Sekaraia 5:3 - Godigo dwagi yai po buku

³ Tama agai enabolo e tama po walali, “Godigo te po wali, Juda bulude bidibo we bidi sese tama dene saibao po wali. Tama agai te po te buku elalubao. Tama te buku me badu bogo badu te po asęai elalubao, Godigo te kantride bidibo nai wi sabo bidi dabe sese sela sąwaibao po obao. Me ma, te buku me badu bogo badu te po asęani, augwaligo tibo po weyu mu tamao obao te bidi dabe sela sąwaibao wabo po wai te elalubao.

Sekaraia 5:3 Iomraidhean Croise

Ma Dobola Sali 20:15

“Nago nai wi sigio.”

Bugagia Bidibo Kolesagade Po Asęai Buku 29:24

Te bidigo te nai wi sabo bidi tau sobaso da, teda agaba digi te boi bidi ebao. Te agai te augwali sigo ebo kolesaga hanilibaso da, te augwaligo aga po tų ilaibao. Tiali goli, te agai geme dualubaso da, teda Godigo aga dolaibao.

Bugagia Bidibo Kolesagade Po Asęai Buku 3:33

Genuai Bidigo te po wali, te dwai sę ebo bidi dabe te augwa we wai puluba dabe dali dolaibao, wai. Tiali goli, Genuai Bidigo te doloba pai bidi te aga we wai hani dabe dali te bugagia bidimainu elama, tama agai augwali tonalubo dao.

Bugagia Bidibo Kolesagade Po Asęai Buku 30:9

Tiyu, eno doado bage hauwa mu elalubaso, tama eno nage tudiba muyu, tama eno te po waidalio, ‘Genuai Bidi de dawe?’ Tama tiyu, ena te magi nai meni yai bidi pedaluyu, tama eno te nai dabe wi siyu, tama eno God nago nogi aiyaba elaluidalio,” wali.

Aisaia 24:6

Tama tibaso, Godigo pode te dwai sogo mu te tǫde pedalama, te we bidi hauwa mu dwai kolesagadu wali pao olama, i ola mawai dao. Tama dwasianu we bidi hani naga bidaibao. Agai tama tiali. Magi baso meni. Te we bidi dabe augwa dwai kolesagago augwa sęgę tolaibao.

Aisaia 43:28

Tama tibaso, eno te het pris dabe eno gedude meda yai pedalumainu ilali. Te eno dage Israel dąį ilali, te Jekopgo hani dabe, te tigidali mu dolomainu yaibao. Tama eno te gasa hani we bidigo te posobo po weyu, te dageba gisugu momainu yaibao,” wali.

Aisaia 48:1

Dage Jekopgo hani dabe, dage we bidi nogi Israel elalubao, dage te Judago bulai wąįgo wai dabe, dagego odao. Dagego po dąų waliyu, nogo guni sisu muyu, dagego te Genuai Bidigo nogide mu po dao po wabo dao. Tama dagego te tiwai po weyu, dagego te Israelgo Godiba lotu obao po wali, tiali goli dagego aga dologoba mu pelama, te doloba pai me ebeo wali.

Jeremaia 23:10

Te tǫ kantri we bidi dabego te Genuai Bidi tagalama, te we sai bidigo me bidigo sai wego te subigila penani ela bilibo tiwai dao. Te we bidi dabego dwai kolesaga ebaso, te Genuai Bidigo aga po wali peyu, te tǫ dolai dao. Tigidali kala tǫ bulu wa pai yaibaso, te tǫgo hobedai gela obao. Sesemane sogo te me profet dabego dwai sunumi wali peyu, tama augwa te dolo isąwai kolesaga ebo sę bomo ebo dao,” wali.

Jeremaia 26:6

Te dagego eno po wali pisąbaso da, teda eno te eno e be dolaibao, te eno polobadu te Silo taun be dolali tiwai yaibao. Tama te gasa tǫ kantri we bidi dabego augwa boi bidi dabeba dwai po wabo sogo, augwa te tiwai po waibao, “Dage dolobaso, te Jerusalem dolali tiwai yao.” Augwaligo te po waibao.’ Nago te po te Juda we bidibolo pusao,” Genuai Bidigo Jeremaiabolo wali.

Jeremaia 5:2

“Te dagego bomo yai po me deli dąų weyu, po wabo sogo, dagego Genuai Bidi, eno nogide mu po obao po wabo dao. Tiali goli, dagego tibo po naga weyu, te odolali po wabo dao,” wali.

Jeremaia 7:9

Te dagego nai wi siyu, te bidi dabe ela muyu, te penani sę ebo kolesaga te bidi dabe me bidigo sai we dali eyu yali. Te dagego bomai po dąų wabo sogo te tibo po obao. Te dagego wiegi yai denami hano ebo ofa te tibo god Balba ebao, te dagego polobadu lotu me wasiąwai tibo god dabeba lotu wabo dao.

Esekiel 2:9

Agai te po ola silama da, teda eno te nogo me deligo te buku me deli ena pąde tolalubo sualio.

