Solomon 4:9 - Godigo dwagi yai po buku

⁹ Nage eno we, te nage eno hobolu du mu da. Nago ena dwasianu naga suali, te nago eno hobolu du togalualio. Eno nago magede domoani beli sulama, tama ena nagede mu tulaluali.

Solomon 4:9 Iomraidhean Croise

Tigidali Nai Gagalama Nigali Side 20:12

Tama mu tama, Sara te ena abe dao. Te da si go aya deli, tiali goli te aga ida tedali. Tama eno aga sai dao.

Tigidali Nai Gagalama Nigali Side 41:42

Ferogo te tuni bidigo mubo ring me deli elaluali. Tama agai te ring aga nogode munaluali pedelama, tama agai te Josepgo nogoba muani. Ferogo te gasagi yai sawi yai mu ugwa dabe te Josep tigiba gudulama, tama aga magede te golgo nigai sen me deli domonai.

Godigo Nogi Ugwaba Sabo Tęąbi Po Wabo Buku Dabe 45:9

Te gasa tǫ pedai kantri tonalubo king dabego wegi dabe, te genuai nogi elalubo we dabe dali, te nago bede bidibao. Kwin we te nago dolo nogo badu dolalubao. Augwa te bulu Ofirde sali wiegi yai golgo nigai au ilibo naigo te agai au elama, bidibao.

Bugagia Bidibo Kolesagade Po Asęai Buku 1:9

Te augwaligo pogo nage te wiegi yai bidi pedalumainu ilaibao, te nago tobolude te wiegi yai sawi yai au tiwai elama, tama nago magede te sawi yai beli elalubo tiwai yaibao.

Bugagia Bidibo Kolesagade Po Asęai Buku 6:25

Nago te wego te sawi yai tigi subaso, te nago pesą ebo homu me igio. Tama agai te nage kekainu te nageba tonono ebaso da, teda nage te agaba me pigio.

Solomon 1:10

Nago tobolu niside gedelali au dobagego te nago gesabidi ula ilali. Tama nago magede domoani wiegi yai beli dabego te nago magede ula mu elalubao.

Solomon 1:15

Nage gasa sawi yai we mu bidibaso, eno nage godolo mu ebao. Tama nago me nago ena godolo eyu, te nago ena dali gedu ebao.

Solomon 3:11

Dage Jerusalem we dabe, dage aselama, king Solomon suagasao. Te kingo mubo madi agai tobolude muani elalubao. Te king Solomon aga we sabo side aga idago te madi aga toboluba muani. Tama te tiali side aga wiegi yai pemene umabogi mu yai dao.

Solomon 4:10

Nage da eno we, te nage eno hobolu du mu da, nago ena godolo mu ebaso, te ena wiegi yai pemene mu ebao. Nago te godolo homu ebo pusu mu ebao, tama te wain ąįgo pusu aiyaba elaluali. Te nago au yali sanda denamigo te tobage wiegi yai pauda dabego denami aiyaba mu elaluali.

Solomon 4:12

Eno we, nage eno hobolu du mu da. Nage te obo baguai gi me deli tiwai elalubao, tama te tomoba niwai bidi me pisąwani. Nage te ulu wę me deli tiwai te gi tomode elalubao.

Solomon 6:12

Eno abagi we, eno nage sulama, ena noma sali. Eno kone palali, ena te genuai bidi mu deligo karisde bidibo tiwai yalio.

Solomon 6:5

Eno homugo nago enaba tonogi homu yali. Nago enaba tonobaso da, te ena nagede mu tulalubo dao. Nago gesabidiba hauwagasai elalubo tobolu nisi te kibu meme hani wiegi yai pemene eyu, te Gileat bulu du dabedu aiyaba sasa mano dulubo tiwai ebao.

Solomon 7:10

Ena te ena abagi wali bidigo we da, te agai ena godolo mu ebo dao.

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Aisaia 62:5

Te naga wai dabego nage selama, te nage dali bugagia bidibo tiwai yaibao, te gesi ogwa bidigo te gesi wegi selama, te augwa si bugagia mu bidibo tiwai ebao. Te Genuai Bidigo wiegi yai pemene nageba yaibao, te gesi noma sogo bidigo we selama, te aga weba wiegi yai homu pemene ebo tiwai ebo dao.

