Sekaraia 10:3 - Godigo dwagi yai po buku

³ Genuai Bidigo te po wali, “Te gasa tǫ pedai kantri bidi dabego eno we bidi dabe augwali tonalubo te eno hagela eyu haliga sębę ebao. Te eno augwaliba dwai dene mabo sę yaibao. Te Juda we bidi dabe augwali te eno we bidi dabe dao. Te ena Tigidali Bomo Elalubo Genuai Bidi, ena digi te eno augwali bugagia tonalueibao, te bidi mego aga kibu sipsip hani tonalubo tiwai gilama yaibao. Te Juda dabe da, te hwįbo bomai hos kibu tiwai pedelaibao.

Sekaraia 10:3 Iomraidhean Croise

Jopgo Po Asęani Elalubo Buku 39:25

Tama augwaligo bu wabo odobo si da, augwaligo ga wabo dao. Augwali te wąbi hwįbo digibulu elalubadi digi, augwaligo denami bolo odobo dao, te wąbi hwįbo denami. Tama augwaligo te ami ofisago i hae, te aga ami bidibolo wabo pode moni wąbi hwįmainu hae wabo po odobo dao,” wali.

Ma Dobola Sali 4:31

Tama tibaso, augwaligo homu Aronba mu dąų wai. Augwaligo te po tiwai wabo odali, Genuai Bidigo suali, te Isip hani augwaligo te Israel hani dali dwai kolesaga ebaso, agai homu hauwa augwalide ebo dao. Tama te we bidi dabe augwaligo te po odolama, tama augwa tobolu tǫba aiyaba munama, Genuai Bidibolo lotu po wai.

Bugagia Bidibo Kolesagade Po Asęai Buku 21:31

Te ami bidi dabego te hwįbo sogo te hwįabo hos dabe dodolaibao. Tiali goli, te Genuai Bidigo naga te augwaligo te hwįbode ugwaba ela holomainu ebo dao.

Solomon 1:9

Ae, nage eno sawi yai abagi da, nago au yali wiegi yai da, te Isip king bidigo karis dabe kekebo hos kibu dabe au yali tiwai dao.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.

Aisaia 24:21

Polobadu digi Genuai Bidi aga digi po bodolu muai dao. Agai te dagalude bidibo bomo elalubo bage dene mayu, me te tǫde tuni bidi dabe dali dene mawaibao.

Jeremaia 10:21

Te tǫ kantri tonalubo tobolu bidi dabego wiegi yai homu kolesaga elalusiąyu, augwa te Genuai Bidiba hanaluama, te augwa homu kolesaga dodolomainu te homu me ebeo. Tiyu, augwaligo te wiegi yai sę me isiąbaso, te boi bidi dabe aselama, te we bidi dabe tedela pali, te uni yowigo te sipsip tonalubo bidigo te sipsip bugagia tonalusąbaso, te tedela palobo tiwai yali dao.

Jeremaia 11:22

“Ena Genuai Bidi Tigidali Bomo Elalubao, eno po dolo obao, eno te Anatot hani bidi dabeba dwai sę mu yaibao. Eno te boi bidi dabe tagala palama, te ogwa bidi dabe ela mumainu yaibao. Tama te sogo te Anatot dabe te nai menia selama, te augwa wai dabe isila paibao,” te po wali.

Jeremaia 25:12

“Te bidi sese sela olama, nogo si kibu be, te 70 yia silibo si da, teda ena Genuai Bidi, te eno te Babilon kingba me te aga we bidi dabe dwai dene mawaibao, te augwaligo yali dwai kolesaga wei ponaibao. Tama eno te Babilon tǫ kantri dolaibao, te tǫ Kaldia dao, tama te Babilon tǫ sesemane olo mu elalua paibao.

Jeremaia 25:34

Dage tobolu bidi dabe, me we bidi tonalubo bidi dabe, dage gela weyu, hobede dwai mu yao. Te dage tǫba degasa dulama, hogogobe paibao. Magi baso meni, megi da, te boi bidi dabe aselama, te dage ela munama, te bidalubo we bidi dabe sela sąbo sogo elalubao. Te dage tulaluama doloyu, te wiegi yai tǫgo nigai sospen tǫba tulaluama dolobo tiwai yaibao.

