Sekaraia 10:5 - Godigo dwagi yai po buku

⁵ Tama tibaso, te Juda dabego te boi bidi dabe aiyaba elalubo sę eyu, te ami bidi dabego te taun sunumi dabede te tǫ pude te boi bidi aiyaba agabo tiwai yaibao. Te Genuai Bidi augwali dali bidibaso, te augwaligo hwįbo bomo eyu, te hos kibude dugayali boi bidi dabe me augwali aiyaba elaluboba usu naibao,” wali

Sekaraia 10:5 Iomraidhean Croise

2 Samuel 22:43

Eno te augwali mu dolama, tama augwali te tǫ hogomu tiwai pedelali. Eno augwali agalama, tama augwali aiyaba elaluali, te ena pu elalubo nagame yai tǫ elalubo sunumidu pabo tiwai yali.”

2 Samuel 22:8

“Tialima, Genuai Bidigo te eno boi bidi dabeba wado yali. Tama tiyu, agai te tǫ mali dwai mu ilibaso, tama te bulu du dabe me dagalu te aiyǫge page mu yalio.

Te Israel me Juda Hani Sigo Tuni Bidigo Po Elalubo Buku Si 9:33

Tama Jehugo augwalibolo e tama po wali, “Te we eba eda sąyao,” wali. Tama augwaligo te Jesebel selama, tama te we aga aba sąwai. Tama agai kanemego dobola sąyu, tama te kanemego tama te bede me te kaneme dagana sali, tama te Jehugo hos kibude me te kaneme dagana sali. Tama Jehugo te hos kibugo me te karisgo me te Jesebel tigidu agaga pali.

Godigo Nogi Ugwaba Sabo Tęąbi Po Wabo Buku Dabe 18:42

Eno augwali mu dolama, tama augwali te waligo sela holobo tǫ hogomu tiwai pedelali. Eno te boi bidi dabe elaluama, eno te sunumide agabo pu tiwai gagawai dao.

Godigo Nogi Ugwaba Sabo Tęąbi Po Wabo Buku Dabe 20:7

Te meba hanigo hagoma eyu, te hwįbo karis dabeba homu muani, tama gasa hani mebago te augwa hos dabeba homu muani. Tiali goli, dago te dena God Genuai Bidiba, Godiba, konealubo homu dąų wabo dao.

Godigo Nogi Ugwaba Sabo Tęąbi Po Wabo Buku Dabe 33:16

Te hwįbode te we bidi hanigo kingo te boi bidi aiyaba elaluama, tama te genuai ami dabede naga te boi bidi dabe me sela sągobeo. Te ami dabe augwa bomogo digi te boi bidi aiyaba me elalugobeo.

Godigo Nogi Ugwaba Sabo Tęąbi Po Wabo Buku Dabe 44:5

Te nago bomogo naga dago te boi bidi dabe sela sąyu ebo dao. Mu tama, nage da dali bidiyu, tama dago te da dali hwįbo bidi dabe aiyaba elaluyu, sągągo agabo dao.

Godigo Nogi Ugwaba Sabo Tęąbi Po Wabo Buku Dabe 45:3

Nage te bomai king da. Nago au dobage te hauwa elalubao, tama nago genuai nogi te ugwanu mu yai. Nago te bainat hwą dią selama, te hwįabo sisi elaluao.

Aisaia 10:6

Te we bidi dabego ena tagalama, tama God dologode bidisąbo bidi gagawali. Tama augwaligo ena sębę ilali. Tama tibaso, eno Asiria bage taga palama, augwali elama, tama augwaligo nai dabe selama, tama augwali aiyaba elaluama, agalama, tagalomainu yai dao, te bidi dabe tǫ nagamea pai pudu pabo tiwai emainu yai dao.”

Aisaia 25:10

Genuai Bidigo Saion bulu du bugagia tonaluaibao. Tiali goli, agai te Moap dabe mu dolaibao. Agai te boi bidi dabego augwali dolama, mesegelama, agayagasomainu yaibao. Te kau kibu dabego nosai augwa diba agalama, ela bulubo tiwai yaibao.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Aisaia 41:12

Te dage dali hwįnama, te dage dolainu homu yali hani dabe, te augwali olo nai tiwai mu pedelama, te augwali tǫde mu hagawaibao.

