Sekaraia 4:7 - Godigo dwagi yai po buku

⁷ Tialima, genuai nai dabe te bulu du tiwaigo nago sunumi palia sobaso da, teda eno tigidali sela sąwaibao. Tama nago eno be ma sę yaibao. Tama nago namba wan masigi aga pesagede mubo si da, teda te we bidigo hai bomona weyu e tama po waibao, ‘Te da, wiegi yai be mu dao,’ augwaligo te po waibao,” wali.

Sekaraia 4:7 Iomraidhean Croise

Esra 3:10

Te sę bidi dabego te genuai masigi dabe te Godigo be daga pagede mubo sogo da, teda te pris dabego te prisgo ugwa gudulama, tama te biugel selama, tama te sę ebo pesageba dolagasalio. Tama te Livai te Asap hani me aselama, augwali dali dolagasali. Tama tigidali bidi deli deligo te kapa pou si te musik ebode elainu tola sesa pali. Tama augwa te king Devitgo asęani po wali pelama, tama augwa te Genuai Bidigo nogi ugwaba sai dao.

Godigo Nogi Ugwaba Sabo Tęąbi Po Wabo Buku Dabe 114:4

Te genuai bulu du dabe te meme sasa mano pelabo tiwai eyu, tama te dwasianu bulu du dabe te sipsip dabe sasa mano pelabo tiwai yalio.

Godigo Nogi Ugwaba Sabo Tęąbi Po Wabo Buku Dabe 114:6

Te bulu du dabe, magi baso dage te meme sasa mano pelabo tiwai ebawe? Te dwasianu bulu du dabe, magi baso dage te sipsip sasa mano pelabo tiwai ebawe?

Godigo Nogi Ugwaba Sabo Tęąbi Po Wabo Buku Dabe 118:22

Te masigi te kamda dabego te dwai da homu elama, tama augwaligo sela sąwani, te masigi da te be daga dąų elalu, polalubo masigi pedelali.

Godigo Nogi Ugwaba Sabo Tęąbi Po Wabo Buku Dabe 84:11

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

Aisaia 28:16

Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.

Aisaia 41:15

Te eno dage te wit agayabo te gesi ni nami tiwai pedalumainu ilama, te dageba sęgę mayu, te dage sunumi palialuali boi bidi dabe te dagego aiyaba elalueibao. Te augwali te bulu du tiwai bidali goli, dagego te bulu du dabe pepedama, te wit bo yalala pai nai tiwai pedalubo bomo elalubo tiwai yaibao.

Jeremaia 33:11

tama augwa bugai haliga elama, pemene eyu, tama augwa te we bidi we sabode nai ulubo sogo te nai tuyu, wiegi yai homu pemene yaibao. Tama te we bidi dabego buba hwi wabo ofa selama, te Genuai Bidi, eno beba sesaibao. Tama augwa te ofa nai sela asobo sogo da, teda augwa tęąbi po e tiwai waibao, ‘Dago buba hwi te Tigidali Bomo Elalubo Genuai Bidiba wainao. Agai dabolo wiegi yai sę mu ebo dao. Sesemane sesemane sogo agai da godolo mu ebo dao.’ Augwaligo te tobage balia po te sogo waibao. Magi baso meni, te sogo ena Genuai Bidi, te eno te tǫ te polobadu elaluali tiwai wiegi yai ma elalueibao,” te po wai dao.

Jeremaia 51:25

“Babilon, nago bomo te genuai bulu du tiwai elalubao, nago te tigidali tǫ pedai badu dolobo sę yali. Tialima, mu tama, ena Genuai Bidigo, eno nageba boi bidi eyu, te eno nogo dili bomo selama, te nage tola selama, nage te tǫba sąnama, te isigo nage mu dela silaibao.

Maika 1:4

Tama te bulu du dabe te aga sągą dologode ąį tiwai pedelaibao, te ula ebo nai kandel te ula eyu, te aga ili te wę pedalubo tiwai yaibao. Te bulu du dabe te odogo malu tǫ pesageba te gea paliyu, te bulu dudu wę sąbo samanobo tiwai yaibao.

Maika 4:1

Te me sogo si deli te nosali pedalubo side te bulu du, te Genuai Bidigo be elaluali madi, te daide mu elalu, te gasa bulu du tigidali aiyaba elalueibao wai. Tama we bidi hani hauwa teba sisinagasaibao.

