Solomon 5:2 - Godigo dwagi yai po buku

² Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Solomon 5:2 Iomraidhean Croise

Tigidali Nai Gagalama Nigali Side 29:20

Tama tibaso, Jekopgo te Resel sainu, te kibu be a naga me badu si, te tama sę iduai. Tama Jekopgo te kibu be a naga me badu si te agai homu kone palali te yadela pali, magi baso meni, agai te Resel godolo mu yai.

Godigo Nogi Ugwaba Sabo Tęąbi Po Wabo Buku Dabe 119:1

Niwai bidi dabe augwaligo magi sę me isiąma, bugagia biliyu, tama augwaligo Genuai Bidigo oda mabo bomo yai po wali pali bidi, augwaligo homu dwagi yai yaibao.

Godigo Nogi Ugwaba Sabo Tęąbi Po Wabo Buku Dabe 81:10

Ena naga ena Genuai Bidi da, ena dagego God dao. Ena digi dage selama, te Isip taga soyu asai. Dagego pedauwali a olalubadi, tama eno te dage pedauwaliba nai muaibao,” walio.

Bugagia Bidibo Kolesagade Po Asęai Buku 23:26

Ogwao, nago eno po bugagia odolama, tama eno kolesaga suyu, wiegi yai pemene yao.

Solomon 1:16

Eno abagi, nage wiegi yai mu bidibao. Nago sawi yali gasa ugadu mu igulalio, tama eno nage wiegi yai pemene mu ebao. Te wiegi yai nosai te da sigo pibo bet sai tiwai elalubao.

Solomon 2:10

Tama agai ena dali e po wali. “Eno abagi we sawi yai we mu, nage buluba teda asao, te nage ena wali asao.

Solomon 2:14

Nago naga be tomode bidali, te ba te bulu du dwai madi dedage dwasianu tomode geme dualalubo tiwai elaluali. Te buluba dįą soao, te eno nago sawi yai gesabidi sulama, tama nago wiegi yai dogonigo po wabo eno odaibao.

Solomon 2:8

Edao! Eno abagi wali bidi enaba asobao. Suao! Aga sasa mano dulu te bulu dabedu ugaba udada asobao, tama eno aga dogonidu wabo po odalio.

Solomon 3:1

Tigidali sogo hulide ena godege pibo sogo, eno te godolo ebo abagide na naga ebo dao. Te eno nade aga tigidali habude gegali, tiali goli eno aga me subeo.

Solomon 4:7

Eno abagi, nage gasa sawia pai mu da. Te nago tigide masalu deli me elalubeo.

Solomon 4:9

Nage eno we, te nage eno hobolu du mu da. Nago ena dwasianu naga suali, te nago eno hobolu du togalualio. Eno nago magede domoani beli sulama, tama ena nagede mu tulaluali.

Solomon 5:11

Agai gesabidi ula te gol tiwai. Agai tobolu nisi te husugu yai mu, te husugu bago tigi nisi tiwai elalubo.

Solomon 5:6

Eno ena abagi sunumi dalali. Tiali goli, aga pai yalio, tama eno aga subeo. Eno agai wali pode homu kone palama, tama eno haliga dwai mu yalio. Te eno aga gegebo sę yali, tiali goli eno aga me subeo. Eno aga i wali, tiali goli agai eno i weyu me ponobeo.

Solomon 6:9

Tiali goli, ena da, eno abagi deli naga elalubao. Aga te polalubo mu bidibaso, tama eno aga godolo mu ebao. Aga idago aga deli naga ame neyu, tama agade wiegi yai pemene eyu, tama aga godolo mu ebo dao. Tigidali gesi wegigo aga sulama, te augwaligo aga nogi ugaba sali. Te kwin we dabego, me te kingo gasa we dabego te balia po weyu, te agaba wiegi yai pemene yali.

Solomon 7:9

Eno nago pedauwali denami odali, te wiegi yai nedu du laulau denami ebo tiwai. Nago ena dali nono nani, te wain ąį pusu mu ebo tiwai yali. Awe, eno abagi wali bidi, eno te wain nage mawaibao. Te godege pibo sogo me te tobage wain wiegi yai ebo da.

Solomon 8:7

Aįgo te tobage isi sula sawainu ebaso, usu me egobeo. Te bidi me deligo aga mone tigidali te wego aga godolo emaina homu elama mobaso da, te aga nai mu meniama, tama te wego aga dwai mu bidabo sę ilaibao.

Aisaia 50:6

Ena te bidi dabego keloago tudide elama, eno penane nisi gudumainu yalio. Te augwaligo enaba dwai posobo po weyu, eno gesabidiba pesą sąyu yali, eno ena gesabidi te augwaliba dualubeo.