Jeremaia 50:6

“Eno we bidi dabe augwali te hagawai sipsip hani tiwai bidali. Te augwali tonaluali bidigo augwali te wiegi yai sunumi tagalomainogo ilama, te bulu du pesagede tedela palama, bilaluali. Augwali te bulu dude bilalu, te augwali toma tuabo madi te homu kone me ebeo.

Esekiel 34:11

“‘Ena God Genuai Bidi, eno te po te obao, te ena digi ena sipsip dabe gegelama, tama augwali ma oda selama, tama ena digi augwali bugagia tonaluaibao.

Esekiel 34:12

Te eno te sipsip tonalubo bidigo te sipsip kibu tonalubo tiwai elama, tama eno te sipsip dabe subigila pali dabe gegaibao. Te eno sipsip kibu dabe augwali te genuai pǫ elama, hulia sali sogo augwali subigila tedela pai dao. Tiali goli, ena pelama, tama eno augwali pali pesageba tigidali gegegi paibao.

Esekiel 34:2

“Tǫde bidio, nago te Israel dabe tobolu bidi dabe po tų ela mayu, nago e tama po wao, ‘Dage Israel dabego tobolu bidi dabeo, odiąo. Ena God Genuai Bidi, eno po dage dali elalubao. Dage dolaibao. Te Israel dabe augwali da, te sipsip kibu dabe tiwai dao, tama dage da, te sipsip tonalubo sę elalubo bidi dabe tiwai dao. Tiali goli, dagego duga naga ma tonaluyu ebo dao, tama dagego te sipsip dabe tonalubo menio.

Daniel 11:32

“Tama kingo te God tudiba mubo bidi dabe bega sabo po olama, tama te augwaligo aga wali paibao. Tiali goli, te God dologoba mu pelama bidali we bidi da, teda augwali te bomonama dolalu, te king bidigo po wali pogobeo.

Sefanaia 1:8

Genuai Bidigo e tama po wali, “Te eno ena te we bidi ela wialobo bubugade, te eno te kingo ofisa dabe dene mayu, me te kingo wai ogwa dabebolo, me te bulu badu dwai kolesaga wali pabo bidi sese tama dene mena silaibao.

Sefanaia 2:7

Tama te dwasianu Juda hani augwali dolisąma yali, te bage augwaligo dagego tǫ saibao. Tama augwaligo sipsip kibu dabego tede nai tulama, tama te Juda dabe augwali te Askelon taun bede piyu yaibao. Tama God augwa Genuai Bidi, augwa Juda dabego Genuai Bidi augwali dali bidiyu, tama agai augwali augwa kantride bugagia bidimainu ilaibao.

Sekaraia 11:17

Tialima te tonalubo dwai bidi dolomainao, magi baso meni, agai aga hani sipsip tonalubo tagalali. Te boi bidi dabego agaba boi hwįagaselama te agai bomo tigidali aiyaba mu tamunaibao. Tialima agai nogo kimi bomo isilama, tama agai dolo nogo badu gedu te mu halua somainao,” Genuai Bidigo te po wai dao.

Dwagi Yai Gesi Po Lukgo Asęani 1:68

“Dena Genuai Bidi Israel dabego God nogi kegenaninao. Agai aga we bidi da tau sagasalio.

1 Pita 2:12

Tama dage te God konesiąwai we bidi tomode bidiyu, tama dwagi yai kolesaga naga yao. Magi baso meni. Augwaligo dage dali nogi posobo po weyu, “Dage dwai sę ebo we bidi dao,” po weyu da, teda augwaligo dagego dwagi yai sę naga ebo sulama, tama nosali te Godigo po tų yagasabo sogo asobo si augwaligo aga nogi ugwaba siyu te po waibao, “Ao, agai po wali pabo we bidi augwaligo dwagi yai sę yalio.”

Rutgo Po Elalubo Buku 1:6

Tama Naomi te Moap tǫde bidibadi, te sogo agai e tiwai po odai, Genuai Bidigo wiegi yai sogo aga we bidi Israel augwalibolo menama, tama nai augwaligo gide ma holobo po odalio. Tama Naomi aga auwa we si dali, augwaligo te Moap tǫ taga painogo sisi elalualio.