Taitus 2:6 - Godigo dwagi yai po buku

⁶ Te gesi bidi dabe augwalibolo me ola mayu, tama augwalibolo wao, “Dagego duga tigigo ebo kolesaga bugagia tonaluao,” te po wao.

Taitus 2:6 Iomraidhean Croise

Jopgo Po Asęani Elalubo Buku 29:8

Tama te gesi bidi dabego ena asobo sulama, augwali ena asobo sunumide ugwanu kila sai dao. Tama polo monu dabe me dolaluama, ena duagilubosi augwali duagiluai dao. Ena genuai nogi mawainu tiai dao.

Godigo Nogi Ugwaba Sabo Tęąbi Po Wabo Buku Dabe 148:12

tama te gesi bidi, me gesi wegimani dabe, tama te monu dabe, me te wai puluba dabe, dage tigidaligo te Genuai Bidigo nogi ugwaba sao.

Kolesaga Koneai Bidigo Pusali Po Elalubo Buku 11:9

Dage gesi ogwa bidi dabe, dagego te dage gesi tigi elalubadi, wiegi yai pemene yao. Dagego te duga homugo godolo homu wali pobao. Tiali goli, dua da, Godigo dagego yali kolesaga te agai po tųde dagalaibao.

Kolesaga Koneai Bidigo Pusali Po Elalubo Buku 12:1

Godigo da tigidali nigali. Tibaso, dage gesi ogwa bidi bidibadi digi dagego aga homu kone palao. Tiyu, dagego aga homu kone gegeda paligio, tama nosali dage monu dabe pedalubo side te dwai sęgęgo dage gegebaso, te dage deli deligo te tiwai po waibao, “Eno ena bidabo ulade wiegi yai homu pemene ebeo,” po waidali weyu.

Joel 2:28

Te Genuai Bidigo po ma weyu, te po wali, “Nosali te eno Mobo Bidi te tigidali we bidiba tagala palaibao,” wali. “Tama te dagego ogwa dabe me, wegigo me, te eno po te profet dabego po pusubo tiwai yaibao,” wali. “Te dage monu dabe bidi dabego te na eyu, te gesi ogwa bidi dabego me te na tiwai yaibao,” wali.

1 Tesalonaika 5:6

Tama tibaso, da sisi eyu, godege piabuo, te gasa sisi isiąma godege pibo we bidi tiwai. Tama dago gedu pedaluyu, bugagia tonaluyu, tama dago homu kolesaga wiegi yai mu elama, bidao.

2 Timoti 5:1

Te Godigo po odobo we bidi hani tomode te monu dabe tobolu bidi me deligo dwai sę eyu da, nago aga te dwai sęde ma dodoloyu tama nago agabolo sesena pai po me olamuo. Menio. Nago po nagame elama dua digi dodolao, te naga aya monu dodolobo tiwai gilama yao. Tama nago te gesi ogwa bidi dabe dodoloyu, te naga ama dodolobo tiwai gilama yao.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

1 Jon 2:13

Aya dede, dagego te tigidali nai gagalali sogode bidali bidi, aga megi me bidibo, te bidi dagego koneai dao. Tama eno te po dagebolo asęna tolobao. Dage gesi bidi dabe, dagego Satango bomo aiyaba elaluai dao. Tama eno te po dagebolo asęna tolobao.