Efesas 1:7 - Mian

^7-8 Yesus Klaiste kaanea e ileme singanea nib hengmino walubenebiobe. Gode daayemin kukubo sum kesoa e inanea nibo daabenea nib hengmino omtlabenebiobe. Gode bobol tem funino ayam kesoa e nibo inabenebiobe.

Efesas 1:7 Iomraidhean Croise

Matyu 20:28

Abilim Da Tlemin Naka ne tlibu osa inaminobe. Ne mo tlita Nakaia unangai ne okoko okok kenemine genita tlim blimobe. Ne tenia nakaia unangai daabenia atdimo kaania nakaia unangai homoni hengmino walubenano genita tlibiobo ge baabesebe.

Matyu 26:28

Sinanggwano Gode moton wengo baanea Ne kaania ileme singania nakaia unangai hengmino omtlabenamabibo genebuo ne bain inanamabibe. Ne baabenamabi ole ne waen aay ele dowei biamo imino mo doweim blim blia sinanoa ibte nete nanoba ne Aye kimanin bib uto minomob dim ota ne waen aay ele imin dowonamabibo ge baabenea obya doweib ole

Matyu 6:12

Kobo ni hengmino omtlabeneba eka nisak naka maki hengmino omkayebib biamo funino dokobenoa deibenomo!

Dowan Weng Olo Make Dolanebuotabe. 14:24

e baabenea Ele ne ilemobe. Sinanggwano Gode moton wengo baanea Ne kaania ileme singania nakaia unangai hengmino omtlabenamabibo genebuo ne bain inanamabibe.

Dowan Weng Olo Luke Dolanebuotabe. 1:77

kobo Gode i hengmino omtlabenea dlamabe weng olo omkayemale!

Dowan Weng Olo Luke Dolanebuotabe. 24:47

eka naka maki e niniino mikiktemo Yelusalem bib seli sino omyenibta mitdata bib mak bib mak sel isa Gode Dofakamin Nakae Klaiste niniino omkeimaniba omkaye bianiba baabeniba Ib hengmino deiboniba ib bobol temo deskinaniba Gode omaliba e ib hengmino omtlabeneko ge baabenomabiobo genobiobe.

Dowan Weng Olo Yone Dolanebuotabe. 20:23

Nakaia unangai hengmino hengabibo deibueiba ibo baabeniba Ni ib hengmino o bobolo imino mo funomabbiobabo ge baabeib mole Gode esa inanea i hengmino bobolo imino mo funamabebabe. E omtlabenamabebe. Eka nakaia unangai hengmino hengabibo mo deibueim blim keiba ibo baabeniba Ni ib hengmino bobolo funino mo dokobenomobabo ge baabeib mole God esa hengmin olo mo omtlabenemebabe. E amitie funamabebo ge baabenea deibe onsebe.

Abosel 10:43

Sinanggwano Gode weng omkeimalin nakai Yesuse weng olo buk temo dolaniba baaniba Nakaia unangai e bainobo geib mole Gode i hengmino omtlabenamabebo ge baabenibbiobo ge oyemonea

Abosel 2:38

Fitae baabenea Ibo ib hengmino deiboniba ib bobol temo deskinaniba Gode omaniba Yesus Klaiste niniin dimo aaye fuelaniba Gode ib hengmino omtlabenea e Hobe dobyeko!

Abosel 20:28

Gode Hob eta nakaia unanga eli ibo doyebio kesoa kla kima bianiba ibmal osa kla biam bianibte! Gode e miine ilem ota oloneta nakaia unanga eli hengmino walubenea Nemibo genebiobe. Ibo makob eil sibsib kimanin nakai ulab kesoa nakaia unanga eli kla kimaine!

Abosel 3:19

Ibo inaibbio kesoa ib hengmino deiboniba ib bobol temo deskinaniba Gode omaliba e ib hengmino omtlabeneko!