Habakuk 3:6

Te aga dolugulubo sogo da, tigidali tǫ midigi eyu, mumunu ebao. Agai te we bidi dabe augwali subo sogo da, augwali te ibaba kila sesa peyu, midigi sabo dao. Te genuai bomai bulu du dabe te alua pelama, tulaluaibao. Te polobadu aga bilali dwasianu bulu du dabe augwali te aiyaba kilasa dulubo dao. Genuai Bidigo ebo kolesaga dabe te sesemane sogo elalua paibao.

Sekaraia 4:8

Tialima Genuai Bidigo enabolo gasa po me pusa mani.

Sekaraia 4:9

Agai te po wali, “Serubabelgo eno be sę yabo digi tǫ polo dodolai dao, tama aga digi polo sę yaibao. Tama eno be sęa silibo si da, teda eno we bidi tigidaligo ena digi nage augwaliba taga palai yabao homugo koneaibao.

Matyu 21:21

Tama Jisasgo po wei ponoyu, augwalibolo te po wai, “Eno mu po dagebolo obao, dagego te Godide konealubo po mu dąų olama, tama dagego homu si me isąbaso da, teda dagego eno e ni kayade yali tiwai sę dagego me ebo te usu yaibao. Tama dagego te sę naga egobeo. Menio. Te dagego e elalubo bulu dubolo te po weyu, ‘Nage hodaluama, nage te tamu ąįba samonao’ po obaso da, teda agai te tiwai yaibao.

Matyu 21:42

Te Jisasgo augwalibolo te po wali, “Te bukude polobadu asęani te po te dagego nedebewe? E tiwai dao, ‘Te masigi be sę yabo masigi me deli te sę bidi dabego sela sąyani masigi, megi da polalubo masigi pedalama, te be dąų walali elalubao. Genuai Bidigo agai te tiwai sę elama pedalali, tama dago suali te wiegi yai mu dao.’

Dwagi Yai Gesi Po Makgo Asęani 12:10

Dagego te Godigo po bukude asęani po me deli dagego nedebewe? Agai e tiwai po wali dao: Te sę bidi dabego sela sąwani masigi, megi da aga te be polalubo kele ni tiwai dąų elalubo masigi pedalai elalubao.

Dwagi Yai Gesi Po Lukgo Asęani 20:17

Tiali goli, Jisasgo augwali gedu bomonama tonaluyu, te po wali, “Godigo wali po bukude e po wabo da, ‘Te be sę ebo bagego polobadu sela sąwani masigi, te masigi nosali te be tolalubo masigi nigali.’

Dwagi Yai Gesi Po Lukgo Asęani 3:5

Tigidali odogo dabe mu pągąnao. Tigidali bobiabi dabe du dabe kigila palao. Gagila bilai tų dabe me dolo ma dodolao.

Godigo Sęba Tagala Palai Bidigo Po 4:11

Te tiwai Godigo po buku tomode e po asęai elalubao, ‘Dage be sę ebo bidi dabego e masigi sela sąyani. Tiali goli, megi Godigo te masigibolo genuai nogi mawai.’ Te po page Jisasde po wali.

Polgo Po Pas Rom Dabeba Asęani 11:6

Agai te olo tau siyu mabo wiegi yai kolesaga ebaso tama augwali sali. Tama agai te augwaligo yali sęde homugo te augwali me sabeo. Tama augwaligo te sę ebode te Godigo augwali siyu da, teda te olo tau siyu mabo wiegi yai kolesaga ebo te olo munu me ma egi menigi dao.

Efesus 2:20

Tama eno te be sę ebo po pagede te po digi po begelama te po megi obao. Te Krais aga digi aga te be dąų wabo page ni tiwai dao. Tama agai tagala palali bidi dabe augwaligo dagebolo pusali po me, te Godigo po ola mabo bidi augwaligo dagebolo ola mani po me, te wiegi yai po te be kau ni dabe tiwai dao. Tama dage da, te be kele ni dabe tiwai dao, te be dąų wabo page ni dali te be kau ni dali si tede dage bugagia dąų olama elalubao.

1 Pita 2:7

Tama dage duga homu tigidali agaba muani bage, te dagego gedude te aga wiegi yai mu da. Tiali goli te agaba augwaligo homu musiąwai bage, augwalide te bukude asęani po tama dao, “Te be sę ebo bagego polobadu sela sąwani masigi, te masigi megi te bede te genuai nogi elalubo masigi pedalai dao,” te po asęani.

Kraisgo Geme Dualali Sę Pedelabo Po Jonbolo Ola Mani 16:20

Tama te tigidali dwasianu tamu ąį tomode elaluali ailan bulu dabe te augwali wi pela silai, tama te haniani tǫde elalubo bulu du tigidali augwali tedela pali.