Daniel 9:11

Te bomai po dabe te Moses te nago sę bidigo dabolo mayu, nago bomai po te tiwai wali, dago te bomai po bugagia wali pisąbaso da, te nago dwai sę daba yaibao po wali. Tiali goli, da tigidali Israelgo nago te bomai po togoyu bolama, tama dago nago po odisąbo homu yalio. Dago dwai sę nageba ebaso, tama nago te wali po gilama te dabolo dwai dene mabo sę yai dao.

Hosea 4:2

Augwaligo te po dąų wali, tiali goli augwaligo wali me pisąwai. Augwaligo tibo po olama, tama bidi ela muyu, te nai doado bage wi siyu, tama penani eyu ebo dao, tama augwa te bidi ela mubo sę ela pabo dao. Tama te dwai kolesaga te genuai mu pedelama,

Pris Sę Ebo Bomai Po 19:11

“Dagego gasa bidigo nai dabe wi me sigio, te dagego gasa bidiba tibo po wagio, te agai nai anoma elama sainogo tigio. Te dagego gasa bidiba tibo po ola magio.

Pris Sę Ebo Bomai Po 19:12

Te dagego bidi me deliba bomai po dąų walu, ena nogide te po dąų walai baso da, teda dagego te bomai po olo dali dąų walama, aga tibo po ola magio. Dagego duga te dąų wali bomai po wali pisąbaso da, teda dagego eno nogi aiyaba elalubao. Ena Genuai Bidigo, eno te po wai dao.

Amos 3:10

Genuai Bidigo te tama po wali, “Te Samaria we bidi augwaligo te nai wi siyu, hwįbo kolesaga eyu, te nai hauwa selama, te augwa bomai be dabe pągąnani. Augwa te doloba pai kolesaga me konebeo. Mu menio.

Sekaraia 5:4

Tigidali Bomo Elalubo Genuai Bidigo te po wali, agai te dwai bidi dolabo po toloyu, tama agai te nai wi siyu me tibo po weyu ebo bidi dabego be tomoba po ola tolaibao. Tama te po te bidi dabe augwa be tomode elaluyu, tama te bidi dabe dola silaibao,” wali.

Sekaraia 8:17

Dagego dwai sę ebo kolesaga te gasa we bidi dabe augwaliba yabo homu me elamuo. Te dage po tų kotde dologi pabo sogo, dagego te tibo po munu me pusulamuo. Eno te tibo po wabo kolesaga, me te po tų kot po geme dualubo kolesaga, me te wado po weyu hwįbo kolesaga ebo te eno godolo mu me ebo meni dao,” wali.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Malakai 4:6

“Tama agai te aya me wai dabe te deli haliga pedalumainu ilama, tama augwali tama meni eyu da, teda te eno dagego bulu tǫ kantri dolaibao,” Genuai Bidigo te po wai.

Matyu 25:41

“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.

Dwagi Yai Gesi Po Lukgo Asęani 21:35

Te ena asobo sogo te tigidali tǫde bidibo we bidibolo me te tiwai sę pedalaibao.

Efesus 4:28

Tama te polobadu nai wi sidu geai bidi agai te nai wi sabo sę tagalama silao. Megi aga digi doloba pai sę yao. Tama agai aga digi nai sabo sę aga nogogo digi eyu, tama aga digi tau siyu, te nai meni yai we bidi me tau siyu yao.

2 Timoti 1:9

Tiali goli te me dago konea. Godigo te bomai po mani. Te bomai po da, te doloba pai we bidi dabe augwali tonaluabo po meni. Te menio. Te bomai po te haniani dwai kolesaga ebo bagebolo wai dao. Augwaligo te bomai po ola tagalama tama te po sela sąbo bage dao. Augwaligo God tudiba muyu, dwai kolesaga ebo bidi dabe dao. Te Godigo kolesaga tagala po weyu, tama te tǫde kolesaga wali pabo we bidi dao. Meba augwaligo augwa aya ida ela mubo bage dao, meba te gasa bidi ela muyu ebo bidi dabe dao.

Jems 5:12

Ama dedeo, dagego polasa te yabo sęgę sę e dao: Dagego te God aga bidibo madi dagalu me, tǫ me, te gasa nai me nogi eyu, tama dagego te po wabo dao te pogo dąų wagimio. Tama dagego “Awe” weyu duga wabo po dąų walomainu, “Awe” naga wao, te usu yaibao. Me ma, dagego mu po weyu, “Menio” weyu, duga wabo po dąų walomainu, “Menio” naga wao, te usu yaibao. Bidi mego aga wabo po dąų walomainu Godigo nogi weyu da, te bidibolo Godigo sęgę mawaibao. Tama Godigo dagebolo sęgę maidali weyu, dagego te Godigo nogi olo nogi igio.

Jems 5:4

Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.

Josua 9:20

Dago augwali magi baso sula tagaliyu meni, te dago bomai po dąų walalio. Te dago augwali elibaso da, teda Godigo da dolaibao.

Kraisgo Geme Dualali Sę Pedelabo Po Jonbolo Ola Mani 21:8

Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.

Kraisgo Geme Dualali Sę Pedelabo Po Jonbolo Ola Mani 22:15

Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.