Solomon 3:7 - Godigo dwagi yai po buku

⁷ Suao. Te wiegi yai dugabo sia sai me deli te bidi dabego tolasa asali. Tama Solomon aga digi tede dugawali. Te bidi sese sela 60 ami bidi dabe aga dali asali. Augwali te bomai ami dabe da, te Israel ami dabe dao.

Solomon 3:7 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 14:27

Tama tilama, nosali te king Rehoboam aga sę ebo bidi dabebolo te po wali, tama augwaligo te bras selama, tama augwaligo te sabele dabe ma nigali. Te Isip hani dabego selasa pali sabele dabe hasegelama, te muani siliba muani. Tama te king Rehoboamgo agai te king be tų tonaluabo gavman ofisa bidi me deli dąį ilama sę mani, tama augwaligo te sabele dabe bugagia tonalubo dao.

Te Israel me Juda Hani Sigo Tuni Bidigo Po Elalubo Buku Deli 9:22

Tiali goli, Solomongo te Israel dabe augwali te olo sę ebo bidi tiwai pedalumainu me ebeo. Mu menio. Te agai augwali te ami bidi bidibo sę me, te gavman ofisa bidi sę me, te ami bidi dabe tonalubo bidi ofisa sę me emainu yali. Tama meba te ami bidi dabe tonalubo ofisa sę bidi tiwai te karisde dolaluyu, hwįgi pabo ami bidi tonalubo sę me, te hosde dualasa peyu hwįbo ami bidi dabe tonalubo sę ebo bidi meba te sę ela pali.

Te Israel me Juda Hani Sigo Tuni Bidigo Po Elalubo Buku Si 6:17

Awe, tama Elisago agai e tama God dolo gedu haluasa po wai, “Genuai Bidi, nago te bidi gedu pedelao, tama agai te eno te po wali bidi hani agai sumainao.” Tama tialima, te Elisago sę ebo bidi te agai gedu te Genuai Bidigo pedelama, tama te sę bidi agai suali, ma te gasa hos kibu me, te karis kibu me, te augwali asama, te Elisa bidibo bulu duba usu na sai yali. Te hos kibu me, me te karis kibu me, te bidi dabe me, augwali te isi bogoli ula gagawai mu tiwai pedelai.

Nehemia 4:13

Tama tibaso, eno te sesemone ene me, bainat hwą ge me, enesigi me, te sę ebo tigidali bidiba dobolama mani. Tama eno te augwa hani deli deli bage augwa deli kanemeba deliba sisinigi pelama, bidao po wali. Tama eno augwaliba weyu, te augwali pelama, te obo banis silisąwani te tigidali badu dolalua peyu, te no munalu, tama augwaligo te boi bidi dabe dali boi hwįabo sisi elaluao po wali.

Solomon 1:16

Eno abagi, nage wiegi yai mu bidibao. Nago sawi yali gasa ugadu mu igulalio, tama eno nage wiegi yai pemene mu ebao. Te wiegi yai nosai te da sigo pibo bet sai tiwai elalubao.

Solomon 3:6

Magi naigo te wa pai bulude bidali tagalama, asaliwe? Augwaligo te denami wiegi yai ebo tobage plaua dabe ulubo sogo pedalubo hano tiwai nai pedelali. Te aga denami ebo te bisnis bidi dabego te mone sabo paudago denami ebo tiwai yali.

Solomon 3:8

Tigidaligo hauwa sogo polobadu boi hwįani. Tama augwaligo te bainatgo hwįbo mu konea pai. Tigidali deli deligo augwa bainat tola sesa asalio. Te augwaligo sisi elalu tonaluali, tiyu te boi bidi dabe hulide aselama, hwįagasidali weyu tialio.

Solomon 3:9

Augwaligo te tǫ kantri Lebanonde wiegi yai ni dabe selama, tama te kingo dugabo sia sai nigali, te dwasianu be me deli tiwai.

Hibru 1:14

Te ensel mobo bidi dabe augwali da, te noma bidi, tama augwaligo te Godigo sę ebo dao. Te Godigo augwali tagala palaibao, te aga augwaligo sęgę sali sela sąnama ma sainogo ebo we bidi dabe tau somainogo tebo dao.

1 Samuel 14:52

Te Sol king bidali sogo, agai ami bidi dabego te Filistia dabe dali hwįbo bomo mu yali. Tama agai te hwįbode wi isiąwai bomai bidi dabe te olo bidibo subo si da, teda agai augwali selama, tama augwali te aga ami bidi dabe pedalumainu sai dao.

1 Samuel 28:2

Tama Devitgo agabolo te po wali, “Eno koneanio. Ena nago sę bidi da, tama nosali nago eno wiegi yai sę ebo sueibao.” Tama Akisgo te po wali, “Wiegi yai mu dao. Te eno nago nogi ugwaba siyu, nagebolo te ena sesemane sogo tonaluabo sę mawaibao,” wali.

1 Samuel 8:16

Tama kingo te dagego sę ebo bidi dabe me sę ebo we dabe siyu, tama dagego wiegi yai gesi bidi dabe me, te dagego donki dabe me selama, te agai sę emainu yaibao.