Sekaraia 4:5 - Godigo dwagi yai po buku

⁵ Tama agai enabolo e tama po walali, “Nago konebe, agawe?” Tama eno te po wali, “Genuai Bidi, eno konebeo.”

Sekaraia 4:5 Iomraidhean Croise

Tigidali Nai Gagalama Nigali Side 41:16

Tiali goli, Josepgo te po wai, “Ena digi eno usugobe, tiali goli Godigo da nage dali dwagi yai sę eyu, agai nagebolo te na yali po page ola mabo usu yaibao,” wai.

Godigo Nogi Ugwaba Sabo Tęąbi Po Wabo Buku Dabe 139:6

Nago te koneani homu kolesaga te ena daide ugwanu mu elalu, tama eno homu kolesaga te aiyaba elaluai dao.

Daniel 2:30

Tama te Godigo enabolo te geme dualaluali nai ola mawai. Te eno koneani kolesaga genuai da homu eyu, tama eno te gasa kolesaga koneani bidi dabe aiyaba elaluali da, te homu me egobeo. Menio. Godigo te sę enaba ola mobaso, te nago na yali po page te nago konemainogo ebo dao,” wali.

Sekaraia 1:9

Tialima eno te namba wan enselbolo e tama po hanalu wali, “Te nai page mena tama dawe?” po hanalu wali. Tama ensel bidigo e tama po wali, “Eno nagebolo te na yali po page pusaibao.”

Sekaraia 4:1

Ena dali hasia te po wali te ensel bidi aga ma aselama, ena augwaligo te godege piai bidi hodolo ąǫ yagasali.

Sekaraia 4:13

Tama agai enabolo e tama po hanalu wali, “Nago konebe, agawe?” Tama eno te po wali, “Genuai Bidi, eno konebeo.”

Sekaraia 4:4

Eno sulama tama eno enselbolo e tama po hanalu wali, “Genuai Bidi, eno te suali nai page magi nai mu dawe?”

Dwagi Yai Gesi Po Makgo Asęani 4:13

Tama Jisasgo augwalibolo te po hanalu wai, “Dagego te eno po digi po begelama wali po page me konebe dawe? Tama tiyu da, teda dagego mena tama te begelama wabo po page tigidali koneaibawe?