Taitus 2:4 - Godigo dwagi yai po buku

⁴ Tama tiyu augwaligo te gesi we dabebolo te po wao, “Dagego duga bidi dali, wai dabe dali dwagi yai homu eyu godolo yao.”

Taitus 2:4 Iomraidhean Croise

2 Timoti 5:11

Tiali goli nago te augwa bidi dabe isai, te gesi we dabe augwali nogi asęnamuo. Menio! Te augwaligo homu hodolama tama te bidi dali ma pabo homu ebo si, te augwaligo Krais te tudiba muaibao. Tama tiyu, tama augwaligo agai sęde te hasia dąų wali po augwaligo togolama, tama tede sęgę saibao.

2 Timoti 5:14

Tama tibaso, augwaligo tama idali weyu, eno homugo Timoti nago te bidi isai gesi we dabe te augwali bidigo ma sao po wao, tama wai ame nobaso, te augwa hani tonalubo sę yao. Te augwaligo tama tiyu da, teda, te da dali te dwai po wabo boi bidigo tų gegabo usu meni yaibao.

2 Timoti 5:2

Tama nago te mosi dabe dodoloyu, te naga ida mosi dabe dodolubo tiwai gilama yao. Tama nago te gesi we dabe dodoloyu, te naga abe dodolubo tiwai eyu, te wiegi yai dolo homu naga ebadi augwali dodolao. Mena bidi nago dwai sęde dodolabo homu ebo bidi, nago sesena pai homu eyu dodologio.

Taitus 2:3

Te mosi dabe yai we augwalibolo me te po wao, augwaligo te dwai sę isiąbo wego ebo kolesaga dolo wali pao. Tama tiyu augwaligo te we bidi nogi posobo po wagio, augwali bomai ąį tubo sę te dologode bidigio, te po wao. Tama augwaligo te gesi we dabe sibibolo dwagi yai kolesaga ola mao.

Taitus 2:5

Gasa we bidi augwaligo te gesi we dabego ebo kolesaga sulama, tama augwaligo Godigo po dali dwai posobo po waidali weyu, tama te mosi dabe yai we augwaligo te gesi we dabebolo e po me ola mao: “Dagego duga digi bidibo homu kolesaga bugagia tonaluao, tama dwai penane sę ebo homu egimio, tama dagego bidibo be tonalubo sę bugagia yao, tama dagego duga bidi dali wai dabe dali dwagi yai sę eyu bidao. Dage duga bidi dologode bidao,” te tobage po te augwaligo te gesi we dabebolo ola mao wao.