Aisaia 41:25

“Eno te giliga pedalubo badu bidi me deli hodolali. Te bidigo enaba genuai nogi mobao, tama megi eno te not badu sela aselama, tama agai te king dabe aiyaba elaluama, agayu, te tǫgo sospen sene nigibo bidigo te tǫ agalama, te sospen nigibo tiwai ebao.

Aisaia 8:9

Bugagia odao, dage te we bidi digibulu bidibo me, pąde bidibo me, dage Israel hani isąwai bage. Dagego hwįabo no muyu, bomo selama elalubo sę yao. Tiali goli, dagego bomo da, toga paibao. Tama dage noma selama, kone tųą pebela waibao.

Esekiel 38:15

Tama nage naga genuai ami hani dali, dage duga kantri u not badu tagalama, tama dagego te we bidi augwali dali hwį yagasaibao. Te ami bidi dabe augwali kantri hauwadu asaibao. Tama augwali sese tama augwali hosde dualama, tama augwali nage dali asaibao. Augwali umabo mu asaibao, bidigo augwali nedebaso, usu me egobeo.

Amos 2:15

Te enesigigo boi hwįbo bidi dabe te augwa bomo elama dolalu, hwįainu ebaso, usu me egobeo. Te bomo elama polo udabo bidi dabe augwa wi painu ebaso, usu egobeo. Te hosde dugulama boi hwįbo bidi dabe, augwali me wi me pogobeo. Menio. Te boi bidi dabego augwali ela mueibao.

Maika 5:8

Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.

Maika 7:10

Polobadu te boi bidi dabego dabolo te tiwai posobo po wali, “God, duga Genuai Bidi, menade bidibawe?” wali. Tiali goli, nosali te Genuai Bidigo da tau sabo augwa sulama, te augwali hale dwai mu saibao. Te Genuai Bidigo augwali aiyaba elaluama, te augwaligo te tǫ pu aiyana pai, te bidi dabego sągągo agabo tiwai ebo sueibao.

Hagai 2:22

‘Eno te haniani tǫ kantrigo king bage augwaligo bomo dolama, tama augwaligo bomo munu ma egobeo. Tama eno te augwaligo te boi hwįbo karis dali, te tede dolalubo ami soldia bidi dabe dali, augwali dolaibao,’ wali. ‘Tama te tigidali te boi hwįbo hos kibu dabe me isaibao,’ wali, ‘tama te kibu hosde dugayali ami soldia bidi dabe, augwaligo augwa hasi te deli sę ebo bage augwa hasi ma elaibao,’ wali.

Sekaraia 12:4

Te sogode eno te boi bidi dabego hos kibu dabe wi ilama, tama te hos kibude dugawali bidi dabe te homu kolesaga umuna palaibao. Eno te Juda dabe tonalueibao, tiali goli eno te boi bidi dabego hos kibu dabe gedu wilaibao.

Sekaraia 12:8

Te tebo sogode Genuai Bidigo te Jerusalemde bidibo we bidi te obogo bagulubo tiwai yaibao, te boi hwįbo side mubo sabelego te tigi bea sabo tiwai gilama yaibao. Te eno augwali dąų walobaso, te boi hwįabo bomo meni yani bidi dabego me, augwali te polobadu bidali bidi king Devit tiwai bomai bidi pedelaibao. Tama te Devitgo bulali wąį nǫų dabe te nosali pedalubo hani bage te augwa polalubo bidi bidaibao, te Genuai Bidigo mobo bidi ensel tiwai, ma God aga tiwai digi bidibo tiwai yaibao.

Sekaraia 14:13

Tama Genuai Bidigo te hani bidi dabe wi ilibaso, te kolesaga umuna saibao. Tama tialima, te bidi dabego te augwali pąde bidali bidi dabe pageabi elama ela mueibao.

Sekaraia 14:3

Tama Genuai Bidigo te bulu tǫ kantriba boi hwįgi paibao, te agai hwįbo sogo te ebo kolesaga tiwaigo te boi hwįaibao wali.

Sekaraia 9:13

Te Juda dabe augwali eno te enesigi tolalubo tiwai eyu, tama te Israel dabe augwali te eno enesigide ene daganalubo tiwai elalueibao, tama te Jerusalem bidi dabe augwali da te hwą ge bainat gelalubo tiwai elalu, tama eno te Grik dabe dali boi hwįaibao,” te po wali.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Matyu 4:3

Tama te usu sabo bidi agaba pedelama, tama aga dwai sę tomoba kegainu agai te po wali, “Nage te Godigo Ogwa da wida, teda nago po obadi e elalubo masigi dabego te begelama, te tubo nai bret pedalomainao, nago tumainogo yao,” te po wai.

