Solomon 8:11 - Godigo dwagi yai po buku

¹¹ King Solomongo wain gi te bulu Balhamonde elaluali. Te bidi dabe augwaligo te gi sę yabo homu ebaso da, te mone hauwa tausen te umabo 1,000 kina silva te kingbolo mobaso usu dao.

Solomon 8:11 Iomraidhean Croise

Tigidali Nai Gagalama Nigali Side 20:16

Tama agai Sarabolo te po wali, “Eno te mone umabo, te mone 1,000 mone silva, te nago abebolo mani. Te tialigo te po isilalio. Te augwaligo mu koneama, te nago dwai sę ebeo po waibao,” Abimelekgo te po wai.

Kolesaga Koneai Bidigo Pusali Po Elalubo Buku 2:4

Eno te genuai sę hauwa yali. Eno ena be te genuai genuai be dabe sęnama, tama eno te wain gi dabe bulali.

Solomon 1:6

Mu tama, eno tigi husugu yali, tiali goli dagego homugo ena te olo sę ebo we tiwai da homu elamuo. Giliga ena tigide dolama, tama eno tigi te tiwai pedelali. Te eno abe dedego ena dali wado po obaso, tama ena te wain gi dabe tonalugi pabo sę idualio. Tama tialigo eno tigi ena digi bugagia tonalusąwani.

Solomon 2:3

Eno abagi te gasa gesi bidi dabe tomode bidibao, te wiegi yai nai du walai ni me deli te gasa buside elalubo olo ni dabe tomode elalubo tiwai ebao. Te genuai giliga nanobo side, ena te ni dologo madi dugulaluabo homu godolo ebo dao. Te ni du walali wiegi yai mu elalubaso, te eno pedauwalide pusu mu ebo dao.

Solomon 7:12

Te kigamu digi mu te da hogodasa peyu, te wain ni dabe sueibao. Te augwali kulubi pedelama, te augwa yabe diligi naniwe, ma meniwe, te homu ebao. Tama dago te nai du wiegi yai walobo ni dabe sueibao. Te augwa plaua dabe diligi naniwe, ma meni yaliwe? Da te wain gide bidalu, te eno te tiwai nagebolo ola mobaso, te eno nage godolo mu eba homu yagameo.

Solomon 8:12

Solomongo aga te mone 1,000 kina somainao. Tama te gi sę ebo bidi dabego te mone bidi sese nogo si 200 kina somainao. Tialima, eno augwalide moni homu hauwa me ebeo. Ena da, te ena wain gi elalubao.

Aisaia 7:23

Te sogo da, dagego gi dabe dola silaibao. Megi te dagego dwagi yai wain ni gi deli delide te 1,000 wain ni bono elalubo, tama te ni dude dagego masigi 1,000 kina te sabao. Tiali goli, te dwai sesane ni me, sesane bono si holama, te ni mesegelaibao, te dwagi yai gi dabe, tama bidi dabe olo bilibo wi yaibao. Ma, bidi dabe augwali teba poloba painu da, teda augwaligo enesigi me selama, hasa kegegi paibao.

Dwagi Yai Gesi Po Makgo Asęani 12:1

Tama Jisasgo te po meba begelama, te Juda dabego genuai bagebolo wai. Agai te po wali, “Te bidi me deli agai te bono du wain gi bulama, tama obogo bagulali. Tama agai te wain bono du ąį sabo agabo madi nigilama, tama te gi tonaluabo bidigo bobage sigi be me deli sę yani. Tama agai te gi te bisnis sę yainogo ebo bidi dabe mebago nogoba muai. Tama aga digi te aga digibulu bulu habuba palio.