Fole Lom teni bainobo galini futano dola omfubesebe. 2:4

Ibo tekein kebiobe, Gode ibo dohalim bianea daayebebe. E mo funaneta Ne i kukub misiamo nabibo hebmamsab yang kenano gabeba kesoa ibo mo funanibta Kukub olo besabo genimibe! Gode funanea I hengmino deiboniba bobol temo deskinaniba ne omnine ge fumbe kesoa e ib kukub misiamo hebmamsabo mo yang kenemebabe. E ibo waise biebe.

Fole Lom teni bainobo galini futano dola omfubesebe. 3:24

Nibo naka ayam unang ayamba otane Gode nibo dohalilanea daabenano genea Yesus Klaiste dabanea tenea atdimo kaanea e ilemo nakaia unanga nib hengmino alukum walubenebio kesoa nibo Yesuse bainobo genomobo Gode funanea Ne kin dimo i hengmino blimobo ge funanamabebe. Nibo inanomobo mo yang kenomobbabe. E besa daabenebiobe.

Fole Lom teni bainobo galini futano dola omfubesebe. 3:25

Eka Gode Yesus Klaiste dabanea daakenea atdimo kaanea Gode atenea funanea Yesuse ele ilem ota nakaia unangai hengmino walubenebo genea e nakaia unangai hengmino omtlabenea i alo tlihamino deibonebiobe. Nakaia unangai Yesus Klaiste bainobo geib mole e i hengmino omtlabenamabebe. Gode inanebio kesoa e kukub ayamo nabeo nakaia unangai aleyebebe. Sinanggwano nakaia unangai hengmino hengabib otane Gode hebmamsabo mo yang keim blimobe. Niminbabe, e funanea Ne Yesus Klaiste dabaia daaknea atdimo kaanea i hengmino walubeneko geneta deibenebiobe.

Fole Lom teni bainobo galini futano dola omfubesebe. 9:23

Gode inanamabe kesoa e titilo ayal inamin einobuo naka mak unang maki alebenano genea e nibo dohalilanea dlakanea alebene biobe.

1 Kolin 1:30

Gode ibo daabenea Ibo Yesus Klaiste bainobo geniba ete ibte nabliobe. Klaiste e bobol tem funino nibo omkayebea nibo Gode e okok osa e kukub osa kla tekein kebob kesoa Gode nibo yatenea baabenea Ibo naka molot unang molot kesoa ne naka unangobo ge oyebebe. Sino nibo hengminsa biob otane Klaiste kaanea nib hengmino walubenebua memalo nibo kukub ayamo wafu biobobe.

2 Kolin 8:9

Ibo tekein kebiobe, Sume Yesus Klaiste abilim uto inamin namino homon biba binabo otane e ibta dohalilaneta daak teneta dabalim ele tlaneta e afobeing blim binebiobe. E inanea ibo daabenebio kesoa ibo abilim uto inamin namino homon olomabiobe. Ne weng ele baabei olo ne tekein kenia I Yesuse kukubo nanebu olo bain inaniba naka mak unang maki daabenomabiba bleka? genano genita baabeiobe.

Efesas 1:14

Gode baanea Ne meletani dlebnia ne bib unang gamio i kukub misiamo alukum blimubenoa dleb utnia ne bib ut danamabibo genebiobe. Nibo hengmino temo biobo e dotlanebi otane memalo nib hengmino alukum mo blimubeim blimobe. Gode e meletan nibo e Hobe amitie bekebe bie kesoa nibo tekein kebuobe, sinanomo Gode bain inanea dleb utnea e bib ut danamabeo nib hengmino alukum blimubenamabo kesoa nibo e niniino dobtouleb nomo!

Efesas 1:18

Gode bainobo gabib ibo dlakanea baabenea Ibo ne meletan kesoa sinanomo ne dleb utnia ne bib ut dania inamin namin ayamo doyamabibo genebiobe. Gode inamin namin olo doyamabibo genebuo ibo waiso bliobe. O dot sum kesoa ne Gode imin baabania Kobo i daabeneba keb kukubo mitmakamo tekein keine ge ohabibe. Ibo e kukubo mitmakamo tekein kenimibo e inamin namino doyamabibo genebu olo tekein kenomabiobe.

