Sekaraia 2:4 - Godigo dwagi yai po buku

⁴ Tialima namba wan enselgo namba tu enselbolo e tama po walali, “Nage te usu sabo bono string tolalubo te bidi pageba usayao, tama agabolo e tama po walao, ‘Te Jerusalemde te we bidi hauwa bidiyu, me kau kibu hauwa bidiyu yaibao. Tama te pesage genuai mu elama, tama augwaligo taun obo bagulabo usu me egobeo.

Sekaraia 2:4 Iomraidhean Croise

Esta 9:19

Te tama tialide, te obo menisiąwai dwasianu hanude bidali te Juda dabe, augwaligo te polua Adar dei 14 tede te olo bidiyu, te dwagi yai homu pemene ebo genuai side tiwai bodolu muai. Augwaligo te side bodolu muyu, te genuai nai daa tuyu, tama augwa hasi deli delibolo te wiegi yai homu ilibo kolesaga yabo bodolu muai dao.

Aisaia 33:20

Dagego Jerusalemba toniąo. Te da dago genuai hanu, te da tigidali genuai lotu po wabo sogo dabe sisinagasabo hanu dao. Te da te da bugagia bidiyu, toma tuyu ebo bulu dao. Aga te sel ugwa be te bidi dabego bono togolama, ni dabe gudasa, pisąma yabo sel be tiwai dolaluaibao.

Aisaia 44:26

Te eno sę bidigo magi sę yabo po me deli pusubo sogo, tama te sę nosali badu pedelaibao, te po eno wabo sogo da, teda eno te po mu naga pedalumainu ebo dao. Te megi eno te tiwai po obao. Te we bidi dabe te Jerusalemde ma bidigi pelama, bidaibao. Me te Juda dabego taun augwa ma nigaibao. Te megi dolama elalubo hanu dabe te eno ma wiegi yai nigilaibao.

Aisaia 49:20

Nago te wai dabe te nago we bidi dabe kalabuside digibulu bidali sogo pedelali, te augwaligo nageba te tiwai po waibao, ‘Te tǫ dwasianu mu dao. Dago bidabo tǫ dwasianu mu dao. Dago bidabo tǫ pedai genuai tǫ sabo homu ebao,’ waibao.

Aisaia 54:16

“Suao, bugagia konea sao. Ena digi eno te haniani nai te aingo nigibo bidi dabe nigali. Augwa te ain siaba munama, te ain dabo posolo yai sia mu nogani. Augwa te ain selama, te hamago elama, te bidigo hwįabo haniani nai dabe nigibo dao. Tama eno te ami bidi dabe me nigali, tama augwa te nai dabe selama, te boi hwįnama, te gasa bulu tǫ kantri dolobo sę ebo dao.

Jeremaia 1:6

Eno te Genuai Bidigo wali po odolama, te eno agai po wei ponoyu, te tiwai po wali, “Hobede ya, God, Genuai Bidi, ena gesi ogwa bidi mu elalubaso, eno te po pusabo kolesaga konebeo,” po wali.

Jeremaia 31:24

Te gide sę ebo bidi dabe, me te sipsip tonalubo bidi dabe me, augwali te Juda dabego tǫde bidiyu, te taun dabede me bidaibao.

Jeremaia 31:27

“Ena Genuai Bidi, eno te tiwai po wai, eno tebodolu me deli munama elalubo, tama te sogo eno te webidi dabe, me te hasa sibi hauwa, te Juda tǫde me Israeltǫde pedalumainogo ilaibao, te bidigo gide sę elama, naihauwa pedalubo tiwai yaibao.

Jeremaia 33:22

Te bidi dabegote hǫ dabe me nambisde masigi sani nedainu ebaso, usumu me egobeo. Te tiwai naga, te eno sę bidi Devitgo hanidali, te Livai hani dabe me, te hauwa umabo pedelama, te bidigo nedabo usu egobeo,” wali.

