Solomon 3:4 - Godigo dwagi yai po buku

⁴ Eno augwali tagalama, ena pobadi, te polo mu tama eno ena abagi suali. Ena aga pageba pelama, eno aga pagea selama, te agai ena taga pidali homu eyu, eno hagela yali. Eno aga ena idago beba odasa pelama, tama da si te eno idago be habu tomoba palio, te eno te na te tiwai ebo dao.

Solomon 3:4 Iomraidhean Croise

Tigidali Nai Gagalama Nigali Side 32:26

tama te bidigo Jekopbolo te po wai, “Nago ena tagala palama, ena paio,” wai. “Te pąde be posainogo ebao,” wali. Tiali goli, Jekopgo agabolo te po wai, “Eno nage me tagala palogobeo. Nago te dwagi yai tau sabo po enabolo mayu bolo yao.”

Bugagia Bidibo Kolesagade Po Asęai Buku 4:13

Sesemane sogo nago eno te wiegi yai po dąų ola sao. Te naga bidibo ulago page tiwai da, tama tiyu nago bugagia tonaluao.

Bugagia Bidibo Kolesagade Po Asęai Buku 8:17

Tama mena we bidi dabego ena gegebo sę bomo eyu da, teda augwaligo ena sueibao. Mena we bidigo ena wei yali da, eno me te eno augwali wei mu yaibao.

Solomon 1:7

Nage wiegi yai abagi da, eno nage godolo mu ebao. Te nago naga sipsip kibu dabe menaba odasa paibawe? Te augwali mena badu pedaiba pelama, te tuabo wiegi yai nosai gegegi paibawe? Te genuai giliga nanobode augwali menaba tiwai madi duala sigi pogowe? Nago enabolo obaso da, te eno nage gegebo sę dene me egobeo. Te nago enabolo wasiąbaso da, teda eno nage eno te gasa sipsip tonalubo bidi dabe tomode gegebo sę eyu da, augwaligo ena te penani ebo we da homu yaibao.

Solomon 6:12

Eno abagi we, eno nage sulama, ena noma sali. Eno kone palali, ena te genuai bidi mu deligo karisde bidibo tiwai yalio.

Solomon 7:5

Nago tobolu ugaba mu igulali, te Karmel bulu du tiwai. Nago tobolu nisi udula pali, te kingo sawia pai name ugwa tiwai yali. Tama te tobolu nisigo te king tulaluabo sę mu ilibo dao.

Solomon 8:2

Te eno nage selama, te dena si idago beba pobaso usu da, tama nago ena bugagia ola magameo. Te eno wain selama, eno te wiegi yai wain nedu dugo te gasa pusu yai pauda dali taluama, nage mawaibao.

Aisaia 45:19

Ena geme dualalu, digibulu me bidibeo, ena te be hulia sai pesagede, digibulu geme me dualalu, te eno po pusubeo. Te eno ena we bidi dabe, te Israel dabeba, te tiwai po weyu, ‘Dagego ena te olo bulu pesagede gegebo sę odolali yao,’ wabeo. Menio. Ena Genuai Bidi, eno te mu po naga pusubo dao, te eno po tigidali dolo wabo dao,” wali.

Jeremaia 29:13

Te sogo te dagego homu kolesaga sesego, me dagego kolesagago te ena gegebo sę bomo mu eyu da, teda te dage ena pageba asobo usu yaibao.

Te We Bidi Dabego Jerusalem Hagede Gela Wali 3:25

Genuai Bidigo te aga gegelama, tama agai augwali tau somainu tonalubo we bidi dali wiegi yai sę ebo dao.

Matyu 28:9

Tama polo Jisasgo augwali si te tųde pobadi tiąba asai, tama te po wai, “Kigamu mu dao.” Tama te we si pąba pelama, tama aga sągą page tola selama, te we sigo agabolo lotu po walio.

Matyu 7:7

“Te dagego gedu haluasa po Godiba hanalu da, teda agai dagego te hanalubo nai te dageba mawaibao. Dagego te nai gegebo sę idu da, teda te nai dagego sueibao. Tama dagego be tuba eliyu bebego wedu da, teda Godigo dagebolo te tų dalaibao.

Polgo Po Pas Rom Dabeba Asęani 8:35

Te Kraisgo da dali dwagi yai homu eyu godolo mu ebo kolesagade te da mena nai mugo dagala sąyabo nai menio. Ma te sęgę daba pedalobo si da, ma dago dene tolobaso, ma bidigo da dolobo si da, ma augwaligo da nasi ilabo sę ebaso, ma da gudubo ugwa meni baso, ma augwaligo da te dwai bulude bidimainogo ilibo sę ebaso, ma augwaligo da hwągo ela mubo si da, tama te tobage sę ebo dabego da te Kraisgo da dwagi yai homu eyu godolo mu ebo sęde dagala sągobeo.

Polgo Po Pas Rom Dabeba Asęani 8:39

ma te dagalude bomo elalubo dwai bage, ma te moni sia dabo bulude bomo elalubo bage, ma te meba gasade elalua pabo Godigo nigali nai, te tigidali nai dabego te Godigo dade dwagi yai homu eyu godolo mu ebo kolesaga te dagala sąwainogo ebo usu me egobeo. Te dago Genuai Bidi Krais Jisasgo yali sęgo te Godigo aga dade ebo godolo ebo kolesaga dabolo ola mawai dao.

Galesia 4:26

Ao, tiali goli megi eno te gesi hanu me Jerusalem tede po digi po begelama obao, te hanu aga dagalude megi tonalubo dao. Te gesi hanu Jerusalem te gasa we dao, te we nogi Sara dao. Aga te olo sę ebo we menio. Tama da te Godigo mani gesi kontrak po dologode olo bugagia bidibo, tama te we Sara aga te dago ida tiwai bidibo dao.