Taitus 3:1 - Godigo dwagi yai po buku

¹ Taitus, nago te nago tonalubo Godigo po wali pabo we bidi augwalibolo e po widu geao: augwali te gavman tuni bidi dabe dali genuai bidi dali dologode bidiyu, tama augwaligo po odolama te po wali pao. Tama tiyu tama augwaligo tigidali dwagi yai kolesaga yabo sę sisi eyu bidao, te po ola mao.

Taitus 3:1 Iomraidhean Croise

Bugagia Bidibo Kolesagade Po Asęai Buku 24:21

Eno waio, nage te Genuai Bidide wi eyu, aga dologode me bidiyu, te kingde wi eyu, aga dologode me bidao. Nage te Genuai Bidide me kingde te hagoma ebo we bidi augwalide digibulu bidao.

Kolesaga Koneai Bidigo Pusali Po Elalubo Buku 10:4

Te naga tobolu bidigo nageba wado po obaso da, teda nago naga sę me tagalamuo. Te nago sali sęgę genuai elalubadi digi, tagalao, te nage bugagia dua digi bidibaso da, teda agai nago sali sęgę te tagalaibao.

Aisaia 43:26

“Tialima, dagego homu kone palao, te dagego dwai sę me ebe homu eba wida, teda dagego eno homu dodolama, te da tede po minao.

Jeremaia 27:17

Dagego augwaligo po me odogio. Tiyu, te taun tigidali mu dolabuo. Te dage Babilon king dologode bugagia bidibaso da, te dage bugagia bidaibao.

Matyu 22:21

Tama augwaligo te po wali, “Te Sisargo dao.” Tama agai augwalibolo te po wai, “Tama tibaso, te Sisargo nai, te dagego te Sisar agabolo wei ponoyu mao. Tama Godigo nai da, te dagego Godibolo mao,” wali.

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

Efesus 2:10

Tama God aga digi agai da gesi noma ma nigilai. Agai da Krais Jisas dali wadolama, tama da tǫde bidibo sogo tigidali dago we bidi tau sabo sę naga ela bilimainogo eyu, agai da gesi noma ma nigilai. Tama dago te we bidi tau sabo sę yabo te sę agai polobadu sisi yai.

Bomai Po 17:12

Ma, bidi mego te jas o te pris te Genuai Bidigo gedude sę ebo bidigo po sela sąwani da, teda dagego te bidi elama, isilao. Te tama tiyu, dagego te dwai kolesaga te Israel tomode sela sąyu yao. Po menio.

Filipai 1:11

Tama Jisas Krais agai naga pedalabo dolo mu yai kolesaga augwali dagede geninama pedalama, tama dagego ebo kolesaga tigidali te tiwai naga elaluaibao. Tama tebogo Godibolo bomo yai ula dali genuai nogi si mawaibao. Eno dagede te homu eyu, Godibolo gedu haluasa po wabo dao.

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.

2 Timoti 4:6

Nago te eno megi asęani po te dago ama dedebolo mobaso da, teda nage te Jisasgo wiegi yai sę bidi bidaibao. Tama tiyu, te konealubo pode me, te nago wali pabo tigidali wiegi yai kolesaga ola mabo po me, te po side nago genuai bomo bugagia sidu bideibao.

2 Timoti 5:10

Tama e tobage haniani wiegi yai sę yai nogi elalubo we tiwai: agai te aga wai puluba bugagia tonaluali. Tama agai te gasa bulu we bidi augwali te agai beba asobode nai mayu yali. Tama imilai homu eyu, agai te Godigo po odobo we bidi tau siyu sągą we tedabo sę yai dao. Tama agai te sęgę dali dene dali sali we bidi dabe tau siyu yai. Tama te wilawe we aga te tobage haniani we bidi tau sabo dwagi yai sę ebo kolesaga wali pabo we bidali da, teda nago te tobage we dabe augwali naga nogi te bukude asęąo.

Polgo Si Wali Pas Timotiba Asęani - 2TI 1:6

Tama tibaso eno nago homu hodolabo po megi nagebolo obao. Te Godigo nagebolo te nago yabo sę me, te sę yabo bomo dali, homu kolesaga dali si te nagebolo olo mawai dao. Tama te nagebolo mani nai te nago homugo kone palao. Polobadu eno nogo nago toboluba mubaso tama nago te nai sai. Megi nago te sali nai ma hodolobo sę yao, te bidigo sia bogoli genuai emainu ponobo tiwai ilao.

Polgo Si Wali Pas Timotiba Asęani - 2TI 2:14

Sesemane sogo nago te nago tonalubo we bidi augwali homu te eno megi wali pogo hodolao. Tama God gedude nago augwalibolo te haniani olo pode konila po olamuo po bomo elama wao. Te olo pode konila po wabo kolesagago te bidi me deli tau sabo usu me egobeo. Menio. Te tobage po odobo bidi dabe te doloyu naga ebo dao.

Polgo Si Wali Pas Timotiba Asęani - 2TI 2:21

Tama bidi dabe augwali te pou dabe tiwai dao. Bidi me deligo te olo po ola mabo bage tagalama, tama aga te meda meni yai bidali da, teda aga te dwagi yai sę mu ebo pou tiwai bidiyu, te aga tedali gasagi yai sę ebo bidi bidaibao. Magi baso meni, aga magi sę me isąwai bugagia bidibaso agai aga Genuai Bidigo sę ebo usu eyu, tama we bidi tau sabo haniani dwagi yai sę tigidali yabo sisi ilaibao.

Taitus 1:16

Augwaligo pedauwaligo naga te po wabo dao, “Eno God koneai dao,” te po wabo. Tiali goli augwaligo bilibo kolesaga ebogo te God hogwa sabo dao. Godigo augwali me godolo ebo menio, hagela mu ebo. Augwali agai po sela sąbo bidi dao, tama augwaligo dwagi yai kolesaga me deli ebo usu meni.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Taitus 3:14

Tama dago we bidi, te Krit tǫde bidibo Godigo po wali pabo we bidi, augwaligo te gasa we bidi tau sabo dwagi yai sę ebo kolesaga koneao. Augwali tama tiyu da, teda augwaligo te nai meni yai we bidi tau sabo sę ebo usu yaibao. Augwali te nai walisiąbo ni tiwai bidilamuo.

Taitus 3:8

Te po mu dao. Tama eno homugo nago te po bomo elama ola mao, te Godibolo augwa homu tigidali mani we bidi augwaligo te ola mabo po dali homugo bugagia kone palama, tama augwaligo bomo elama te dwagi yai sę eyu bidimainao. Dwagi yai sę te dwagi yai page elalubao, tama te dwagi yai sę ebogo te tigidali gasa we bidi dabe me tau sabo dao.

2 Pita 1:12

Tama tibaso, dagego te kolesaga page koneyu, tama dagego te mu po selama, tama dage tede bomonama dolaluai goli, eno homugo te eno dagebolo te po widu geaibao.

Jutgo Asęani Pas 1:5

Te Godigo polobadu mu yali sę po te dagego gisiga koneai digi, eno dagego ma konealumainogo eyu e po ma obao. Polobadu agai te Israel bidi hani tau siyu, tama augwali kalabus togaluyu elama, tama Isip tǫ tagalama odasa pai. Tiali goli nosali augwali meba agai wali poba augwa homu tigidali musiąwai, tama te po wali pisiąbaso agai augwali doloyu ela silai.