Esekiel 38:11

Te nago homugo tiaibao, te hani augwaligo hwįsama eyu, me augwaligo magi dwai sę ebeo homu yaibao. Tama augwaligo taun dabe obogo bagua sai me elalubeo, te genuai sunumi paliabo nai me elalubeo. Me te augwali seselalubo nai dabe menio, te homu yaibao. Tama tialima, nago homugo augwali dali hwįgi pabo homu yaibao,

Daniel 1:17

Tama Godigo wiegi yai konebo homu kolesaga te Danielba me, te aga abagi sela daliba menama, tama augwaligo koneani kolesaga te genuai mu elalu, te bukude elalubo po dabe me te mu konea pelama elaluai, tama augwaligo gasa nai dabe konebo kolesaga hauwa mu elaluali. Tama me, te Godigo Danielba te na ebo page dabe pusa mabo konebo kolesaga wiegi yai mani.

Daniel 1:4

Agai te gesi ogwa bidi dabe te wiegi yai gesabidi, me tigi wiegi yai yai naga sao po wali. Tama te tigi me badu dolali te me sigio, tama te wiegi yai kolesaga hauwa koneama, tama te wiegi yai skul olama, te kolesaga polo konea pabo bidi dabe naga sao, wali. Tama tiyu, augwaligo te kingo bede sę ebaso, usu yaibao. Tama Aspenasgo digi te augwaliba te nedebo me asębo sę te Babilon pode ola mayu, tama te Babilon bagego polobadu asęani wiegi yai kolesaga tigidali me ola momainogo yai dao.

Maika 7:11

Dage te Jerusalem we bidi dabe, te sogo bodolu si pedalubo si da, te dagego te taun bagulubo masigi obo sę ma yabo bodolu si pedelaibao. Tama te sogo augwaligo te taun sesege badu te ibaba tegasa peyu, te genuai igi paibao.

Sekaraia 1:16

Tialima, eno megi Jerusalemba ma aselama, tama eno agai we bidi dabe dali hobede homu ma yainu ebao. Tama augwaligo eno be ma sę eyu, me augwaligo taun Jerusalem ma dodoliyu yaibao,” te Tigidali Bomo Elalubo Genuai Bidigo te po wali.

Sekaraia 1:17

Tama ensel bidigo enabolo gasa me po me e tama pusao po walali, “Tigidali Bomo Elalubo Genuai Bidigo te po wali, te tigidali nai dabe agai taunde pągąna yaibao po wali, tama te we bidi wiagila mu bidimainu yaibao po wali. Tama agai Jerusalem aga taun mu tiwai ma magi ilaibao po wali. Tama agai te Jerusalem we bidi homu tegaluama bugagia bidimainu ilaibao,” wali.

Sekaraia 12:6

“Te sogo eno ilama, tama te Juda dabe polalubo bidi dabe te kalade te genuai isi bogoli dala sabo tiwai pedalu, ma te wa pai wit gide isi bogoli ula pedalubo tiwai yaibao. Tama augwaligo te augwali pąde elalubo bulu tǫ kantri bidi hani tigidali ela silaibao, tiali goli Jerusalem taun te aga elaluali pesagede tama elalueibao,” Genuai Bidigo te po wai dao.

Sekaraia 14:12

Te Genuai Bidigo dwai gasi me deli te Jerusalemba boi hwįani bulu tǫ kantri tigidali bidi dabe augwaliba te gasi pedalomainu ilaibao. Te gasi e tiwai da. Te bidi dabe bididubadi digi te augwaligo tigi wali me gedu me hamena me te damueibao.

2 Timoti 4:12

Augwaligo suali, nage gesi bidi homu ebo, tiali goli augwaligo homugo nage te olo bidi yali homu ebo gogologio. Menio. Nage te polalubo bidi bidao. Tama tiyu, tama nago po wabo kolesaga me, te bilibo me, tama nago we bidi dali dwagi yai homu eyu godolo ebo kolesaga me, te nago Godiba homu begi pabo kolesaga badi, tama te magi dwai sę isiąwai wiegi yai kolesaga nago ebo augwaligo suyu, tama augwaligo homu Godiba begi pabo we bidi augwaligo nage wali asaibao.