Sekaraia 4:1 - Godigo dwagi yai po buku

¹ Ena dali hasia te po wali te ensel bidi aga ma aselama, ena augwaligo te godege piai bidi hodolo ąǫ yagasali.

Sekaraia 4:1 Iomraidhean Croise

Jeremaia 31:26

Tialima, ena, Jeremaia, ena hodaluama, tononobilibadi, te ena bugagia godege piali homu ebo dao.

Daniel 8:18

Agai po odubadi yaide, ena gedu gęǫ page elama, tama ena tǫba mu degasa dulali. Tiali goli, agai ena nogo tola selama, te ena ugwaba sagolama, tama ena dolugulai.

Sekaraia 1:13

Tama Genuai Bidigo wiegi yai po te ensel bidigo homu nagame elama dua bidabo po wei ponani.

Sekaraia 1:19

Tama te ensel ena dali po wali bidi asobo si, eno agabolo e tama po hanalu wali, “Eno te suali nai page mena tama nai dawe?” wali. Tama agai te po wei ponoyu, te po wali, “Te gąų dabe te Juda me Israel me Jerusalem dolali te kantri dabe te magi iyu te yali dao,” tama wali.

Sekaraia 1:9

Tialima eno te namba wan enselbolo e tama po hanalu wali, “Te nai page mena tama dawe?” po hanalu wali. Tama ensel bidigo e tama po wali, “Eno nagebolo te na yali po page pusaibao.”

Sekaraia 2:3

Tama eno suali, ena dali te po waduali ensel aga ugwanu gana pabo suali, tama gasa ensel me agaba hodola sagasali.

Sekaraia 4:5

Tama agai enabolo e tama po walali, “Nago konebe, agawe?” Tama eno te po wali, “Genuai Bidi, eno konebeo.”

Dwagi Yai Gesi Po Lukgo Asęani 9:32

Te sogo Pita me, aga abagi si me gedu magane ebaso, godege piai goli, hodaluama, te Jisasde te dagalu pǫ tedela ula tiwai ula Jisasde elalu, te aga dali dolaluali bidi side me te tiwai ula elalubo suali.