Aisaia 52:14

Polobadu te bidi dabego dwai sę mu agaba yali, te aga tigi me gesabidi te dwai mu tonani, te aga bidi tigi tonobo tiwai me ebeo. Te we bidigo aga subo, wi yai dao.

Daniel 8:18

Agai po odubadi yaide, ena gedu gęǫ page elama, tama ena tǫba mu degasa dulali. Tiali goli, agai ena nogo tola selama, te ena ugwaba sagolama, tama ena dolugulai.

Sekaraia 4:1

Ena dali hasia te po wali te ensel bidi aga ma aselama, ena augwaligo te godege piai bidi hodolo ąǫ yagasali.

Matyu 7:8

Magi baso meni. Tigidali bidigo gedu haluasa po God dali hanalubo po wabo bidi dabe, augwaligo te nai saibao. Te nai gegebo sę ebo bidi, agai te nai sueibao. Tama te be tuba elibo bidi, teda Godigo te bidibolo tų dalobo dao.

Matyu 8:17

Tama tiyu, agai te po me deli te Godigo po pusali bidi profet Aisaiago pedauwalidu wali po te usu nanio. Agai te po polobadu wai, “Aga digi dago gasi sai, tama agai dago tigi dolobo sęgę tolasa pai dao.”

Dwagi Yai Gesi Po Makgo Asęani 1:35

Te sogo kigamu digi mu aga hodaluama, tama agaduba buluba dią solama, tama te bidi meni yai madiba me pelama, aga Godibolo po wainogo yai.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Dwagi Yai Gesi Po Lukgo Asęani 6:12

Te sogo Jisasgo Godibolo po wainu eyu, tama bulu duba holama, moni huli sesabi Godibolo po udali.

Dwagi Yai Gesi Po Lukgo Asęani 9:32

Te sogo Pita me, aga abagi si me gedu magane ebaso, godege piai goli, hodaluama, te Jisasde te dagalu pǫ tedela ula tiwai ula Jisasde elalu, te aga dali dolaluali bidi side me te tiwai ula elalubo suali.

Dwagi Yai Gesi Po Jongo Asęani 10:4

Tama augwali tigidali buluba teda soabode, te sipsip tonalubo bidi aga polasa peyu, augwali aga wali pabo dao. Magi basowe? Augwaligo aga po wabo dogoni odoyu, wali pabo dao.

Galesia 2:20

Megi ena eno bomogo naga bidibo meni, ena Kraisgo bomogo bidibao. Aga da te Godigo Ogwa da, tama agai ena dali dwagi yai homu eyu godolo mu elama, tama aga digi bidibo ula tagalama tama ena tau siyu isai. Tama eno ena homu tigidali agaba muyu, megi ena e tǫde tigi tomode bidiyu, tama te tiwai ena aga bomogo bidibo dao.

Efesus 5:14

Tama tialigo da, te po me elalubao: “Nage pila mubo bidi, hodaloao, tama nage te gų pagede ma hodaloama, tama Krais agai wiegi yai ula nage mawaibao.”

Kraisgo Geme Dualali Sę Pedelabo Po Jonbolo Ola Mani 14:4

Te bidi dabe augwaligo te meda yai penani ebo kolesaga me ebeo. Menio. Augwali te gasagi yai meda meni yai mu bidali dao. Te tigidali bulu te Kibu Sipsip Wai painogo ebo bulu, te bidi dabe augwaligo me te aga wali naga pabo dao. Godigo augwali te tǫde bidibo we bidi tomode augwali dią siyu ma abelama, tama augwali te Godigo hasia bidi hani bidali God aga digi ma aga te Kibu Sipsip Wai dali sigo sai dao.

Kraisgo Geme Dualali Sę Pedelabo Po Jonbolo Ola Mani 3:20

Odao. Ena te tųde dolaluyu, tama eno te tųba begebo wabo odao. Tama niwai bidi me agai eno te be tųba bebego wabo po odoyu, te be tų dayu da, te ena te be tomoba pelama aga dali bidaibao. Tama ena aga dali nai tuyu, tama aga ena dali nai tuyu bidaibao.

Kraisgo Geme Dualali Sę Pedelabo Po Jonbolo Ola Mani 3:4

Tiali goli, dage Sardis bulude bidibo we bidi tomode te we bidi meba te bulude bidibadi digi te dwai kolesaga medago augwali ugwa meda ilibeo. Te we bidi dabe augwaligo te tedela yai ugwa munama ena dali bilaibao. Te augwali te sęde usu si dao.