Sekaraia 3:7 - Godigo dwagi yai po buku

⁷ “Te Tigidali Bomo Elalubo Genuai Bidigo te po wali, ‘Tialima ma nago eno bomai po tigidali wali pelama, tama nago eno nagebolo mani sę tigidali eyu da, teda eno nage sa muyu, nago eno be tonalubo sę me te tigidali lotu wabo nai dabe tonalubo sę me idumainu sula tagalaibao. Tama eno nage ena pageba asomainu sula tagalaibao, te ensel dabego ebo gilama yaibao.

Sekaraia 3:7 Iomraidhean Croise

Tigidali Nai Gagalama Nigali Side 26:5

Abrahamgo eno haniani te kolesaga yao po odama, tama agai eno bomai po tigidali wali pai. Tama tibaso, eno nage dali dwagi yai sę yaibao,” Yawego te po wai.

Te Israel me Juda Hani Sigo Tuni Bidigo Po Elalubo Buku Deli 2:3

Tama nago te tigidali sę te God, dago Genuai Bidigo, te nagebolo yao po wali sę te yao. Nage te wiegi yai sunumidu bilao, te agai daba te tiwai tama sa muani, tama nago te bomai po tigidali wali peyu, tama aga po te Mosesba mani bomai pode te po elalubao. Tama te nage mena badu pedaide bidibaso da, te tagala, tama te Godigo nage tau siyu, te nago ebo sę tigidali te wiegi yai pedelaibao.

Te Israel me Juda Hani Sigo Tuni Bidigo Po Elalubo Buku Deli 3:14

Tama te nage eno te sa muani te wiegi yai sunumidu peyu, tama nago te bomai po me eno po me wali peyu, te naga aya Devitgo te yali kolesaga tiwai ebaso da, teda eno nage te sesabi elama, te bobage sogo te tǫde bidimainu yaibao,” po wali.

Tuni Bidi Dabego Po Elalubo Buku Deli 23:32

Te Livai dabe augwaligo hasia bolo te Genuai Bidigo sel ugwa be tonalubo sę eyu, tama nosali te Genuai Bidigo tempel be dali tonalubo sę yali. Te augwa deli hani dabe tau sabo sę me elaluai, te Arongo pris hani dabe, te augwaligo sę te Genuai Bidigo tempel bede yai dao.

Aisaia 62:9

Te nago we bidi augwa digi naga te inayu tau yali wit selama, te bret nigilama tueibao. Te augwaligo ena Genuai Bidi, te enaba genuai nogi mawaibao. Te nago we bidi dabe augwa te inawani wain du dabe selama, te wain ąį nigaibao. Tama augwa te eno be obo tomoba sela aselama, te ąį augwa tuyu, te wiegi yai pemene enaba yaibao,” te po wai.

Esekiel 44:8

Tama elama, dagego duga digi eno bede sę yai menio. Menio. Dagego te Israel hani isąwai bulu badu bidi dabego dagego sę emainogo sula tagalai dao,” wali.

Esekiel 48:11

Te tǫ tedali gasagi yai mu dao. Tama te tǫ te Sadok hanigo pris bidi dabego tǫ dao. Te Israel dabe augwaligo ena tudi ola mani sogo, polobadu mu, te sogo te Sadok hanigo augwali wali pai menio. Te Livai dabego yali tiwai me yai menio. Menio. Te pris dabe augwaligo ena wali mu pelama, tama augwaligo eno sę mu yai dao.

Pris Sę Ebo Bomai Po 10:3

Tama Mosesgo Aronbolo te po wai, “Polobadu Genuai Bidigo te tiwai po wali, ‘Te eno sę eyu pąba asobo bidi dabe, ena te olo bidi tiwai meni augwaligo te tiwai koneabo elalubao, ena God mu dao. Augwaligo te tama homu bugagia konebaso da, teda eno genuai bomo me ula te we bidi augwaliba ola mawaibao.’ Agai te tama po wai, tiali goli te bidi sigo te po wali me pisąbaso, tama Genuai Bidigo augwali si dolali,” Mosesgo te po wai. Tama Arongo te tiali po odama, agai po me wabeo.

Pris Sę Ebo Bomai Po 8:35

Dage te sel Ugwa Be sunumide te giligade me hulide bidalubadi, te a naga olama, me si sogo usu nao, tama dagego te Genuai Bidigo dagebolo yao wali sę tigidali yao. Genuai Bidigo enabolo tama tiwai po wai. Tiyu, dagego agai po sela sąbaso, te dage isabuo wai dao.”

Sekaraia 3:6

Tialima enselgo Josuabolo e tama po walali,

Sekaraia 4:14

Tialima agai te po wali, “Te da, te Genuai Bidigo bidi si tigidali tǫde genuai bidi si te tǫde agai sę emainu magi ilai bidi si tiwai dao, te augwali si tobolude wel gelama, magi ilai bidi si tiwai dao, te agai sę emainogo,” te ensel bidigo te po wali.

Sekaraia 6:15

Te digibulu bidali bidi dabe augwali aselama, augwali tau selama, Genuai Bidigo be sę ebo tau sagasaibao. Tama augwaligo sęna silibo si da, teda dagego e tama koneaibao, Tigidali Bomo Elalubo Genuai Bidigo ena taga palama, ena dage dali bidiba, te homu koneaibao. Tialima, dagego God Genuai Bidigo po sese tama bugagia wali peyu da, teda te nai dabe sese tama mu pedelaibao.

Sekaraia 6:5

Tama ensel bidigo te po wali, “Te me si me si karis te me si me si haniani wali magiyu te yali dao. Megi tama augwali tigidali tǫde tonalubo Genuai Bidi page tagalama, augwali te asali dao,” wali.

Matyu 19:28

Tama Jisasgo augwali dali te po wali, “Eno mu po dagebolo obao, te tigidali nai gesi noma ma pedalobo sogo, te Godigo Bidi Mu aga genuai nogi me bomo dali te sogo te tuni bidi duabo sia saide dulaluyu, te sogo te dage, dage ena wali asali bidi dabe me, dage tuni bidi dabe bidiyu, tama te 12 wali te duabo sia saide dualama, tama te 12 te Israel hani augwali tonalubo sę yagameo.

Dwagi Yai Gesi Po Lukgo Asęani 22:30

Nosali eno tigidali we bidi tonalubo side, dage ena dali hodobo nai tuagameo. Tama dage te tobolu bidigo duabo ni namide dualama, tama dagego te Israel bidi hani nogo si olama, sągą badu si te we bidi hani po dodolobo hani bidagameo,” Jisasgo te po aga bidi dabe dali wai.

Dwagi Yai Gesi Po Jongo Asęani 14:2

Eno Ayago be tomode dąį habu togwali te bidibo madigi hauwa elalubo. Te tiwai elalugi menigi sogo da, te eno dagebolo te po wagi menio. Eno dage bidabo bulu dodoligi pobao.

Kraisgo Geme Dualali Sę Pedelabo Po Jonbolo Ola Mani 3:21

Niwai bidigo te dwai kolesaga ebo aiyaba elalubo bidi, te aga dali eno usu da weyu, aga te ena pąde duawaibao, te ena eno tuni bidigo duayabo madide duabo sogo. Te polobadu ena me te dwai kolesaga ebo aiyaba elaluama, tama ena Aya dali agai duabo sia sai te naide dugulalu bidibo dao. Te tiwai te bidi ena dali bidaibao.”