e nibo inabenebiobe.

Efesas 2:4

Sino nibo e wengo omdibiha bianoba makob kaanabibi ulab binobbiobe. Sino nibo hengmino temo biob dimo Gode kla gobenea kla dohalilanea nibo hengmino temo biobo dotlanebiobe. Nibo inanoba makob kaain kenobbu otane Gode inanea Klaiste dabanea daakenea kaanea nibo hengmino temo biobo dotlanea Gode imin dofaana bianea nibsa dohaanea Klaiste tenanoba hananobbiobe. Gode ele bobol tem funin ota wafu bianea nibo daabenea hengmino temo biobo dotlanebiobe.

Efesas 3:21

Yesus Klaiste nibo daabenebio kesoa e bainobo gabob nibo Gode niniino memalosa sinanomosa amitie dobtouleb nomo! Bainobe.

Efesas 3:5

Sinanggwano Gode e weng ayok olo nakaia unangai dabalim olo binibbuei mo alebeim blimobe. Otane memalo e Hobe Yesuse okok dlasanin naka nisa eka Gode weng omkeimalin naka isa ni alebenebio kesoa ni Gode weng ayok olo tekein kebuobe.

2 Tesalonaika 1:12

Inamin kesoa ibo nib Sume Yesus Klaiste niniino dobtouleb niba esak ib niniino dotouleb naneko! Niminbabe, nib Sume Yesus Klaiste Gode i dumo ibo daabeibbio kesoa ayam bliobe.

Taitas 3:4

Ina otane nibo hengmino temo biobo dotlanebio nakae Gode nibo gobenea dohalilanea nibo hengmino temo biobo dotlanebiobe.

1 Fita 1:12

Gode i bobol tem funino omyenea i funaniba Inamin namin kukub olo weng sango nibo dolaobo mo watemomabobba otane sinanomo naka mak unang maki nib abuk walo unaib ita inamin namin olo watemibta daabe nanamabobo ge funaibbuo nakaia unangai abuk walo unomabib ile ibtabe. Gode e Hobe dabanea daakenea naka mak isu tlanea Gode dowan weng olo i omkayebebe. E inayebe kesoa i wengo ibo omyibbio makob sino Hobe nanea e dowan weng olo nakaia unangai omyebio inabeibbiobe. Gode abisel isa funaniba Nisa dowan weng olo mitmakamo tekein kenomo geib otane i mo tekein keim blimobe.