Solomon 2:5 - Godigo dwagi yai po buku

⁵ Eno abagi wali bidi, eno nage godolo homu ebao, tama eno dili kimi isalio. Te bageo, dagego te nedu du wai dabe ena maiyąo, tama te wain du wai dabe augwaligo olali elaluali. Te eno tulama, te ena bomo saibao.

Solomon 2:5 Iomraidhean Croise

2 Samuel 6:19

Tama Devitgo te we bidi tigidali nai mani. Te tigidali we me bidi deli deligo te bret deli me, augwa te siade ulai sipsip kibu mi me, te augwa te siade olali wain wai duani me, te augwa salio. Augwa te selama da, teda augwa pesageba digi ma geasa peyu yai.

Tuni Bidi Dabego Po Elalubo Buku Deli 16:3

Devitgo te tigidali we bidiba nai mani. Tigidali we bidi deli delibolo te bret deli selama, te augwa te iside ulali bulmakau kibu mi dali mena mena pelama, te olali wit meba dali mawai dao.

Godigo Nogi Ugwaba Sabo Tęąbi Po Wabo Buku Dabe 63:8

Ena nage dali bilibaso, tama nago ena bugagia tonalubo dao.

Solomon 5:8

Te Jerusalem we dabe, te dagego eno abagi wali bidi subaso da, dagego te tiwai po dąų walama, agabolo wao, eno aga homu godolo mu elama, te eno nogo sągą dili kimi meni yai elalubo po walao.

Solomon 7:8

Ena te kokonas nidu ugaba holama, te nai aga du saibao. Eno nago ame suali, te du hauwa walai wain nologo elalubo tiwai yali.

Hosea 3:1

Genuai Bidigo enabolo te tama po ma wali, “Nago te naga we godolo ma yao, megi da agai te gasa bidi dali penani yali te palia salio. Nago aga godolo mu eyu, te eno ena we bidi Israel dabe, augwali godolo mu ebo tiwai gilama yao. Mu tama, te augwaligo ena tagalama, te tibo godiba pelama, tama augwaligo te olali wain wai dabe te tibo godiba ofa yainu sali. Tiali goli, tagalao, eno te Israel dabe godolo mu idubo dao,” wali.

Dwagi Yai Gesi Po Lukgo Asęani 24:32

Tama te bidi si augwa hasi po weyu, te po wai, “Dadi si tųdu asai, tama Jisas agai dadi si dali po ola asai, tama Jisas agai bukude po page dadi si dali hania ola mawai, te sogo dadi sigo homu mu hogodaluai,” te bidi sigo te po wai.

Filipai 1:23

Eno homu si ebao, tama te homu sigo ena augwali si tomode dąų walali. Te homu me e dao: ena Krais dali bidigi pomainu ena isaio homu bomo elama ebo dao. Te aga dali bidibogo te e tǫde bidibo kolesaga aiyaba mu elaluaibao.