Solomon 2:11 - Godigo dwagi yai po buku

¹¹ Nage te tulubagede wi me elamuo. Te tulubage be yali sogo silalio.

Solomon 2:11 Iomraidhean Croise

Kolesaga Koneai Bidigo Pusali Po Elalubo Buku 3:11

Godigo digi te tigidali nai pedelabo sogo bodolu muani, tama augwali te wiegi yai sogo bodolu muanide mu pedelaibao. Tama me agai dago homu hodolama, tama dago te polobadu pedelali nai dabe konemai da homu eyu, tama te nosali pedelabo nai me konemainu homu eyu tama tiali. Tiali goli, Godigo aga polobadu digi ela pali sę tigidali te nosaliba mu usu nama, te dago mu konemainu ebo sę ebeo.

Kolesaga Koneai Bidigo Pusali Po Elalubo Buku 3:4

Agai te gela wabo sogo muyu, te gisugu wabo sogo bodolu muyu yali. Agai te hobede yabo sogo muyu, te tęąbi po wabo sogo muyu yalio.

Solomon 2:10

Tama agai ena dali e po wali. “Eno abagi we sawi yai we mu, nage buluba teda asao, te nage ena wali asao.

Solomon 2:12

Megi da, tigidali badu plaua dabe pedela silalio, te balia po wabo sogo pedelali. Te ba hi dabego bulude balia po ola pabo sę ebao.

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Matyu 5:4

Tama te gela udubo we bidi dabe, te augwali homu pemene yaibao. Te Godigo augwali mumanama homu wiegi yai pemene ma ilaibao.

Efesus 5:8

Te polobadu dage dwai kolesaga ebode biliyu tama dage be hulia side bidibo tiwai yai dao. Tiali goli megi dage te Genuai Bidide wadolama, tama agai dage wiegi yai ulaba munama bidibao. Tama tibaso, dagego wiegi yai kolesaga naga eyu dage te ula yai we bidi tiwai bidiąo.