Solomon 1:9 - Godigo dwagi yai po buku

⁹ Ae, nage eno sawi yai abagi da, nago au yali wiegi yai da, te Isip king bidigo karis dabe kekebo hos kibu dabe au yali tiwai dao.

Solomon 1:9 Iomraidhean Croise

Tigidali Nai Gagalama Nigali Side 50:9

Te karis dabe me, te hos kibude bilibo bidi dabe me, augwali te Josep dali pepela wali. Tama te genuai hani dabe mu augwali pai.

Te Israel me Juda Hani Sigo Tuni Bidigo Po Elalubo Buku Deli 10:28

Solomongo te aga hos dabe te bulu Musri tǫde, me te Silisia tǫ pedaide salio. Agai te bisnis bidi dabe te Silisia tǫba te agai hos dabe abeligi pomainu tagala palai dao.

Solomon 1:15

Nage gasa sawi yai we mu bidibaso, eno nage godolo mu ebao. Tama nago me nago ena godolo eyu, te nago ena dali gedu ebao.

Solomon 2:10

Tama agai ena dali e po wali. “Eno abagi we sawi yai we mu, nage buluba teda asao, te nage ena wali asao.

Solomon 2:13

Te ni kaya du walobo gagalali. Te buside tigidali bonogo duduli pedelama, tama te plaua dabego wiegi yai denami ebao. Eno sawia pai we abagi mu, nage buluba teda asao, tama nage ena dali asao.

Solomon 2:2

Eno abagi wali we te gasa we dabe tomode bidali, te plaua te sesane elalubo nosai tomode elalubo tiwai yali.

Solomon 4:1

Eno we abagi, nage gasa sawi yai dao. Nago te name ugwa pedai tobolude bea selama, te nago gesabidi geme dualiyu tiali, tialima nago gedu eno suali ula yali, magi baso meni, nago ena godolo mu ebaso tiali. Nago gesabidi badu hauwagasali tobolu nisi da, te kibu meme hani me deligo wiegi yai pemene ebo tiwai eyu, te Gileat bulude te dwasianu bulu du dabedu aiyaba sasa mano dulubo tiwai ebo dao.

Solomon 4:7

Eno abagi, nage gasa sawia pai mu da. Te nago tigide masalu deli me elalubeo.

Solomon 5:2

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Solomon 6:4

Eno abagi, nage gasa sawi yai mu da, te wiegi yai taun si Tirsa me Jerusalem tiwai da. Eno suali, nage gasa sawi yai mu yaibaso, tama eno homu dąų wali, te bidigo te ami bidi genuai hani te ugwa plak dali asobo subaso, agai gedu tede dąų wabo tiwai yali.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo