Solomon 4:1 - Godigo dwagi yai po buku

¹ Eno we abagi, nage gasa sawi yai dao. Nago te name ugwa pedai tobolude bea selama, te nago gesabidi geme dualiyu tiali, tialima nago gedu eno suali ula yali, magi baso meni, nago ena godolo mu ebaso tiali. Nago gesabidi badu hauwagasali tobolu nisi da, te kibu meme hani me deligo wiegi yai pemene ebo tiwai eyu, te Gileat bulude te dwasianu bulu du dabedu aiyaba sasa mano dulubo tiwai ebo dao.

Solomon 4:1 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 45:11

Nago tama tebo te kingo subaso da, te nage sawi yai we da weyu, tama te nage godolo mu yaibao. Aga te nago genuai bidi da, tama tiyu, nago agai po wali pao.

Solomon 1:15

Nage gasa sawi yai we mu bidibaso, eno nage godolo mu ebao. Tama nago me nago ena godolo eyu, te nago ena dali gedu ebao.

Solomon 2:10

Tama agai ena dali e po wali. “Eno abagi we sawi yai we mu, nage buluba teda asao, te nage ena wali asao.

Solomon 2:14

Nago naga be tomode bidali, te ba te bulu du dwai madi dedage dwasianu tomode geme dualalubo tiwai elaluali. Te buluba dįą soao, te eno nago sawi yai gesabidi sulama, tama nago wiegi yai dogonigo po wabo eno odaibao.

Solomon 6:5

Eno homugo nago enaba tonogi homu yali. Nago enaba tonobaso da, te ena nagede mu tulalubo dao. Nago gesabidiba hauwagasai elalubo tobolu nisi te kibu meme hani wiegi yai pemene eyu, te Gileat bulu du dabedu aiyaba sasa mano dulubo tiwai ebao.

Solomon 6:7

Name ugwago nago gesabidi mesega sali goli, tialima eno nago gesabidi ula ebo suali.

Solomon 7:5

Nago tobolu ugaba mu igulali, te Karmel bulu du tiwai. Nago tobolu nisi udula pali, te kingo sawia pai name ugwa tiwai yali. Tama te tobolu nisigo te king tulaluabo sę mu ilibo dao.

Jeremaia 22:6

“Ena Genuai Bidi, eno te Juda kingo bede po elalubao. Be, eno suali, te wiegi yai mu yai, te distrik Gileat me te bulu du pesage Lebanon tiwai elalubao. Tiali goli, eno nage te olo tǫ pedalubo tiwai yaibao, te tǫ wa pai pesage, me te bidi mu meni yai taun tiwai elalueibao.

Esekiel 16:14

Tama te tigidali bulu tǫ pedai we bidi augwaligo te tama po odali, nage te gasa sawi yai we deli mu pedelali. Nage polalubo we mu da, magi baso meni, ena God Genuai Bidigo, eno nage au ilai dao.”

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.

Israel Hanigo Namba 32:1

Te Ruben hani, me Gat hani augwaligo kau kibu dali sipsip dali hauwa mu bidali. Tama augwaligo te distrik Jaser, me Gileat tǫde te kau kibu dabego tubo nosai dabe wiegi yai mu elalubo suali.

Israel Hanigo Namba 32:40

Tama tialima, Mosesgo te Gileat tǫ te Makirgo hanibolo mani, tama te hani we bidi augwali te tǫ selama, bidali.

Matyu 11:29

Dage ena dali hodobo wali asiąo. Tama dage ena dali bididubadi eno dagebolo po ola mawaibao. Tama dagego kolesaga enade sao. Magi basowe, eno nagamea pai kolesaga te bidi dabe augwali dali eyu, tama ena digi ena aiyaba elalubo dao. Tama dage enaba asobaso da, teda dagego homude te toma tuagameo.

2 Korin 3:18

Tama da tigidali, da te nai me deligo da gesabidi me au palialubeo. Tama Genuai Bidigo wiegi yai bomo yai ula daba asiyu, tama da te gesabidi subo ąį dula tiwai pedalama te ula te bidi dabe augwaliba pobao, tama augwaligo subo dao. Sesemane sogo dago ula umabo mu sabo, tama da hasegeleyu tama Genuai Bidi aga noma tiwai pedalobo dao. Genuai Bidi aga te Mobo, tama agai te tiwai kolesaga da dali ebo dao, tama te bomo yai ula te genilama mu ela pabo dao.