Solomon 2:2 - Godigo dwagi yai po buku

² Eno abagi wali we te gasa we dabe tomode bidali, te plaua te sesane elalubo nosai tomode elalubo tiwai yali.

Solomon 2:2 Iomraidhean Croise

Solomon 2:1

Tialima, ena te bulude elalubo plaua me deli tiwai te Saron tǫ malu bulude pedelali. Tama ena te sawi yai plaua tiwai, te odogo bulu te bulu du dabe tomode elalubo dao.

Solomon 2:3

Eno abagi te gasa gesi bidi dabe tomode bidibao, te wiegi yai nai du walai ni me deli te gasa buside elalubo olo ni dabe tomode elalubo tiwai ebao. Te genuai giliga nanobo side, ena te ni dologo madi dugulaluabo homu godolo ebo dao. Te ni du walali wiegi yai mu elalubaso, te eno pedauwalide pusu mu ebo dao.

Aisaia 55:13

Te ni wuli dabe te megi dwai ni dabe elalubo madi pedelaibao. Te gasa sawi yai dwasianu ni dabe te megi sesane bono elalubo pesagede pedelaibao. Tama sesemane sogo te tobage ni dabe te pesagede pedelama, te sesemane sogo te dąį ilali tiwai te we bidi dabego sulama, te Genuai Bidi, eno yali bomai sę homu kone palomainu yaibao,” wali.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

1 Pita 2:12

Tama dage te God konesiąwai we bidi tomode bidiyu, tama dwagi yai kolesaga naga yao. Magi baso meni. Augwaligo dage dali nogi posobo po weyu, “Dage dwai sę ebo we bidi dao,” po weyu da, teda augwaligo dagego dwagi yai sę naga ebo sulama, tama nosali te Godigo po tų yagasabo sogo asobo si augwaligo aga nogi ugwaba siyu te po waibao, “Ao, agai po wali pabo we bidi augwaligo dwagi yai sę yalio.”