Solomon 6:4 - Godigo dwagi yai po buku

⁴ Eno abagi, nage gasa sawi yai mu da, te wiegi yai taun si Tirsa me Jerusalem tiwai da. Eno suali, nage gasa sawi yai mu yaibaso, tama eno homu dąų wali, te bidigo te ami bidi genuai hani te ugwa plak dali asobo subaso, agai gedu tede dąų wabo tiwai yali.

Solomon 6:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 14:17

Tama te king Jeroboamgo wego agai te po odali, tama tialima, aga hogodama, tama aga te Tirsa hanu taunba ma geasa pali. Tama aga te gagalama, te aga be tomoba pabo sogo, te sogo tama te wai bǫų isali.

Te Israel me Juda Hani Sigo Tuni Bidigo Po Elalubo Buku Deli 15:21

Tama te king Basago te Siria hani augwali asama, te Israel hani dabego hanu taunba boi hwįagasali po odobo sogo, tama agai hanu taun Ramade yali sę tagalali, tama aga te Tirsa hanu taunba pelama bidali.

Godigo Nogi Ugwaba Sabo Tęąbi Po Wabo Buku Dabe 48:2

Godigo te bulu du te wiegi yai mu, tama te ugwanu mu elalubao. Te tigidali tǫde we bidi augwaligo te Saion bulu du godolo mu ebo dao. Te bulu du te not badu elalubao, tama te polalubo kingo taun dao.

Godigo Nogi Ugwaba Sabo Tęąbi Po Wabo Buku Dabe 48:3

God te taun tomode bidiyu, tama agai te we bidi dabego hwįbo sogo tau siyu yai. Tama tiyu, augwali bugagia bidai.

Godigo Nogi Ugwaba Sabo Tęąbi Po Wabo Buku Dabe 50:2

God te Saionde bidiyu, te taun te polalubo taun mu, tama te gasa sawi yai mu elalubao, tama Godigo ula te pepeli diliba pedelali.

Solomon 1:15

Nage gasa sawi yai we mu bidibaso, eno nage godolo mu ebao. Tama nago me nago ena godolo eyu, te nago ena dali gedu ebao.

Solomon 1:5

Dage Jerusalem we dabego, odao. Eno tigi husugu yali, tiali goli ena sawi yai pai mu da. Eno tigi husugu yali, te Kedar dabego wa pai bulude te sel ugwa be dabe husugu yai tiwai dao. Tiali goli, ena gasa sawi yai mu, te sawi yai name ugwa dabe te king Solomongo bede walalubo tiwai dao.

Solomon 2:14

Nago naga be tomode bidali, te ba te bulu du dwai madi dedage dwasianu tomode geme dualalubo tiwai elaluali. Te buluba dįą soao, te eno nago sawi yai gesabidi sulama, tama nago wiegi yai dogonigo po wabo eno odaibao.

Solomon 4:7

Eno abagi, nage gasa sawia pai mu da. Te nago tigide masalu deli me elalubeo.

Solomon 5:2

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Solomon 6:10

Dego mu enaba tononalubo dawe? Agai gesabidi te giliga pedelainu ebo tiwai elama, te giliga ula genuai nanobo tiwai eyu, tama agai gesabidi mu udula pali, te polua ula tiwai yali. Eno aga sulama, tama eno homu dąų wali, te bidigo genuai ami hani te augwa plak dali asobaso sulama ebo tiwai yalio.

Te We Bidi Dabego Jerusalem Hagede Gela Wali 2:15

O Jerusalem, te Israel hani isąwai we bidi augwali tedu ela soyu, augwaligo nage dolali elalubao sualio. Tama augwali noma siyu, nogo hogwayu, tobolu pęyu, kęnę po ola mayu, e tama po obao, “Te taun tama te bidi dabego te wiegi yai sawi yai taun dao,” wali, “te taun te da, agawe? Te taun tama te tigidali tǫ kantri we bidigo gawe yai taun da, agawe?” Augwaligo te tobage hale ilibo po wabo dao.

Sekaraia 12:3

Te tama tiabo sogo pedalubaso da, teda eno te Jerusalem te sęgę yai masigi me deli mu tiwai ilaibao. Te tigidali bulu tǫ kantri bidi dabe te Jerusalem dali boi hwįainu teba sisinagasaibao, tiali goli augwa digi dolaibao, bidigo te moni sęgąį masigi ugaba sagulubo tiwai gilama mu yaibao.

2 Korin 10:4

Tigidali wąbi hwįbo nai dabe dago tolalubo, te tǫde nai tiwai me elalubeo. Menio. Te Godigo bomo elalubao, te boi bidigo bomai obo alubo usu yaibao.

Efesus 5:27

Tama Krais agai homugo aga po wali pabo we bidi agai gedude augwali te wiegi yai mu pedalomainu yali. Tama augwali te husugwa sai me, bedogola sai me, te tiwai elaluidali weyu, tama augwaligo te magi dwai sę me esiąyu wiegi yai kolesaga naga eyu bugagia mu bidimainao. Te homu Kraisgo aga po wali pabo we bidi dali yai.

Kraisgo Geme Dualali Sę Pedelabo Po Jonbolo Ola Mani 21:2

Tama eno te wiegi yai magi dwai sę isiąwai hanu suali, te gesi hanu nogi Jerusalem dao. Eno te hanu te God dali bidibo suali, tama te hanu te dagalu tagalama, tama e tǫba dulali. Te gesi hanugo au dobage wiegi yai elaluali, te we aga bidi dali painogo aga wiegi yai au dobage sisi elama aga bidi dali painogo ebo tiwai ebo suali.