Dwagi Yai Gesi Po Lukgo Asęani 24:19

Te bidi agai tama wai, tama Jisasgo augwali sibolo hanalu wai, “Magi sęwe?” Tama te bidi sigo Jisas dali te po wai, “Te sę te Nasaret bidi Jisasde pedalai. Te bidi Godigo nosali yabo sę po wabo bidi, Godigo po ola mabo bidi. Tama te bidigo agai bomai sę dali, bomai po dali Godigo gedude dali, te we bidigo gedude dali te sę yai,” te bidi sigo Jisas dali te po wai.

Godigo Sęba Tagala Palai Bidigo Po 18:24

Te Juda bidi me deli Efesus be naniba sabolagasali. Agai nogi da Apolos, agai page bulu Aleksandria be nani da. Tama te bidi aga da po digi wabo bidi, te agai dwagi yai Godigo po asęani bukude ebo po page tigidali koneai bidi mu da.

Godigo Sęba Tagala Palai Bidigo Po 7:22

Tama nosali Isip bidi dabego ebo kolesaga page augwaligo Mosesbolo ola mani. Moses genuai yali, agai sę dabe, po dabe bomai po mu augwalibolo manio,” Stivengo te po wai.

2 Korin 10:4

Tigidali wąbi hwįbo nai dabe dago tolalubo, te tǫde nai tiwai me elalubeo. Menio. Te Godigo bomo elalubao, te boi bidigo bomai obo alubo usu yaibao.

Bomai Po 20:1

Tama Mosesgo po wadolama weyu, te po wali, “Te dage te boi hwįgi pabo sogo, te dagego duga boi bidigo te karis me hos kibu elalubo suyu, me augwa ami bidi nambago dage edelai baso da, tagalao, dage wi me elamuo, augwalide. Magi baso menio. Genuai Bidi, dago God, agai dage Isip bulude selama, tama dage odasa asai dao. Aga digi dage dali bidaibao.

Polgo Si Wali Pas Timotiba Asęani - 2TI 4:17

Tiali goli Genuai Bidi aga ena dali bidaluyu, tama enabolo bomo mani. Eno te Godigo po sese pusubo te usu mu emainu, tama te agai po odisąwai hani tigidali augwaligo odomainogo eyu, agai bomo enabolo mani. Tama augwali te bidi ela tubo dwai hasa laion tiwai bidiyu, tama augwaligo ena ela muidali weyu Godigo ena tau selama dwagi yai madiba muanio.

Polgo Si Wali Pas Timotiba Asęani - 2TI 4:7

Te Kraisde konealubo po dąų wabo bidi te usu si yainogo udabo tiwai sę elalubao. Te usu si yainu ena bugagia udawai dao. Megi da te dąį ilaliba ena mu sabolalio. Eno Kraisde konealubo po homugo dąų mu wai dao, te eno munu me tagalobeo.

Josua 10:14

Te polobadu sogo tede gagalasa, asama, tama megi e po asębo sogoba usu nagasobo, te tiwai sę me deli te me ebeo. Genuai Bidigo te bidi me deligo po odama, tama te Israel dabego hwįbode te agai augwali tau sai dao!

Josua 10:42

God, te Israel dabego Genuai Bidigo, te augwali tau sobaso, tama augwaligo te tigidali tǫde bidali tuni bidi dabe tigidali augwali aiyaba elaluama, tama augwaligo tǫ te hwįanigo naga sai dao.

Kraisgo Geme Dualali Sę Pedelabo Po Jonbolo Ola Mani 19:17

Tama te sogo eno suali, te ensel mobo bidi me deli te giliga ge pąde te dagalude dolaluai. Agai te dagalude ugwadu bola bilibo tigidali ba dabe dali bomonama i weyu, tama agai te po wai, “Dage te Godigo genuai nai tubo digi sisinagasao.

1 Samuel 16:18

Tama sę bidi me deligo Solbolo te po wali, “Eno te Betlehem bidi Jesigo ogwa me deli suai dao. Te gesi ogwa bidigo agai te musik elibo mu koneai. Tama aga te wiegi yai hwįbo bomai bidi da. Tama aga te wiegi yai po weyu, tama tonobo sawi yai bidi mu. Tama Genuai Bidi me aga dali bidibo dao,” wali.