Solomon 1:7 - Godigo dwagi yai po buku

⁷ Nage wiegi yai abagi da, eno nage godolo mu ebao. Te nago naga sipsip kibu dabe menaba odasa paibawe? Te augwali mena badu pedaiba pelama, te tuabo wiegi yai nosai gegegi paibawe? Te genuai giliga nanobode augwali menaba tiwai madi duala sigi pogowe? Nago enabolo obaso da, te eno nage gegebo sę dene me egobeo. Te nago enabolo wasiąbaso da, teda eno nage eno te gasa sipsip tonalubo bidi dabe tomode gegebo sę eyu da, augwaligo ena te penani ebo we da homu yaibao.

Solomon 1:7 Iomraidhean Croise

Tigidali Nai Gagalama Nigali Side 37:16

Tama Josepgo te po wali, “Eno te ena ama dede gegebo sę ebao. Nago enabolo te augwali mena badu te sipsip tonalubo po waibawe?”

Godigo Nogi Ugwaba Sabo Tęąbi Po Wabo Buku Dabe 116:1

Genuai Bidigo eno i wabo odobo dao. Tama tibaso, eno aga wei mu ebao. Mu tama, agai eno gedu haluasa po wabo odobo dao.

Godigo Nogi Ugwaba Sabo Tęąbi Po Wabo Buku Dabe 18:1

God, eno nage wei mu ebao. Nago ena dąų walai.

Godigo Nogi Ugwaba Sabo Tęąbi Po Wabo Buku Dabe 28:1

Genuai Bidi, nage da te ena seselalubo bidi dao, tama eno nageba i obao. Eno gela wabo odao. Te nago eno gedu haluasa po wabo wei ponisiąyu da, teda ena te isai we bidi dabe tiwai elama, tama te isali bidi dabego pesageba paibao.

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.

Solomon 2:16

Te abagi eno bidi da, tama ena agai we da. Agai te aga meme kibu dabe te sawi yai plaua dabe tomoba sela pelama, tama augwali te nosai tubo sę ebo dao.

Solomon 2:3

Eno abagi te gasa gesi bidi dabe tomode bidibao, te wiegi yai nai du walai ni me deli te gasa buside elalubo olo ni dabe tomode elalubo tiwai ebao. Te genuai giliga nanobo side, ena te ni dologo madi dugulaluabo homu godolo ebo dao. Te ni du walali wiegi yai mu elalubaso, te eno pedauwalide pusu mu ebo dao.

Solomon 5:10

Eno abagi wali bidi te aga bomai bidi mu da, te agai gesabidi gasa sawia pai mu da, tama te tǫde bidi nedabo usu isiąbo te hauwa tausen bidi mu aiyaba elaluai dao.

Solomon 5:16

Agai ena dali naboge si dilibo sogo da, eno te pusu umagi mu yalio. Agai tigi pedai tigidali badu usu nama, te wiegi yai naga yali. Dage Jerusalem we dabe, eno bidi da te tama tiwai tobage bidi me dao.

Solomon 5:8

Te Jerusalem we dabe, te dagego eno abagi wali bidi subaso da, dagego te tiwai po dąų walama, agabolo wao, eno aga homu godolo mu elama, te eno nogo sągą dili kimi meni yai elalubo po walao.

Solomon 6:2

Eno abagi wali bidi aga giba pali. Te gide te wiegi yai denami ebo nai dabe pągąnąlubao. Te aga meme dabego te nosai dabe tubo sę eyu, tama agai te au sawia pai plaua dabe sisinibo sę eyu ebao.

Solomon 6:3

Te aga eno bidi da, tama ena agai we dao. Agai aga meme kibu dabe te sawi wiegi yai plaua dabe tomoba sela pelama, tama te meme dabe augwa te nosai tubo sę eyu bidibao.

Solomon 8:13

Eno abagi, nage gide bidibaso, eno homugo nago po omainu homu ebao, tama eno hai namu dabego te nago dogonigo po wabo odomainao wali.

Aisaia 13:20

Te bulude bidi munu me ma bidigobeo. Tama me ma, te Arap dabe augwaligo sel be teba sę yagasogobeo. Tama te sipsip kibu tonalubo bidi dabego te sipsip kibu teba nosai tumainu teba me tonaluagasogobeo.

Aisaia 26:9

Te hulide eno homu nage delide naga elalubo dao. Tama kigamude ena nage dali bidibo godolo mu ebo. Magi baso meni. Nago te tǫde we bidi po tų ela mabo dao, te augwali nago doloba pai kolesaga ola mawainogo.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Aisaia 5:1

Eno ena abagi me delide balia po waibao. Te baliago aga wain gi po pusali. Te ugwadu bulu du dwasianu mede tǫ ili hauwa me elaluali. Tede eno abagigo wain gi tede yali.

