Solomon 7:9 - Godigo dwagi yai po buku

⁹ Eno nago pedauwali denami odali, te wiegi yai nedu du laulau denami ebo tiwai. Nago ena dali nono nani, te wain ąį pusu mu ebo tiwai yali. Awe, eno abagi wali bidi, eno te wain nage mawaibao. Te godege pibo sogo me te tobage wain wiegi yai ebo da.

Solomon 7:9 Iomraidhean Croise

Bugagia Bidibo Kolesagade Po Asęai Buku 16:24

Te wiegi yai po te tubo nai hani tiwai yaibao, te pusu mu elama, tama te we bidigo tigi bomo ilibo dao.

Bugagia Bidibo Kolesagade Po Asęai Buku 23:31

Tiyu, nage te wain węgo kekemainu elamuo, te aga au te sawi yai elama, tama aga te mubo glas tomode te ula bugagia elalubo, tama nago tubaso da, te nago dogonide wiegi yai mu ebo dao.

Solomon 2:14

Nago naga be tomode bidali, te ba te bulu du dwai madi dedage dwasianu tomode geme dualalubo tiwai elaluali. Te buluba dįą soao, te eno nago sawi yai gesabidi sulama, tama nago wiegi yai dogonigo po wabo eno odaibao.

Solomon 5:16

Agai ena dali naboge si dilibo sogo da, eno te pusu umagi mu yalio. Agai tigi pedai tigidali badu usu nama, te wiegi yai naga yali. Dage Jerusalem we dabe, eno bidi da te tama tiwai tobage bidi me dao.

Solomon 5:2

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Polgo Po Pas Rom Dabeba Asęani 13:11

Magi baso eno dagebolo te tiwai kolesaga yao po waliwe? Edao. Te megi da bidibo sogo te dagego koneanio. Megi dage te godege pila muani tagalama hodaloabo sogo dao. Magi baso meni. Polobadu da gesi konealubo po dąų wabo bidi pedalali, tama Godigo da ma dobola sainogo homu yali sogo te digibulu gana elalubadi yali, tiali goli megi e sogo te dwasianu pąba pedalalio.

Efesus 4:29

Tama dagego dwai meda yai po me wagio. Menio. Dwagi yai po naga weyu, te bomo kimi meni yai we bidi augwali bomo somainu te bomo mabo po wabo usu dao. Tama tiyu, dagego te Godigo olo tau mabo wiegi yai kolesaga te dagego po odobo we bidibolo tama mao.

Kolosi 4:6

Tama tiyu dagego wabo po sesemane sogo dwagi yai eyu tama augwaligo odai hagede emainu tama pusu yabo po naga wao. Tama bidi mego dage Godigo po pagede po me hanalu obaso da, dagego agabolo bugagia wei ponobo po kuna homu kone palama wei ponao.

Hibru 13:15

Tama tibaso, Jisasgo nogide Godibolo wiegi yai homu pemene elama, tama dago te aga nogi ugwaba sabo kolesaga te sesemane sogo agabolo mayu, te ofa tiwai yao. Awe, dago pedauwaligo aga dago Genuai Bidi dao te po wabogo dago Godibolo dena ofa tiwai mabo dao.

Kraisgo Geme Dualali Sę Pedelabo Po Jonbolo Ola Mani 14:13

Tama eno odali, po me deli dagaludu asiyu, te po wai, “Nago e tiwai po asęąo: ‘Megi e tiwai sę gagalobao, te Genuai Bidide wadolali we bidi isibo si, te augwali wiegi yai homu pemene mu yao,’” te po wai. Tama Godigo Tedali Mobo Bidi agai me te po wai, “Awe, mu tama dao. Te augwali tigi dene ebo sę tagaliyu, tama augwali toma tueibao. Augwali olo me pogobeo. Menio. Te augwaligo yali wiegi yai kolesaga, te kolesaga augwali wali paibao,” te po wai.