Sekaraia 3:6 - Godigo dwagi yai po buku

⁶ Tialima enselgo Josuabolo e tama po walali,

Sekaraia 3:6 Iomraidhean Croise

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Jeremaia 11:7

“Te eno duga wąį nǫų dabe te Isipde selama, odasa asali sogo, eno augwaliba bomai po mayu, te tiwai po wali, te eno po augwaligo wali pao wali. Te sesemane sogo eno te tobage deli po naga dagego hani dabeba udali, te megi e sogoba usu nagasobao.

Hosea 12:4

Te hwįani side, agai te Godigo ensel mobo bidi dali pagelama, tǫba pinayu hwįai, te aga usu si igulama, ugwaba ela holali. Tama Jekopgo gela hauwa weyu, te Godiba hanalu, te aga olo tau sabo wiegi yai homu kolesaga yao po wali. Tama gasa sogo Jekopba te Betelde God pedelama, tama aga dali po miai dao.

Sekaraia 3:1

Te nade subo nai tiwai elama, Genuai Bidigo tobolu bidi pris Josua enabolo ola mani. Josua aga Genuai Bidigo ensel bidi pąde dolalubo suali. Tama dwai haubo bidi Satan te Josuago dolo nogo badu dolaluali, tama agai po tų ela mawainu kegaluali.

Sekaraia 3:5

Tama eno te po wali, “Te augwaligo wiegi yai tedela name ugwa augwaligo me selama, Josuago tobolude hadi tiwai baguligi sogo da, teda wiegi yai igi dao.” Tama augwaligo eno wali po gilama tama tiali. Genuai Bidigo ensel pąde dolaluali, tama meba ensel dabego Josua gesi ugwa dabe guduludali.

Sekaraia 3:7

“Te Tigidali Bomo Elalubo Genuai Bidigo te po wali, ‘Tialima ma nago eno bomai po tigidali wali pelama, tama nago eno nagebolo mani sę tigidali eyu da, teda eno nage sa muyu, nago eno be tonalubo sę me te tigidali lotu wabo nai dabe tonalubo sę me idumainu sula tagalaibao. Tama eno nage ena pageba asomainu sula tagalaibao, te ensel dabego ebo gilama yaibao.