Jeremaia 33:12

“Ena Tigidali Bomo Elalubo Genuai Bidigo enote po obao. Megi da, te tǫ me taun dabe dolali elalubao, tama bidi me hasa dabe tede me bidibeo. Tialima, nosalite we bidi dabe te bulude ma bidaibao. Te wiegi yai nosaima pedelama, te sipsip tonalubo bidi dabe te tigidalitǫ kantride te sę ma ela paibao. Augwa te sipsip dabete wiegi yai nosai elalubo madi odasa pelama, tomanomainogo yaibao.

Maika 5:4

Te tobolu bidi pedalubo si da, te aga we bidi dabe aga tonalueibao, te God, aga Genuai Bidigo bomode me genuai nogide te tama tiaibao. Tama te we bidi dabe bugagia bidaibao, magi baso meni, te tigidali bulu tǫ kantri dabede bidalubo bidi hani dabego te agai bomo koneaibao.

Matyu 10:37

Tama niwai bidi agai aga aya me ida naga mu godolo eyu tama ena kuna godolo me isąwani da, te bidi aga eno abagi bidigobeo, te usu menio. Tama bidi mego aga ogwa ma wegi naga godolo eyu, tama ena kuna godolo me isąbo bidi, te aga eno abagi bidigobe dao.

Dwagi Yai Gesi Po Jongo Asęani 10:11

Jisasgo te po me wai, “Ena te kibu sipsip dabe bugagia tonalubo bidi dao. Te kibu sipsip bugagia tonalubo bidi agai te homu ebo dao, ‘Ena te sipsip tau sabo sę ebadi, tama te sipsip kibu elainogo asali bidigo ena me elebaso da, te usu dao,’ te kibu sipsip bugagia tonalubo bidigo te homu ebo dao.

Dwagi Yai Gesi Po Jongo Asęani 21:17

Tama bidama gana, tama sela sogo agai Pitabolo te po ma hanalu wai, “Saimon, nage Jongo ogwa dao, ena da nago abagi dawe?” Tama agai Pita dali sela sogo “Ena da nago abagi dawe?” obaso, Pita aga homu sęgę yai. Tama Pita agai Jisasbolo te po wai, “Genuai Bidi, nago tigidali nai koneai dao. Tama nago koneai dao, nage eno abagi dao,” Pitago te po wai. Tama Jisasgo agabolo te po wai, “Nago enabolo homu muani we bidi augwali eno po nago augwalibolo ola mao.

1 Pita 1:8

Tama dagego duga gedugo aga munu me susiąwai digi, dagego Kraisde dwagi yai homu eyu godolo ebo dao. Dagego megi me aga susiąbadi digi, dagego duga homu tigidali agaba muyu, tama wiegi yai homu mu ebo dao. Tebogo te tigidali gasagi yai dwagi yai homu ebo aiyaba elalubo dao. Tama te dagego wiegi yai homu ebo te genuai mu dao, augwaligo Godigo bidibo digide ebo wiegi yai homu ebo sabi si dao. Tama tialigo da, dagego pedauwaligo tede po wabo usu egobeo.

1 Pita 2:7

Tama dage duga homu tigidali agaba muani bage, te dagego gedude te aga wiegi yai mu da. Tiali goli te agaba augwaligo homu musiąwai bage, augwalide te bukude asęani po tama dao, “Te be sę ebo bagego polobadu sela sąwani masigi, te masigi megi te bede te genuai nogi elalubo masigi pedalai dao,” te po asęani.

1 Jon 2:19

Te bidi dabe augwali polobadu te da bidi hani deli bideiba homu meni baso, tama augwaligo da tagalai dao. Augwali dago hani tigi sogo da, te da dali me bidigi dao. Augwaligo da taga pobaso, dago hania koneani, te bidi dabe tigidali augwali da deli hani bidi mu meni.

Kraisgo Geme Dualali Sę Pedelabo Po Jonbolo Ola Mani 7:17

Magi baso meni, te genuai tuni bidi duabo nai gesabide bidibo kibu sipsip wai, te aga digi agai augwali tonalubo bidi bidaibao, te kibu sipsip tonalubo bidi agai aga sipsip dabe tonalubo gilama tiwaibao. Tama agai augwali te ąį ulu pedalobo digi odasa pelama, tama augwaligo te bidabo ula yabo ąį saibao. Tama Godigo augwaligo gedude gela wali gedu ąį hola sabaso, tama augwali gela ma wagobeo,” te polalubo tobolu bidigo enabolo te po wai.

Rutgo Po Elalubo Buku 2:21

Tama tialima, Rutgo te po wai, “Boasgo po me deli enabolo ma wai. Te ena agai sę ebo we dabe dali naga sę yao, te sę silibo sogo usu nagasaibao, te po walio.”