Solomon 6:2 - Godigo dwagi yai po buku

² Eno abagi wali bidi aga giba pali. Te gide te wiegi yai denami ebo nai dabe pągąnąlubao. Te aga meme dabego te nosai dabe tubo sę eyu, tama agai te au sawia pai plaua dabe sisinibo sę eyu ebao.

Solomon 6:2 Iomraidhean Croise

Solomon 2:16

Te abagi eno bidi da, tama ena agai we da. Agai te aga meme kibu dabe te sawi yai plaua dabe tomoba sela pelama, tama augwali te nosai tubo sę ebo dao.

Solomon 4:12

Eno we, nage eno hobolu du mu da. Nage te obo baguai gi me deli tiwai elalubao, tama te tomoba niwai bidi me pisąwani. Nage te ulu wę me deli tiwai te gi tomode elalubao.

Solomon 4:16

Not badu wali, nage asao. Saut badu wali, nage aselama, eno gi waligo mesega sagasobaso, te tigidali pesage te gi habu te wiegi yai denamigo pągąną saibao. Tama eno te godolo mu ebo abagite aga giba aselama, tama te wiegi yai nedu du dabe tuagasomainao.

Solomon 4:5

Nago ame si da, te wiegi yai bulu uni hasa sigo te plaua dabe tomode nosai tudubo tiwai elalubao.

Solomon 5:1

Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

Solomon 5:13

Te agai naboge badu tobolu nisi te wiegi yai, te gide wiegi yai denami yai plaua dabe elalubo tiwai yalio. Agai pedauwali te sawi yai plaua tiwai elaluali. Agai wabo po wiegi yai mu ebaso, te denami ebo wiegi yai sanda tiwai elalualio.

Solomon 6:11

Ena dulama, tama ena te du wiegi yai walobo ni dabe elalubo giba asali. Ena asali, te gesi kulubi dabe te ni dabede te bulu odogode holobo sueinogo asali. Eno te ni waingo gesi kulubi dabe, me te nai du walali wiegi yai elalubo te eno sueinu yali.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Aisaia 57:1

Te bidi dabego te wiegi yai we bidi dabe isibo sogo, te augwa homu si me ebeo, tede homu kone palobo menio. Tama augwa te tiwai homu me sabeo, ‘Genuai Bidigo te bidi dabe isimainogo ilama, te augwaliba pedelainu yali dwai sę te geda mumainogo ebao,’ te homu egobeo.

Aisaia 58:11

Te ena Genuai Bidi, te sesemane sogo eno dage bugagia tonalu, te dage bilibo dodolama, te dagego homugo wei homu ebo nai dabe usu nama mawaibao. Megi dage te ąį meni yai tǫde bidibo tiwai ebao, tiali goli eno dage wiegi yai bomai we bidi pedalumainu yaibao. Tama dage te gi tǫ ili ąį hauwa elalubo tiwai elama, te sula sisąbo ulu ąį tiwai elalueibao.

Aisaia 61:11

Magi baso meni. God, Genuai Bidigo doloba pai kolesaga dali, te aga nogi ugwaba sabo kolesaga dali, te we bidi dabe tomode pedelaibao, te gide bulali nai wai kulubi pedelama, te genuai ebo tiwai yaibao. Tama te gasa Israel hani isąwai we bidi dabe tigidaligo sumainogo yaibao.

Esekiel 34:23

Tama eno ena sę bidi Devitgo hanide bidi me deli sa munama, tama aga eno sipsip dabe tonaluabo bidi nigilama, tama agai eno sipsip dabe augwali bugagia tonalumainu yaibao.

Sefanaia 3:17

God, duga Genuai Bidi, aga dage dali bidibao. Agai bomogo dage tau selama, tama dagego te boide dagego tobolu ela holali dao. Genuai Bidi aga dagede wiegi yai homu pemene elama, tama balia po waibao, te we bidigo lotu wabo genuai sogo ebo tiwai yaibao. Agai dage godolo mu ebao, tama agai po deli me wagobeo,” augwaligo te tobage po waibao.

Matyu 18:20

Awe, te bidi si ma selago eno nogide bulu me deliba sisinabaso da, teda ena augwali tomode bidaibao,” Jisasgo te po wai.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Dwagi Yai Gesi Po Jongo Asęani 14:3

Tama eno dage bidabo bulu dodoligi peyu da, tama ena ma aselama, dage selama, ena dali bidigi paibao,” Jisasgo aga bidi dabebolo te po wai. “Ena bidibo bulude, dage me ena dali te bulude hodobo bidaibao,” Jisasgo te po wai.

Dwagi Yai Gesi Po Jongo Asęani 17:24

“Aya, eno homugo nago ena mani bidi dabe augwali ena bidibo bulude ena dali da hodobo nosali bidaio, augwaligo eno bomo yai ula dali bomo dali sumainogo yaibao. Polobadu, te tǫ pedalisiąbadi, te sogo nago ena godolo mu eyu, tama nago te bomo yai ula dali te bomo dali enabolo mawai dao.

Kraisgo Geme Dualali Sę Pedelabo Po Jonbolo Ola Mani 7:17

Magi baso meni, te genuai tuni bidi duabo nai gesabide bidibo kibu sipsip wai, te aga digi agai augwali tonalubo bidi bidaibao, te kibu sipsip tonalubo bidi agai aga sipsip dabe tonalubo gilama tiwaibao. Tama agai augwali te ąį ulu pedalobo digi odasa pelama, tama augwaligo te bidabo ula yabo ąį saibao. Tama Godigo augwaligo gedude gela wali gedu ąį hola sabaso, tama augwali gela ma wagobeo,” te polalubo tobolu bidigo enabolo te po wai.