Esekiel 16:11

Tama eno te tobage wiegi yai au dobage dabe nagebolo mawai. Eno nagebolo te nogode holabo nogo mo dabe mayu, te magede domabo beli dabe me mawai dao.

Esekiel 16:8

“Tialima, te sogo ena ma aselama, tama eno nage te bidigo sabo usu yai elalubo suali. Tialima, eno nageba dilapi holobo ugwa saket bulama, te nage tigi mesegelali. Te ena God Genuai Bidi, te eno bomai po nage dali olama, te eno nage sabo po dąų olama, te nage eno we pedelai dao.”

Daniel 5:7

Agai te bidi dabe augwaliba te i bomo elama weyu, augwaligo te sę ebo page konea pelama, te osabo bidi dabe, me te po page kolesaga koneai bidi dabe te sę pedalubaso, te augwali i wali, te augwali asomainu yai. Augwali asobo si da, teda kingo augwaliba te tama po wali, “Te bidi me deligo te po nedelama, tama enaba te po page pusubaso da, teda eno agaba te kingo mubo mama yai name ugwa muaibao. Tama eno te sen gol aga mageba domonama, tama aga genuai nogi elaluaibao,” wali. “Tama aga te eno gavmande te sela wali ofisa bidi pedelaibao,” wai.

Sefanaia 3:17

God, duga Genuai Bidi, aga dage dali bidibao. Agai bomogo dage tau selama, tama dagego te boide dagego tobolu ela holali dao. Genuai Bidi aga dagede wiegi yai homu pemene elama, tama balia po waibao, te we bidigo lotu wabo genuai sogo ebo tiwai yaibao. Agai dage godolo mu ebao, tama agai po deli me wagobeo,” augwaligo te tobage po waibao.

Matyu 12:50

Eno Aya dagalude bidibo bidi agai homu wali pabo we bidi da, te eno ama dabe me, abe dabe me ida dabe dao,” Jisasgo te po wai.

Dwagi Yai Gesi Po Jongo Asęani 3:29

Tama tibaso, bidi me deligo we sobaso da, te we te bidigo sali we dao. Tama te bidi aga abagi dolaluyu, aga abagigo po odobao. Tama we sali bidigo po wabode, tama aga abagi megi tama dwagi yai homu ebo dao. Tama te tiwai, Jisas aga sę megi e baso, tama ena dwagi yai homu mu ebao.

1 Korin 9:5

Te gasa Godigo po sela pabo sę ebo bidi dabe augwali deli deligo te Godigo po wali pabo we kęnama, tama augwali te po pusubo sę eyu gasaba bilibadi te augwa we augwali dali hodobo pabo dao. Te dago Genuai Bidi Jisas aga ama dedego badi, te Pitago me te tama tebo dao. Tama ena me, eno we elalugi sogo da, teda eno me te tiwai eyu da te usugi mu da.

2 Korin 11:2

Te gasa bidi dabe augwaligo te dagego Krais wali pabo kolesaga dolidali weyu, eno augwalide dwai homu ebo dao, te Godigo augwalide dwai homu ebo tiwai gilama. Magi baso meni. Bidigo aga penani sę munu me isąwai wiegi yai bidibo gesi wegi noma te bidi delibolo naga mabo tiwai, te eno dage te bidi deligo naga somainogo eyu sa muanio. Eno dage Kraisbolo maiabo homu ebo dao.

Kraisgo Geme Dualali Sę Pedelabo Po Jonbolo Ola Mani 21:2

Tama eno te wiegi yai magi dwai sę isiąwai hanu suali, te gesi hanu nogi Jerusalem dao. Eno te hanu te God dali bidibo suali, tama te hanu te dagalu tagalama, tama e tǫba dulali. Te gesi hanugo au dobage wiegi yai elaluali, te we aga bidi dali painogo aga wiegi yai au dobage sisi elama aga bidi dali painogo ebo tiwai ebo suali.