Efesas 1:6

Gode e miine e kla goba bie dabanea daakenea kaanea nibo hengmino temo biobo dotlanebiobe. Gode inanea nibo daabenebio kesoa e kukub olo dot ayamobe. Nibo e niniino dobtouleb nomo!

Efesas 2:4

Sino nibo e wengo omdibiha bianoba makob kaanabibi ulab binobbiobe. Sino nibo hengmino temo biob dimo Gode kla gobenea kla dohalilanea nibo hengmino temo biobo dotlanebiobe. Nibo inanoba makob kaain kenobbu otane Gode inanea Klaiste dabanea daakenea kaanea nibo hengmino temo biobo dotlanea Gode imin dofaana bianea nibsa dohaanea Klaiste tenanoba hananobbiobe. Gode ele bobol tem funin ota wafu bianea nibo daabenea hengmino temo biobo dotlanebiobe.

Efesas 2:7

Gode fatnaneta nibo inabenebue? E Yesus Klaiste dabanea daakenea nibo hengmino temo biobo dotlanebio kesoa nakaia unangai memalo blib isa eka sinanoa walo unomabib isa e kukub olo wateniba funaniba Gode kla gobe bianeta daabenebiobo ge funomabiobe.

Efesas 3:16

Gode titilo dot sumobe. Ne e baabania Keb Hobe dabaneba monea Efesas bib seli bainobo galin nakaia unangai keb titilo omkaye bianea i bainobo galino omsbal mabeneko ge baabaiobe.

Efesas 3:8

Ne Gode okok dlasanin nakai maki i tabab tem daak bli otane Gode ele bobol tem funin ye nemfakanea baatnenea Kobo Yudabai Yesus Klaiste wengo omkaye bianeba baabeneba E sinanomo inamin namin ayamo dokayemabebo ge baabenale ge baatnenebiobe.

Filibai 4:19

Eka Gode inamin namino homon kesoa ibo Yesus Klaiste bainobo geniba e okoko okok kemib mole ibo inamin namino blim bibe biamo Gode doyamabebe.

Kolosi 1:14

Yesus Klaiste e ileme singanea nib hengmino walubene kesoa Gode nib hengmino omtlabenebiobe. Sinanomo Gode nib hengmino molo mo yang kenea dlaneta aseinin bibo mo unaobbabe.

Kolosi 1:27

Gode funanea Ne bainobo galin nakaia unangai ne ayok wengo alebenano ge funanea e weng olo i omkeimabenea baabenea Yudaba nakaia unangai ne wengo wenteniba ne naka unang aine ge baabenebiobe. Gode weng ayok olo enaminobe. Yudaba nakaia unanga ibo Klaiste ib bobol tem wat biebe. Sinanomo e nakaia unangai dletnea monea Gode bib ye danea nomabib kesoa ibo am olo waiso bianiba seimbiobe.

Kolosi 2:13

Sino ibo bobol tem misiam fumbianiba hengmino amitie henga binibbiobe. Ina otane Gode amo yo dimo ib hengmino omtlabenea bobol tem funin ayamo omye kesoa ibo Klaist ete naniba ib bobol tem funino makob aniba makob nakai kaaniba imin hana tenabib inaibbiobe.

Kolosi 2:2

Ne okoko inania sbalma biania ibo daayebi kesoa ibo sbal maniba bobol ayam fumbianiba ib sinwalo ib bobol temo makob aniba maki gobeniba daabesese bianiba Gode wengo sino ayok binobio weng olo kla wenteniba tekein keine ge fumbibe. Weng ayok olo Yesus Klaist emaye ele weng sangobe.

1 Timoti 2:6

Amo Gode omfakanea baanea Amo yo dim ota Yesuse dabalimo daak unamabebo genebuo tlo kesoa Yesuse daakenea atdimo kaanea nakaia unangai alukum hengmino walubenebiobe. Nibo Yesuse kukubo nanebuo kukub olo watenoba tekein kenomo! Gode bobol temo fumbeo Nakaia unangai hengmino deibueiba ne i hengmino omtlabeia i nemi aine ge fumbebe.

