Efesas 2:4 - Mian4-5 Sino nibo e wengo omdibiha bianoba makob kaanabibi ulab binobbiobe. Sino nibo hengmino temo biob dimo Gode kla gobenea kla dohalilanea nibo hengmino temo biobo dotlanebiobe. Nibo inanoba makob kaain kenobbu otane Gode inanea Klaiste dabanea daakenea kaanea nibo hengmino temo biobo dotlanea Gode imin dofaana bianea nibsa dohaanea Klaiste tenanoba hananobbiobe. Gode ele bobol tem funin ota wafu bianea nibo daabenea hengmino temo biobo dotlanebiobe. Faic an caibideil |
Ibo tekein kebiobe, Gode ibo dohalim bianea daayebebe. E mo funaneta Ne i kukub misiamo nabibo hebmamsab yang kenano gabeba kesoa ibo mo funanibta Kukub olo besabo genimibe! Gode funanea I hengmino deiboniba bobol temo deskinaniba ne omnine ge fumbe kesoa e ib kukub misiamo hebmamsabo mo yang kenemebabe. E ibo waise biebe.
Gode nibo hengmino temo biobo dotlanea funanea I ne naka unang aine genea nganabenebiobe. E nibo nganabenebuo nib kukub nabobo mo kibianeta nganabeim blimobe. Yeye. E ele bobol tem funin ota wafu bianea nibo daabenea kukub ayamo omyebiobe. Sinanggwano Gode dabale mo klaim blim bie dimo e funanea Sinanomo Yesus Klaiste dabaia daaknea dabalim daak unea nakaia unangai daabenia kukub ayamo omyamabibo genebiotabe.
Nibo nib Sume Yesus Klaiste e Aye Gode niniino dobtouleb nomo! E nibo dohalilanea daabenano gene kesoa e Yesus Klaiste dabane tenea atdimo kaanea imin hana tlanea nibo daabenea mema naka unang anobbuo bobolo funomo! Yesuse imin hananebuo nibo tekein kebuobe, sinanomo nibsa imin hananoba monoba Gode bib unanoba amit nomabbio kesoa nibo am olo bobolo funanoba waisonomo!