Solomon 7:10 - Godigo dwagi yai po buku

¹⁰ Ena te ena abagi wali bidigo we da, te agai ena godolo mu ebo dao.

Solomon 7:10 Iomraidhean Croise

Jopgo Po Asęani Elalubo Buku 14:15

Tama te sogo naga koneaiba, naga digi ena nigai da homu yaibao. Tama nago ena nage pąde bidao homu yaibao. Tama tibaso, ena nago i wabo si nage pąba asaiba, nago i wabo dei.

Godigo Nogi Ugwaba Sabo Tęąbi Po Wabo Buku Dabe 147:11

Menio, agai te wiegi yai pemene te agade wi ebo we bidiba yaibao, tama te agai da sesemane godolo ebo dao homu eyu, agaba homu kęą pabo we bidi dabede, te agai augwalide dwagi yai homu ebo dao.

Godigo Nogi Ugwaba Sabo Tęąbi Po Wabo Buku Dabe 45:11

Nago tama tebo te kingo subaso da, te nage sawi yai we da weyu, tama te nage godolo mu yaibao. Aga te nago genuai bidi da, tama tiyu, nago agai po wali pao.

Solomon 2:16

Te abagi eno bidi da, tama ena agai we da. Agai te aga meme kibu dabe te sawi yai plaua dabe tomoba sela pelama, tama augwali te nosai tubo sę ebo dao.

Solomon 6:3

Te aga eno bidi da, tama ena agai we dao. Agai aga meme kibu dabe te sawi wiegi yai plaua dabe tomoba sela pelama, tama te meme dabe augwa te nosai tubo sę eyu bidibao.

Solomon 7:11

Eno abagi wali bidi, nage ena dali asao. Tama da te dwasianu bulu dabeba bidigi pinao.

Esekiel 24:16

“Tǫde bidio, eno koneani, nago naga we godolo homu mu yai, tiali goli te polo tama eno te we dagala selama, te nage olo bidaibao. Tiali goli, nago agade gela weyu, te hobede ebo balia me olamu dao,” wali.

Dwagi Yai Gesi Po Jongo Asęani 17:24

“Aya, eno homugo nago ena mani bidi dabe augwali ena bidibo bulude ena dali da hodobo nosali bidaio, augwaligo eno bomo yai ula dali bomo dali sumainogo yaibao. Polobadu, te tǫ pedalisiąbadi, te sogo nago ena godolo mu eyu, tama nago te bomo yai ula dali te bomo dali enabolo mawai dao.

Godigo Sęba Tagala Palai Bidigo Po 27:23

Megi piali hulide Godigo enabolo po me olama, todalio. Te God eno agabolo lotu weyu, eno agai sę eyu ebo da. Te Godigo enabolo agai ensel bidi me deli ena pageba tagala palali.

Galesia 2:20

Megi ena eno bomogo naga bidibo meni, ena Kraisgo bomogo bidibao. Aga da te Godigo Ogwa da, tama agai ena dali dwagi yai homu eyu godolo mu elama, tama aga digi bidibo ula tagalama tama ena tau siyu isai. Tama eno ena homu tigidali agaba muyu, megi ena e tǫde tigi tomode bidiyu, tama te tiwai ena aga bomogo bidibo dao.