Taitas 2:14

Sino e abilim ut bie dimo e funanea Ne daatnia atdimo kaania nakaia unangai hengmino walubenano genea daakenea atdimo kaanea nib hengmino walubenebio kesoa nibo kukub misiamo deibonoba bobol ayam fumbianoba e naka an e unang an nabianoba E kukub ayamo kla wafunomo gabuobe.

Taitas 3:6

Yesus Klaiste nibo daabenea nibo hengmino temo biobo dotlanea Gode Hobe nibo dobyebio kesoa e nibo kla daaye binabebe.

Hiblu 9:22

Mosese hekmel wengo baanoa I ilem ele inamin namin olo senge watoubueib mole inamin namino kining anamabobe. Eka ilem ele i mo senge watoubeim blim keib mole Gode i hengmino mo omtlabenamabebabo genobiobe.

1 Fita 2:24

Gode Dofakamin Nakae emaye nib hengmino gokileb utnea atdimo kaanebio kesoa nibo dabalim ele biomabbuo kukub misiamo nibo imino mo dlamanamabobabe. Nibo makob nakai kaaniba smiki unaniba umo deibo unaibo o sbal manoa tanoa inamin namino denabo inanoba nibsa kukub misiamo deibonoba Gode kukubo namine gabe ota namomo! E kaanea nibo daabenebio kesoa nibo klayam bianoba kukub molot ota wafu biobobe.

1 Fita 3:18

Nibo Klaiste kukubo nanebuo bobolo funanomo! E kukub misiamo mo naim blim otane e atdimo kaanea nib kukub misiamo nabobo omtlabenebiobe. E naka molot otane e naka misiam nib alango dokonea dleb metenea God esu ele danebiobe. E nib hengmino bobolo funanea atdimo deib makob kaanebiobe. E imino mo kaanemebabe. E naka moton anea anaiba kaanea imin hananebuo e smike mo kaanemebabe. E amit afen biebe.

1 Yon 2:12

Gode Yesuse nanebuo bobolo funanea o yan ota e ib hengmino omtlabenebio kesoa e ib hengmino bobolo imino mo funemebabe. E inanebio kesoa ne meme ibo ne futan olo ibo dola omfubenamabibe.

1 Yon 2:2

Nakaia unanga nibo alukum hengmino hengabob kesoa Gode nibo dosuambe otane Yesus Klaiste funanea Ne i hengmino omtlabenano genea tenea atdimo kaanea e ileme singanea nib hengmino omtlabene kesoa Gode yatenea e mo dosuambebabe. E inanebuo ninibkiem ninib hengmin ota omtlabenano geneta tlim blimobe. E alukum dabalim sel nakaia unanga nib hengmino omtlabenano geneta daak tlebiobe.

1 Yon 4:10

Nibo Gode goba biob ota gobenin kukubo mitmakama bleka? Yeye gobenin kukubo mitmakamo enaminobe. Gode emaye nibo kla gobe bie kesoa e miine dabanea daak tenea dabalim ele tlebiobe. Nibo alukum hengmino hengabob kesoa Gode nibo dosuambe otane e miine Yesuse funanea Ne i hengmino omtlabenano genea tenea atdimo kaanea e ileme singanea nib hengmino omtlabenea Gode Yesuse naneo wateme kesoa e mo dosuambebabe.

Lebelesen 14:4

Naka eli alelwali mo dlim blim eka i unangi taman osa mo dlebnim blimobe. I naka ayamobe. I eil sibsib mene wengo kla wentebiba e monea betan ato da unang gameo i bekeba haablib itabe. Naka eli sino dabalim nakaia unangai isak tem ele blibta Gode i hengmino walubenea dleb utnea abilim ut danebua i Gode okok osa eka eil sibsib mene okok osa klabib kesoa i makob Gode meme hekwalobe.

Lebelesen 5:9

Eka i mema ans mako enangge ngambianiba Kobo naka molot kesoa inaneba buk olo omoneba halo 7 olo waanamabeobe. Niminbabe, i kanaiba kaaneba keb ilem ota nakaia unangai dabalim olo blibi alukum naka mit afet isa eka weng afet isa eka aal afet isa eka bib mak bib mak sel isa alukum walubeneba i God emi aibbiobe.